സേവ് ദി ഡേറ്റ് ചിത്രങ്ങൾ പങ്കുവെച്ച് യുവയും മൃദുലയും!

മലയാളികളുടെ പ്രിയ താരങ്ങൾ ആയ യുവ കൃഷ്ണയും മൃദുലയും ജീവിതത്തിൽ ഒന്നാകാനായുള്ള ഒരുക്കത്തിൽ ആണ് ഇപ്പോൾ ഈ താരങ്ങൾ രണ്ടു പേരും. ‘മഞ്ഞിൽ വിരിഞ്ഞ പൂവി’ലെ മനു പ്രതാപ് എന്ന ഒറ്റ കഥാപാത്രത്തിലൂടെ പ്രേക്ഷകർക്ക് പ്രിയങ്കരനായി മാറിയ താരമാണ് യുവകൃഷ്ണ. യുവയുടെ ജീവിതസഖിയാവുന്ന മൃദുല വിജയ് ഒട്ടനവധി കഥാപാത്രങ്ങളിലൂടെ മിനി സ്‌ക്രീനിന്റെ സ്വന്തം നായികയാണ്. ഇരുവരുടേയും വിവാഹനിശ്ചയം വളരെ ലളിതമായി അടുത്ത ബന്ധുക്കളുടെ സാന്നിദ്ധ്യത്തിൽ ഡിസംബർ 23 ആണ് നടന്നത്. വിവാഹ നിശ്ചയത്തിന്റെ ചിത്രങ്ങളും വീഡിയോയും സമൂഹ മാധ്യമങ്ങളിൽ വൈറൽ ആയിരുന്നു. അതിനു ശേഷം ഇരുവരും ഒന്നിച്ചുള്ള നിരവധി ചിത്രങ്ങൾ സോഷ്യൽ മീഡിയയിൽ എത്തിയിരുന്നു. അവയെല്ലാം വളരെ പെട്ടന്ന് തന്നെ ആരാധകരുടെ ശ്രദ്ധ നേടുകയും ചെയ്തിരുന്നു.

തങ്ങളുടെ വിവാഹം ജൂലൈ മാസത്തിൽ തന്നെ ഉണ്ടാകുമെന്നു കഴിഞ്ഞ മാസം യുവ പ്രേക്ഷകരെ അറിയിച്ചിരുന്നു. അതിനു പിന്നാലെ വിവാഹ സാരി നെയ്യുന്നതിന്റെ വീഡിയോ മൃദുലയും പങ്കുവെച്ചിരുന്നു. ഇപ്പോഴിതാ ഇരുവരും തങ്ങളുടെ വിവാഹ തീയതി പുറത്ത് വിട്ടിരിക്കുകയാണ്. സേവ് ദി ഡേറ്റ് ചിത്രങ്ങൾ പങ്കുവെച്ചുകൊണ്ടാണ് വിവാഹ തീയതി ആരാധകരുമായി പങ്കുവെച്ചിരിക്കുന്നത്. അപ്രതീക്ഷിതമായി ഉണ്ടാകുന്ന ചില വഴിത്തിരിവുകൾ നിങ്ങളുടെ യാത്രയുടെ കാഴ്ചപ്പാടിനെ തന്നെ മാറ്റിയേക്കാം, ഇതും അത് തന്നെയാണെന്ന് ഞങ്ങൾ വിശ്വസിക്കുന്നു. നിങ്ങളുടെ അനുഗ്രഹങ്ങളും പ്രാര്‍ത്ഥനകളും കൊണ്ട് ഞങ്ങള്‍ അത് സാധ്യമാക്കും. അതെ, ഞങ്ങള്‍ ഒന്നാവാന്‍ പോവുന്നു,. ഒരേയൊരു മൃദുവ, ഞങ്ങളുടെ ജീവിതത്തിലെ വലിയ ദിവസം വരികയാണ്. കൂടുതല്‍ അപ്ഡേറ്റുകള്‍ വഴിയെ അറിയിക്കാം എന്നുമാണ് യുവ സേവ് ദി ഡേറ്റ് ചിത്രങ്ങൾ പങ്കുവെച്ചുകൊണ്ട് കുറിച്ചത്.