രാജസേനന്റെ ‘ഞാനും പിന്നൊരു ഞാനും’; ഫസ്റ്റ് ലുക്ക് പോസ്റ്ററെത്തി

സംവിധായകൻ രാജസേനൻ നീണ്ട ഇടവേളയ്ക്ക് ശേഷം സംവിധാനം ചെയ്യുന്ന ചിത്രമാണ് ‘ഞാനും പിന്നൊരു ഞാനും’. ചിത്രത്തിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസം പുറത്തിറങ്ങി. ചിത്രത്തിൽ രാജസേനനും പ്രധാന കഥാപാത്രത്തെ അവതരിപ്പിക്കുന്നുണ്ട്. ഇന്ദ്രൻസ്, സുധീർ കരമന, ജഗദീഷ്, ജോയ് മാത്യു തുടങ്ങിയവരാണ് മറ്റ് പ്രധാന കഥാപാത്രങ്ങൾ.

പൃഥ്വിരാജും ഇന്ദ്രജിത്തും ചേർന്നാണ് സോഷ്യൽ മീഡിയയിലൂടെ പോസ്റ്റർ പുറത്തിറക്കിയത്. ഞാനും പിന്നൊരു ഞാനും എന്ന ചിത്രത്തിന്റെ തിരക്കഥയൊരുക്കിയിരിക്കുന്നത് രാജസേനൻ തന്നെയാണ്. ക്രൈം ഇൻവെസ്റ്റിഗേഷൻ വിഭാഗത്തിൽപ്പെടുന്ന ചിത്രമാണ് ഞാനും പിന്നൊരു ഞാനും. സർക്കിൾ ഇൻസ്‌പെക്ടർ പരമേശ്വരനായാണ് ഇന്ദ്രൻസ് എത്തുന്നത്. തുളസീധര കൈമളിന്റെ വലംകൈയായ രഘു എന്ന കഥാപാത്രമായി സുധീർ കരമനയും അമ്മാവൻ ഉണ്ണികൃഷ്ണ കൈമളായി ജോയ് മാത്യുവും വേഷമിടുന്നു.

ഹരിനാരായണന്റെ വരികൾക്ക് എം ജയചന്ദ്രനാണ് സംഗീതം നൽകിയിരിക്കുന്നത്. സാംലാൽ പി തോമസ് ആണ് ഛായാഗ്രഹണം നിർവഹിക്കുന്നത്.എഡിറ്റിംഗ് വി സാജൻ, സ്‌ക്രിപ്റ്റ് അസിസ്റ്റന്റ് പാർവതി നായർ, ക്ലാപ്പിൻ മൂവി മേക്കേഴ്‌സ് പ്രൈവറ്റ് ലിമിറ്റഡിന്റെ ബാനറിലാണ് രാജസേനൻ ഈ ചിത്രം ഒരുക്കുന്നത്. രാജസേനൻ അഞ്ച് വർഷത്തെ ഇടവേളയ്ക്കു ശേഷം ഒരുക്കുന്ന ചിത്രമാണിത്.