കാര്യങ്ങള്‍ പൊലിപ്പിച്ച്‌ പറയുക അങ്ങനത്തെ സ്വഭാവമുള്ള ആളാണ് ഞാൻ! മിയ!!

മലയാള സിനിമ ആരാധകർക്കിടയിൽ തന്റേതായ സ്ഥാനം ഉറപ്പിച്ച പ്രിയനടിയാണ് മിയ ജോര്‍ജ്. ചെയ്ത കഥാപാത്രങ്ങൾ എല്ലാം തന്നെ തന്റേതായ കയ്യൊപ്പ് പതിപ്പിച്ച നായികയാണ് മിയ. നായികാ വേഷം മാത്രമേ ചെയ്യൂ എന്ന് പറയുന്ന നായികമാരിൽ നിന്നും വളരെ വ്യത്യസ്തമാന് മിയ കാരണം തനിക്കുകിട്ടുന്ന കഥാപാത്രം അതെ എത്ര ചെറുത് ആയാലും വളരെ മനോഹരമായി ചെയ്യുന്ന ആളാണ് മിയ.

  മലയാളത്തിന് പുറമെ നിരവധി അന്യഭാഷാചിത്രങ്ങളിലും അഭിനയിച്ച താരത്തിന് നിരവധി ആരാധകരാണ് ഉള്ളത്. മിയ പ്രധാന വേഷത്തില്‍ എത്തിയ ഏറ്റവും പുതിയ ചിത്രമാണ് ഡ്രൈവിംഗ് ലൈസന്‍സ്. പൃഥ്വിരാജിനെയും സുരാജിനെയും കേന്ദ്ര കഥാപാത്രങ്ങളാക്കി ജീന്‍ പോള്‍ ലാല്‍ ആണ് ചിത്രം സംവിധാനം ചെയ്തിരിക്കുന്നത്. ചിത്രത്തില്‍ സുരാജിന്റെ ഭാര്യയുടെ വേഷമാണ് മിയയ്ക്ക്. സിനിമയിലെ കഥാപാത്രത്തെക്കുറിച്ചും, തന്നെ ഈ ചിത്രത്തിലേക്ക് സജസ്റ്റ് ചെയ്തത് ആരാണെന്നും ഒരു അഭിമുഖത്തിലാണ് താരം വെളിപ്പെടുത്തിയിരിക്കുന്നത്.

മറ്റ് സിനിമയില്‍ നിന്നും ‘എന്റെ ഈ സിനിമയിലെ റോള്‍ എന്ന് പറയുന്നത് എന്നെ സംബന്ധിച്ച്‌ ഏറെ പുതുമയുള്ളതാണ്. കാരണം അസ്ഥാനത്ത് ഡയലോഗടിക്കുക, കാര്യങ്ങള്‍ പൊലിപ്പിച്ച്‌ പറയുക അങ്ങനത്തെ സ്വഭാവമുള്ള കാരക്ടറാണ്. ഞാനിതുവരെ അങ്ങനൊരു വേഷം ചെയ്തിട്ടേയില്ല. എന്റെയടുത്തു നിന്ന് അത് പലരും പ്രതീക്ഷിക്കുന്നുമില്ലെന്നാണ് എനിക്ക് തോന്നുന്നത്. കാരണം പടം കണ്ട് കഴിഞ്ഞ് പ്രേക്ഷകരില്‍ നിന്ന് അഭിപ്രായം ചോദിച്ച്‌ കഴിഞ്ഞപ്പോള്‍ അവര്‍ക്കൊക്കെ അത്ഭുതമാണ് തോന്നിയത്. രാജുച്ചേട്ടനാണ് എന്നെ ഈ പടത്തില്‍ സജസ്റ്റ് ചെയ്തത് എന്നും മിയ തുറന്ന് പറഞ്ഞു.ചിത്രത്തിന് വലിയ സ്വീകരണമാണ് ആരാധകരില്‍ നിന്നും ലഭിച്ചത്.