വിവാഹത്തെ കുറിച്ച് പ്രഭാസും കൃതി സനണും!!!

തെന്നിന്ത്യന്‍ സൂപ്പര്‍ താരം പ്രഭാസും ബോളിവുഡ് നടി കൃതി സനണും വിവാഹിതരാകുന്നതെന്ന വാര്‍ത്തയാണ് ഗോസിപ്പ് കോളങ്ങളില്‍ നിറയുന്നത്. അടുത്ത ആഴ്ച്ച മാലിദ്വീപില്‍ വെച്ച് വിവാഹനിശ്ചയം നടക്കുമെന്നാണ് ഗോസിപ്പുകള്‍ പ്രചരിക്കുന്നത്. എന്നാല്‍ വാര്‍ത്തയിലെ സത്യാവസ്ഥ വെളിപ്പെടുത്തിയിരിക്കുകയാണ് താരങ്ങള്‍.

പ്രചരിക്കുന്ന വാര്‍ത്തകളൊന്നും സത്യമല്ലെന്നും ഭാവന മാത്രമാണെന്നും വ്യക്തമാക്കിയിരിക്കുകയാണ് പ്രഭാസിന്റെ അടുത്ത വൃത്തങ്ങള്‍. ഇരുവരും സഹപ്രവര്‍ത്തകരും നല്ല സുഹൃത്തുക്കളുമാണ്. അതല്ലാതെ ഇരുവര്‍ക്കുമിടയില്‍ മറ്റൊന്നുമില്ലെന്നും അവര്‍ വ്യക്തമാക്കുന്നു.

ഓം റാവത്ത് സംവിധാനം ചെയ്ത ആദി പുരുഷ് എന്ന ചിത്രത്തില്‍ പ്രഭാസും കൃതിയും ഒന്നിച്ച് അഭിനയിച്ചിരുന്നു. അതിന് ശേഷമാണ് ഇരുവരുടെയും സൗഹൃദം സോഷ്യല്‍ മീഡിയയില്‍ ഗോസിപ്പ് കോളങ്ങളില്‍ നിറഞ്ഞത്.

ഓം റാവത്ത് രാമായണം ആസ്പദമാക്കി ഒരുക്കിയ ചിത്രമാണ് ആദിപുരുഷ്. 500 കോടി രൂപയുടെ മുതല്‍മുടക്കിലാണ് ചിത്രം ഒരുങ്ങുന്നത്. ചിത്രത്തില്‍ ശ്രീരാമനായാണ് പ്രഭാസ് എത്തുന്നത്. സീതയായി കൃതി സനോണും രാവണനായി സെയ്ഫ് അലി ഖാനും എത്തുന്നു.

ചിത്രത്തിന്റെ ടീസര്‍ പുറത്തിറങ്ങിയതോടെ തന്നെ ട്രോളുകള്‍ നിറഞ്ഞിരുന്നു.
ചിത്രത്തിന്റെ വിഎഫ്എക്‌സിനെതിരെയാണ് രൂക്ഷ വിമര്‍ശനം ഉയര്‍ന്നത്.
നിലവാരമില്ലാത്ത വി.എഫ്.എക്സ് ആണെന്നും കാര്‍ട്ടൂണ്‍ വിഎഫ്എക്സ് ഇതിലും മികച്ചതാണെന്നുമായിരുന്നു വിമര്‍ശനം.

എന്നാല്‍, മൊബൈല്‍ സ്‌ക്രീനില്‍ കണ്ടതുകൊണ്ടാണ് അങ്ങനെ തോന്നുന്നതെന്നും വലിയ സ്‌ക്രീനിലേക്കായി നിര്‍മിച്ച 3ഡി സിനിമയാണിതെന്നുമായിരുന്നു
ഓം റാവത്തിന്റെ വിശദീകരണം. ജൂണ്‍ 16നാണ് ആദിപുരുഷ് തിയേറ്റുകളിലെത്തുന്നത്.