ഷൂട്ടിംഗ് കഴിഞ്ഞ് പോകുവാണോ എന്ന് മോഹൻലാലിനോട് ആരാധിക! വിടാൻ ധൃതി ആയോ എന്ന് നടൻ; വീഡിയോ വൈറൽ

ഈ അടുത്തിടെ ഒരമ്മ  മോഹൻലാലിനെ കാണാൻ തരുൺ മൂർത്തി സംവിധാനം ചെയ്യുന്ന സിനിമയുടെ സെറ്റിലെത്തിയതും മോഹൻലാലിനോട് സംസാരിക്കുന്നതുമൊക്കെ സോഷ്യൽ മീഡിയിൽ എല്ലാം  വൈറലായിരുന്നു.അന്ന്  ഷൂട്ടിം​ഗ് കഴിഞ്ഞ് മോഹൻലാൽ പോകാൻ നിൽക്കുന്ന സമയത്താണ് അമ്മൂമ്മ നടനെ  കാണാൻ എത്തിയത്. മോഹൻലാൽ കാറിൽ കയറുന്ന സമയത്ത് പോരുന്നോ എന്റെ കൂടെ എന്ന് അമ്മൂമ്മയോട് ചോദിച്ചിരുന്നു, മോഹൻലാലിന്റെ കടുത്ത ആരാധിക കൂടിയാണ് അമ്മൂമ്മ.  എന്നാൽ ഇപ്പോൾ മോഹൻലാലിനെ   വീണ്ടും കാണാനെത്തിയിരിക്കുകയാണ് ഈ  അമ്മ, ഈ വീഡിയോ ഇപ്പോൾ സോഷ്യൽ മീഡിയിൽ വീണ്ടും വൈറൽ ആകുകയാണ്.

നേരത്തെ മോഹൻലാലിനെ കണ്ട് മതിവരാത്ത അമ്മ  വീണ്ടും ഷൂട്ടിന് മോഹൻലാൽ എത്തിയപ്പോൾ ഓടിയെത്തുകയായിരുന്നു. ഷൂട്ട് കഴിഞ്ഞ് തിരികെ മടങ്ങാനായി വാഹനത്തിന് അരികിലേക്ക് പോകുമ്പോൾ മോ​ഹൻലാൽ അമ്മൂമ്മയെ ചേർത്ത് പിടിച്ച് നടന്നു. ഷൂട്ടിം​ഗ് കഴിഞ്ഞ് പോകുവാണോ എന്ന അമ്മയുടെ ചോദ്യത്തിന് ഞങ്ങളെ പറഞ്ഞ് വിടാൻ ധൃതി ആയോ എന്നും  നടൻ  തമാശയായി പറഞ്ഞു , ഇത്ര നല്ല സ്ഥലത്ത് വന്നിട്ട് പെട്ടെന്ന് തിരിച്ച് പോകുന്നത് എങ്ങനെയാണെന്നും മോഹലാൽ പറയുന്നു. എവിടെയാണ് വീടെന്നും മോഹൻലാൽ അമ്മൂമ്മയോട് ചോദിക്കുന്നുണ്ട്.  അടുത്തു തന്നെയാണ് വീട് എന്നായിരുന്നു അമ്മയുടെ മറുപടി. തന്നെ വീട്ടിലേക്ക് വിളിച്ച അമ്മ താറാവ് കറിയും , മുട്ടയുമൊക്കെ ത്തരാമെന്ന്  വീഡിയോയിൽ പറയുന്നു.

ഷൂട്ടിം​ഗ് രണ്ട് ദിവസം കൂടി ഉണ്ടാകുമെന്നും മോഹൻലാൽ  പറയുന്നുണ്ട്. ഇപോൾ ഈ വീഡിയോ സോഷ്യൽ മീഡിയയിൽ വൈറലാണ് . നിരവധിപേരാണ് ഈ വീഡിയോയ്ക്ക് കമന്റുമായി എത്തുന്നത്.  തരുൺ മൂർത്തി സംവിധാനം ചെയ്യുന്ന ഏറ്റവും പുതിയ ചിത്രത്തിന്റെ പൂജാദിനത്തിലാണ് മോഹൻലാലിനെ കാണാൻ ഈ ‘അമ്മ ആദ്യമെത്തിയത്. അടുത്തെത്തി തൊട്ടും തലോടിയും സ്നേഹം പ്രകടിപ്പിച്ച അമ്മയോട്  വരുന്നോ എന്റെ കൂടെ എന്ന്  സ്നേഹത്തോടെ മോഹൻലാൽ ചോദിച്ചത്. ആദ്യം ‘ഇല്ല’ എന്ന് പറഞ്ഞെങ്കിലും ആ അമ്മ  പിന്നീട് തിരുത്തി വന്നോട്ട്  എന്നു മറുപടി പറഞ്ഞു. തന്നെ സ്നേഹം കൊണ്ട് പൊതിഞ്ഞ അമ്മയോട് കുശലാന്വേഷണങ്ങൾ നടത്തിയാണ് നടൻ തിരിച്ചു പോകുന്നതും