ഈ വെല്ലുവിളി ഏറ്റെടുക്കുമോ? വാലിബന്‍ ചലഞ്ചിന് ക്ഷണിച്ച് ലാലേട്ടന്‍!!!

ആരാധകലോകം ഒന്നടങ്കം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ‘മലൈക്കോട്ടെ വാലിബന്‍’. ലിജോയും ലാലേട്ടനും ഒന്നിക്കുമ്പോള്‍ തന്നെ ആരാധകരുടെ പ്രതീക്ഷ വാനോളമാണ്. നിരവധി സസ്‌പെന്‍സുകള്‍ തുടങ്ങിയ ചിത്രം റിലീസിന് ഒരുങ്ങിയിരിക്കുകയാണ്. ജനുവരി 25-നാണ് വാലിബന്‍ തിയ്യേറ്ററിലെത്തുന്നത്.

റിലീസിന് ദിവസങ്ങള്‍ ബാക്കി നില്‍ക്കുമ്പോള്‍ ‘വാലിബന്‍ ചലഞ്ചു’മായി എത്തിയിരിക്കുകയാണ് ലാലേട്ടന്‍. നിങ്ങള്‍ സ്വീകരിക്കുമോ, എന്ന കുറിപ്പോടെയാണു മോഹന്‍ലാല്‍ വിഡിയോ പങ്കുവച്ചിരിക്കുന്നത്. ചിത്രത്തിന്റെ പ്രൊമോഷന്റെ ഭാഗമായി മോഹന്‍ലാല്‍ പങ്കുവച്ച വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്. പ്രേക്ഷകരെ വാലിബന്‍ ചലഞ്ചിലേക്ക് സ്വാഗതം ചെയ്തിരിക്കുകയാണ്
മോഹന്‍ലാല്‍.

‘ഈ വെല്ലുവിളി ഏറ്റെടുക്കുമോ?’ എന്ന അടിക്കുറിപ്പോടെയാണ് മോഹന്‍ലാല്‍ വീഡിയോ പങ്കുവെച്ചത്. ഒരു ഡൗള്‍ കേബിള്‍ മെഷിനില്‍ താരം വ്യായാമം ചെയ്യുന്ന രംഗമാണ് വീഡിയോയിലുള്ളത്. തങ്ങള്‍ ഈ വെല്ലുവിളി ഏറ്റെടുക്കുമെന്ന് ആരാധകലോകം പറയുന്നുണ്ട്. വാലിബനായി കാത്തിരിക്കുകയാണെന്നും ആരാധകര്‍ പറയുന്നു.

മറാഠി നടി സൊണാലി കുല്‍ക്കര്‍ണി, ഹരീഷ് പേരടി, മണികണ്ഠന്‍ ആചാരി, രാജീവ് പിള്ള, ഡാനിഷ്, ഹരിപ്രശാന്ത് വര്‍മ, സുചിത്ര നായര്‍ എന്നിരാണ് ചിത്രത്തില്‍ മറ്റ് കഥാപാത്രങ്ങളെ അവതരിപ്പിക്കുന്നത്. പി.എസ്. റഫീക്കാണ് ചിത്രത്തിന്റെ രചന നിര്‍വഹിച്ചിരിക്കുന്നത്. ആമേന് ശേഷം ലിജോയ്ക്കുന്നത്. പ്രശാന്ത് പിള്ള സംഗീതവും ദീപു ജോസഫ് എഡിറ്റിങ്ങും നിര്‍വഹിക്കുന്നു. ചീഫ് അസ്സോസിയേറ്റ് ഡയറക്ടര്‍ ടിനു പാപ്പച്ചനാണ്. വസ്ത്രാലങ്കാരം റോണക്‌സ് സേവ്യര്‍ ആണ്. ഷിബു ബേബി ജോണിന്റെ ജോണ്‍ ആന്‍ഡ് മേരി ക്രിയേറ്റീവിനൊപ്പം മാക്‌സ് ലാബ് സിനിമാസ്, സെഞ്ച്വറി ഫിലിംസ് എന്നിവരും ചേര്‍ന്നാണ് ‘മലൈക്കോട്ടൈ വാലിബ’ന്‍ നിര്‍മ്മിക്കുന്നത്.