‘വിശ്വംഭര’യ്ക്കായി ഗംഭീര തയ്യാറെടുപ്പില്‍ ചിരഞ്ജീവി!!!

പുതിയ ചിത്രത്തിനായി വന്‍ തയ്യാറെടുപ്പുമായി നടന്‍ ചിരഞ്ജീവി. വസിഷ്ഠ മല്ലിഡി സംവിധാനം ചെയ്യുന്ന പുതിയ ചിത്രം ‘വിശ്വംഭര’യ്ക്കായി കഠിനമായ വര്‍ക്കൗട്ട് ചെയ്യുകയാണ് താരം. വര്‍ക്കൗട്ട് വീഡിയോ താരം തന്നെയാണ് സോഷ്യല്‍ മീഡിയയിലൂടെ പങ്കുവെച്ചത്. ‘വിശ്വംഭര’ എന്ന ഹാഷ്ടാഗോടെയാണ് താരം വീഡിയോ പങ്കുവച്ചത്. വീഡിയോ ഇതിനോടകം തന്നെ ആരാധകലോകം ഏറ്റെടുത്തിരിക്കുകയാണ്.

ഫാന്റസി ത്രില്ലറാണ് വിശ്വംഭര എന്നാണ് റിപ്പോര്‍ട്ടുകള്‍. 68ാം വയസിലും കഥാപാത്രത്തിന് വേണ്ടി താരം കഠിന പ്രയത്നം നടത്തുന്നതിനെ നിറഞ്ഞ് അഭിനന്ദിക്കുകയാണ് ആരാധകര്‍. യുവി ക്രിയേഷന്‍സ് ആണ് ചിത്രം നിര്‍മിക്കുന്നത്. ഉടന്‍ ചിത്രത്തിന്റെ ചിത്രീകരണം ആരംഭിക്കുമെന്നാണ് റിപ്പോര്‍ട്ടുകള്‍. എംഎം കീരവാണിയാണ് ചിത്രത്തിന് സംഗീതം പകരുന്നത്. 2025ലാണ് ചിത്രം തിയേറ്ററുകളിലെത്തുന്നത്.

ചിരഞ്ജീവി സാധാരണക്കാരനായിട്ടാണ് വസിഷ്ഠയുടെ പുതിയ ചിത്രത്തില്‍ എത്തുകയെന്ന് റിപ്പോര്‍ട്ടുണ്ട്. ഡോറ ബാബു എന്നായിരിക്കും ചിരഞ്ജീവിയുടെ കഥാപാത്രത്തിന്റെ പേര്. ഗോദാവരി ജില്ലയില്‍ നിന്നുളള ആളാണ് കഥാപാത്രം എന്നതിനാല്‍ അന്നാട്ടിലെ ഭാഷാ ശൈലിയിലായിരിക്കും ചിരഞ്ജീവി ഡോറാ ബാബുവായി സംസാരിക്കുക. എങ്ങനെയാണ് ആ സാധാരണ മനുഷ്യന്‍ ചിത്രത്തില്‍ നായകനായി മാറുന്നത് എന്നതാണ് ആകാംക്ഷയുണര്‍ത്തുന്ന ഘടകം.

വിശ്വംഭരയില്‍ ചിരഞ്ജീവി സാധാരണക്കാരനായിട്ടാണ് എത്തുന്നത്. ഡോറ ബാബു എന്നായിരിക്കും ചിരഞ്ജീവിയുടെ കഥാപാത്രത്തിന്റെ പേര് എന്നുമാണ് റിപ്പോര്‍ട്ട്. ഗോദാവരി ജില്ലയില്‍ നിന്നുളള ആളാണ് കഥാപാത്രം എന്നതിനാല്‍ അന്നാട്ടിലെ ഭാഷാ ശൈലിയിലായിരിക്കും ചിരഞ്ജീവി ഡോറാ ബാബുവായി സംസാരിക്കുക.