സര്‍ഗകുട്ടിയില്‍ തന്നെയാണ് കണ്ടത്!! തന്റെ മകനില്‍ നിന്നു പോലും ഇത്ര നല്ലൊരു ചിരി കിട്ടില്ല

ബാലാമണിയായി മലയാള സിനിമയിലേക്കെത്തി ആരാധകരുടെ ഹൃദയം കവര്‍ന്ന നടിയാണ് നവ്യാനായര്‍. ചെയ്ത കഥാപാത്രങ്ങളെല്ലാം എന്നും ആരാധകര്‍ ഓര്‍ത്തിരിക്കുന്നതുമാണ്. വിവാഹ ശേഷം കുടുംബവും കുഞ്ഞുമായി സിനിമ വിട്ട താരം വീണ്ടും തിരിച്ചെത്തിയിരിക്കുകയാണ്. തിരിച്ചുവരവിലും മികച്ച കഥാപാത്രങ്ങള്‍ തന്നെയാണ് താരത്തിന് ലഭിച്ചിരുന്നത്.

അതേസമയം, മിനിസ്‌ക്രീനിലും താരം സജീവമാണ്. ചാനലില്‍ റിയാലിറ്റി ഷോ ജഡ്ജായും സജീവമാണ്. മഴവില്‍ മനോരമയില്‍ സംപ്രേഷണം ചെയ്യുന്ന കിടിലം ഷോയുടെ ജഡ്ജസ്സില്‍ ഒരാളാണ് നവ്യ. അസാധാരണ കഴിവുള്ള പ്രതിഭകളെ പരിചയപ്പെടുത്തുന്ന ഷോയാണ് കിടിലം.

ഇപ്പോഴിതാ കിടിലത്തില്‍ പങ്കെടുക്കാനെത്തിയ കുഞ്ഞ് സര്‍ഗകുട്ടിയ്ക്ക് നവ്യ സമ്മാനിച്ച കിടിലന്‍ സമ്മാനമാണ് കൈയ്യടി നേടുന്നത്. സര്‍ഗയുടെ സ്വപ്‌നമായിരുന്ന വിമാനയാത്ര സഫലമാക്കിയിരിക്കുകയാണ് നവ്യ. കിടിലത്തില്‍ നിന്നും കിട്ടുന്ന സമ്മാനതുക എന്ത് ചെയ്യുമെന്ന് നവ്യ ചോദിച്ചിരുന്നു. വിമാനത്തില്‍ കയറാനായി ഉപയോഗിക്കുമെന്നാണ് സര്‍ഗ പറഞ്ഞത്.

ഷോയില്‍ നിന്നും സര്‍ഗകുട്ടിയ്ക്ക് സമ്മാനമായി ഒരു ലക്ഷം രൂപ കിട്ടിയിരുന്നു. എന്നാല്‍ ആ തുക വിമാന യാത്രയ്ക്ക് ഉപയോഗിക്കേണ്ടെന്നും സര്‍ഗയ്ക്കും അച്ഛനും അമ്മയ്ക്കും വിമാന യാത്ര സാധ്യമാക്കുമെന്നും നവ്യ നായര്‍ ഉറപ്പ് നല്‍കിയിരുന്നു. ഇപ്പോഴിതാ നവ്യ വാക്ക് പാലിച്ച വീഡിയോയാണ് വൈറലാകുന്നത്.

സര്‍ഗയ്ക്കും കുടുംബത്തിനും ബാംഗ്ലൂരിലേക്കാണ് നവ്യ ടിക്കറ്റെടുത്ത് നല്‍കിയത്. ബാംഗ്ലൂരില്‍ എത്തിയാന്‍ താമസിക്കാന്‍ ഫൈവ് സ്റ്റാര്‍ ഹോട്ടലില്‍ റൂമും ഭക്ഷണവും യാത്ര ചെയ്യാന്‍ ടാക്‌സിയും എല്ലാം നവ്യ പ്രീബുക്ക് ചെയ്തിരുന്നു.

വിമാനയാത്ര മനസ് നിറഞ്ഞ് ആസ്വദിക്കുന്ന കുഞ്ഞിന്റെ വീഡിയോ വൈറലണ്. നിരവധി പേരാണ് നവ്യയുടെ നന്മ മനസ്സിന് ആശംസകളും നേരുന്നത്. സര്‍ഗയില്‍ തന്നെയാണ് കണ്ടത്, തനിക്കും കുഞ്ഞുനാളില്‍ വിമാനത്തില്‍ കയറാന്‍ ആഗ്രഹമുണ്ടായിരുന്നെന്നും നവ്യ പറയുന്നു.

നവ്യാന്റിയ്ക്ക് ഒത്തിരി നന്ദി പറഞ്ഞുകൊണ്ടാണ് സര്‍ഗ വിമാന യാത്ര ആരംഭിച്ചത്. സര്‍ഗ കുട്ടിയുടെ കുഞ്ഞ് മുഖത്ത് വിരിഞ്ഞ ചിരിയും ആഹ്ലാദവും എത്ര കണ്ടാലും ആര്‍ക്കും മതിവരുകയില്ലെന്നാണ് കമന്റുകള്‍.

തന്റെ കുഞ്ഞിന് പോലും അവന്‍ ആഗ്രഹിക്കാതെ തന്നെ പലതും കിട്ടി ശീലിച്ചതുകൊണ്ട് സര്‍ഗയുടെ മുഖത്ത് കണ്ട നിറചിരിയും സന്തോഷവും അവന്റെ മുഖത്ത് കാണില്ലെന്നും നവ്യ പറഞ്ഞു. സര്‍ഗയുടെ ആഗ്രഹം സാധിച്ച് കൊടുക്കാന്‍ പാകത്തിനുള്ള ഒരാളാക്കി തന്നെ മാറ്റിയ എല്ലാവര്‍ക്കും നന്ദിയും താരം പറഞ്ഞു. നിറ കണ്ണുകളോടെയാണ് സര്‍ഗകുട്ടിയുടെ യാത്രാ വീഡിയോ നവ്യ കണ്ടത്. സഹപ്രവര്‍ത്തകരായ മുകേഷും റിമി ടോമിയും നവ്യയെ അഭിനന്ദിക്കുകയും ചെയ്യുന്നുണ്ട്.