‘അവിടെ നിന്നിങ്ങോട്ട് ഞാന്‍ പോലും പ്രതീക്ഷിക്കാത്ത ഒരു നിലയിലാണ് ഇപ്പോള്‍ നില്‍ക്കുന്നത്’ മനോജ് കെ യു

തിങ്കളാഴ്ച നിശ്ചയത്തിലെ കുവൈറ്റ് വിജയന്‍ എന്ന കഥാപാത്രമായെത്തി മലയാളി മനസില്‍ ഇടംനേടിയയാളാണ് മനോജ് കെ.യു. തിങ്കളാഴ്ച നിശ്ചയത്തിന് ശേഷം തിരിഞ്ഞു നോക്കേണ്ടി വന്നിട്ടില്ല താരത്തിന്. നവാഗതനായ നിഖില്‍ മുരളി സംവിധാനം ചെയ്ത പ്രണയ വിലാസം എന്ന സിനിമയില്‍ രാജീവന്‍ എന്ന കഥാപാത്രമായി വീണ്ടും പ്രേക്ഷകരെ വിസ്മയിപ്പിക്കുകയാണ് മനോജ്. ഇപ്പോഴിതാ എങ്ങനെ താനീ ചിത്രത്തിലെത്തിയെന്നതിനെ കുറിച്ച് പറയുകയാണ് മനോജ്.

‘ഇരട്ട’ എന്ന സിനിമയില്‍ ഞാനഭിനയിച്ചിട്ടുണ്ട്. അതില്‍ ഞാന്‍ അഭിനയിച്ചുകൊണ്ടിരിക്കുമ്പോള്‍ ഇടയ്ക്ക് ഷെഡ്യൂള്‍ ബ്രേക്ക് വന്നു വീട്ടില്‍ പോയി. അപ്പോള്‍ ‘ഇരട്ട’യുടെ നിര്‍മാതാവ് മാര്‍ട്ടിന്‍ പ്രക്കാര്‍ട്ട് എന്നെ വിളിച്ചിട്ട് തിരിച്ചു വരുമ്പോള്‍ ഒരു ദിവസം നേരത്തെ വരാന്‍ പറ്റുമോ ഒരു കഥ പറയാനുണ്ട് എന്ന് പറഞ്ഞു. അങ്ങനെ ഞാന്‍ എറണാകുളത്ത് എത്തി നിഖിലിനെ കണ്ടു. നിഖിലും ജ്യോതിഷും ക്യാമറാമാന്‍ ഷിനോസും നിര്‍മാതാവ് രഞ്ജിത്തേട്ടനും കഥ പറയുമ്പോള്‍ ഉണ്ടായിരുന്നു. പ്രണയവിലാസത്തിന്റെ കഥയാണ് അവര്‍ പറഞ്ഞത്. ഇന്റര്‍വല്‍ വരെ പറഞ്ഞപ്പോഴേക്കും ഞാന്‍ എഴുന്നേറ്റ് കൈ കൊടുത്തു. കഥ എനിക്ക് ഒരുപാട് ഇഷ്ടപ്പെട്ടു. ഞാന്‍ പറഞ്ഞു ബാക്കി കേള്‍ക്കണം എന്നുപോലും ഇല്ല നമുക്കിത് ചെയ്യാമെന്ന്. അങ്ങനെയാണ് പ്രണയവിലാസത്തിലെ രാജീവന്‍ ആകുന്നതെന്ന് താരം മനോരമയോട് പ്രതികരിച്ചു.

തിങ്കളാഴ്ച നിശ്ചയം കഴിഞ്ഞെടുത്ത ഇന്റര്‍വ്യൂവില്‍ ചോദിച്ചത് എനിക്ക് ഓര്‍മയുണ്ട്, ഇനി സിനിമകള്‍ കിട്ടുമെന്ന് പ്രതീക്ഷയുണ്ടോ എന്ന്, ഞാന്‍ പറഞ്ഞ ഉത്തരം ‘പ്രതീക്ഷയുണ്ട് പക്ഷേ ഇതുവരെ ആരും വിളിച്ചില്ല, വിളിക്കുമായിരിക്കും’ എന്നാണ്. അവിടെ നിന്നിങ്ങോട്ട് ഞാന്‍ പോലും പ്രതീക്ഷിക്കാത്ത ഒരു നിലയിലാണ് ഇപ്പോള്‍ നില്‍ക്കുന്നത്. ആഗ്രഹിച്ചതിനേക്കാള്‍ കൂടുതല്‍ ആണ് എനിക്ക് കിട്ടിയത്. ഒരുപാട് വ്യത്യസ്തമായ റോളുകളും സിനിമകളും കിട്ടുന്നുണ്ട്. ചെയ്യുന്നതെല്ലാം ഒരേ തരം കഥാപാത്രങ്ങള്‍ ആയി പോകാതിരിക്കണം എന്നുണ്ട്. കുവൈറ്റ് വിജയന്റെ സാമ്യം മറ്റൊന്നിലും വരരുത് അതുപോലെ ചെയ്യുന്ന ഓരോ കഥാപാത്രവും വ്യത്യസ്തമാകണം. നല്ല നല്ല സിനിമകള്‍ കിട്ടുന്നുണ്ട്, വലിയ സന്തോഷമാണ്, ഇങ്ങനെ തുടര്‍ന്ന് പോകട്ടെ എന്ന് പ്രാര്‍ത്ഥിക്കുന്നുവെന്നും അദ്ദേഹം പറഞ്ഞു.

Gargi

Recent Posts

‘പൊലീസ് എങ്ങനെ ഒരു കൊലപാതകത്തെ ആത്മഹത്യയാക്കി മാറ്റുന്നു’; സാത്താന്റെ ട്രെയ്ലർ പുറത്തുവിട്ടു

കെ എസ് കാർത്തിക്ക് സംവിധാനം ചെയ്യുന്ന ഏറ്റവും പുതിയ ചിത്രം സാത്താൻ്റെ ആകാംക്ഷയുണര്‍ത്തുന്ന ട്രെയിലർ പുറത്തിറങ്ങി. റിയാസ് പത്താൻ, ഹാരിസ്…

5 hours ago

ഭവതരിണിയെ കൊണ്ട് റെക്കോഡ് ചെയ്യിക്കാനിരുന്നതാണ്, ഒരുമണിക്കൂറിന് ശേഷം അവള്‍ ലോകത്ത് നിന്ന് വിടവാങ്ങി!! ഹൃദയഭേദകമായ കുറിപ്പുമായി യുവന്‍

വിജയ് ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ദ ഗ്രേറ്റസ്റ്റ് ഓഫ് ഓള്‍ ടൈം, ദ ഗോട്ട് എന്ന ചിത്രം.…

9 hours ago

പച്ച മനുഷ്യനോടുള്ള സ്‌നേഹാദരവ്!! ഹൃദയങ്ങള്‍ കീഴടക്കി ദിവ്യ എസ് അയ്യര്‍

ജാതിയും മതവും വേലിയാകുമ്പോള്‍ മനുഷ്യത്വം കൊണ്ട് ഹൃദയം നിറയ്ക്കുന്നൊരു ചിത്രം സോഷ്യലിടം കീഴടക്കിയിരിക്കുകയാണ്. മന്ത്രി സ്ഥാനം ഒഴിയുന്ന കെ. രാധാകൃഷ്ണനെ…

10 hours ago

അനശ്വരയായി കുഞ്ഞ് എയ്ഞ്ചല്‍!! യുകെയില്‍ അന്തരിച്ച നാലുവയസ്സുകാരിയുടെ അവയവങ്ങള്‍ ദാനം ചെയ്യും

യുകെയിലെ മലയാളിയായ കുഞ്ഞ് എയ്ഞ്ചലിന്റെ വിയോഗം പ്രവാസ ലോകത്തിന് തീരാനോവായിരിക്കുകയാണ്. ചങ്ങനാശ്ശേരി സ്വദേശികളായ തെക്കേടത്ത് ജോസഫ് തോമസി(ടിജോ)ന്റെയും അഞ്ജുവിന്റെയും മകള്‍…

11 hours ago

സുധിയുടെ പാതയില്‍ രേണുവും; കോളേജ് വിദ്യാര്‍ഥിനിയായി അരങ്ങിലേക്ക്

അന്തരിച്ച നടന്‍ കൊല്ലം സുധിയുടെ പ്രിയതമ രേണു സുധി ഇനി അഭിനയരംഗത്തേക്ക്. കരിയറില്‍ ശ്രദ്ധേയനാകുന്നതിനിടെയാണ് വിധി അകാലത്തില്‍ സുധിയെ കവര്‍ന്നത്.…

13 hours ago

പലപ്പോഴും സോഷ്യൽ മീഡിയയുടെ ആക്രമണത്തിന് ഇരയാകുന്ന വ്യക്തിയാണ് അഭിരാമി സുരേഷ്

ഒരു കാരണവുമില്ലാതെ മിക്കപ്പോഴും സോഷ്യൽ മീഡിയയുടെ സൈബര്‍ ആക്രമണങ്ങൾക്ക് ഇരയാകാറുള്ള വ്യക്തിയാണ് ഗായികയും സോഷ്യൽ മീഡിയ താരവും ഒക്കെയായ അഭിരാമി…

14 hours ago