ഉണ്ണിമുകുന്ദന് ചിത്രം മാളികപ്പുറം തിയ്യേറ്ററില് തകര്ക്കുകയാണ്. നിരവധി പേരാണ് ചിത്രത്തിന് അഭിനന്ദനവുമായി എത്തിയത്. ഇപ്പോഴിതാ ചിത്രത്തിനെ അഭിനന്ദിച്ചിരിക്കുകയാണ് ഗോവ ഗവര്ണര് പി.എസ് ശ്രീധരന്പിള്ള. അപൂര്വമായി മാത്രം തീയേറ്ററില് പോയി സിനിമ കാണുന്ന വ്യക്തിയാണ് ശ്രീധരന്പിള്ള. തനിക്ക് തികച്ചും വ്യത്യസ്തമായ അനുഭവമാണ് മാളികപ്പുറം നല്കിയതെന്ന് ശ്രീധരന്പിള്ള പറയുന്നു.
ഇത്തരം ഒരു ചിത്രം ഒരുക്കിയതിന് അണിയറപ്രവര്ത്തകര്ക്ക് അഭിമാനിക്കാം. ഭക്തിയില് അധിഷ്ഠിതമായ ചിത്രം എല്ലാവര്ക്കും ആസ്വദിക്കാനാകുമെന്നും അദ്ദേഹം ഫേസ്ബുക്കില് കുറിച്ചു.
അപൂര്വമായി മാത്രം തിയേറ്ററില് പോയി സിനിമ കാണുന്ന വ്യക്തിയാണ് ഞാന്. മാളികപ്പുറം സിനിമയുടെ നിര്മാതാവ് ശ്രീ. ആന്റ്റോ ജോസഫിന്റെ സ്നേഹപൂര്വ്വമായ ക്ഷണപ്രകാരം കുടുംബസമേതം സിനിമ കാണാന് ഇന്നലെ അവസരം ലഭിക്കുകയുണ്ടായി എന്നു പറഞ്ഞാണ് ശ്രീധരന്പിള്ളയുടെ കുറിപ്പ്.
കഴിഞ്ഞ മാസം ഡിസംബര് 12ന് എറണാകുളത്ത് മാളികപ്പുറം സിനിമയുടെ ട്രെയിലര് ലോഞ്ച് ചെയ്യാന് സാധിച്ച കാര്യം ഞാന് ഇപ്പോള് സന്തോഷപൂര്വം ഓര്ക്കുകയാണ്. തികച്ചും വ്യത്യസ്ഥമായ ഒരു സിനിമ അനുഭവമാണ് മാളികപ്പുറം എനിക്ക് നല്കിയത്. സിനിമയുടെ ആദ്യശബ്ദമായി മലയാളത്തിന്റെ മഹാനടന് മമ്മൂട്ടിയുടെ ഗാംഭീര്യമുള്ള ശബ്ദത്തില് ശബരിമലയുടെ ചരിത്രവും ഐതിഹ്യവും വിവരിച്ചുകൊണ്ടുള്ള തുടക്കം വളരെ വിജ്ഞാനപ്രദമായിരുന്നു എന്ന് അദ്ദേഹം പറയുന്നു.
ഭക്തിയില് അധിഷ്ഠിതമായ ഈ സിനിമ എല്ലാ തരം പ്രേക്ഷകര്ക്കും ആസ്വദിക്കാവുന്ന ഒന്നാണ്. അത്തരമൊരു ചിത്രം ഒരുക്കിയതിന് അണിയറപ്രവര്ത്തകര്ക്ക് തീര്ച്ചയായും അഭിമാനിക്കാം. ആലപ്പുഴ ജില്ലയിലെ വെണ്മണി എന്ന ഗ്രാമത്തില് ജനിച്ചു വളര്ന്ന എനിക്ക് സിനിമയിലെ കഥാപരിസരവും കഥാപാത്രങ്ങളും ഒക്കെ വളരെ സുപരിചിതമായാണ് തോന്നിയതെന്നും അദ്ദേഹം കുറിച്ചു.
കുഞ്ഞു മാളികപ്പുറത്തിന്റെ ദുഖവും സന്തോഷവുമെല്ലാം പ്രേക്ഷകര്ക്ക് സ്വന്തം വികാരങ്ങളായി തോന്നിപ്പിക്കുന്നതില് ചിത്രത്തിന്റെ സംവിധായകന് ശ്രീ വിഷ്ണു ശശിശങ്കറും തിരക്കഥാകൃത്ത് ശ്രീ അഭിലാഷ് പിള്ളയും വിജയിച്ചിരിക്കുന്നു എന്ന് നിസ്സംശയം പറയാം.
മലയാള സിനിമയിലെ യുവതാരങ്ങളില് ശ്രദ്ധേയനായ ഉണ്ണി മുകുന്ദന് തന്റെ അഭിനയജീവിതത്തിലെ ഏറ്റവും ശ്രദ്ധേയമായ കഥാപാത്രത്തെയാണ് മാളികപ്പുറത്തിലൂടെ അവതരിപ്പിച്ചിരിക്കുന്നത്. സ്വാമി അയ്യപ്പനായി ഈ നടന് അത്രമാത്രം താദാത്മ്യം പ്രാപിച്ചിട്ടുണ്ട്. അത് പോലെ തന്നെയാണ് ദേവനന്ദ, ശ്രീപദ് എന്നീ കുട്ടികളുടെ അഭിനയം. ഈ രണ്ട് കുട്ടികളും ഭാവിയുടെ വാഗ്ദാനങ്ങള് ആണെന്ന് തെളിയിച്ചിരിക്കുന്നു.
വളരെ കാലികപ്രക്തിയുള്ള ഒരു വിഷയമാണ് ചിത്രത്തിലൂടെ അവതരിക്കപ്പെട്ടിട്ടുള്ളത്. കുട്ടികളിലും മുതിര്ന്നവരിലും ഒട്ടും മടുപ്പുളവാക്കാതെ, ആസ്വാദ്യകരമായി തന്നെ ഈ വിഷയം കാണികളില് എത്തിക്കാന് ചിത്രത്തിന് സാധിച്ചിരിക്കുന്നു. ഇത്തരത്തിലൊരു സിനിമ അഭ്രപാളികളില് എത്തിക്കാന് നിര്മാതാക്കളായ ശ്രീ ആന്റ്റോ ജോസഫും ശ്രീ വേണു കുന്നപ്പള്ളിയും കാണിച്ച ആത്മവിശ്വാസവും ധൈര്യവും അഭിനന്ദാര്ഹമാണ്. ഈ ചിത്രത്തിലൂടെ സ്വാമി അയ്യപ്പന്റെയും മാളികപ്പുറത്തിന്റെയും കഥകള് നമ്മളുടെ രാജ്യത്തിനകത്തും പുറത്തും കൂടുതല് ജനങ്ങളിലേക്ക് എത്തും എന്ന കാര്യത്തില് യാതൊരു സംശയവും ഇല്ല.
എല്ലാ പ്രതിസന്ധികളെയും തരണം ചെയ്ത് മാളികപ്പുറം സിനിമ നേടുന്ന അത്ഭുതാപൂര്വ്വമായ വിജയം ഏറെ സന്തോഷകരമാണ്. ഇത്തരത്തില് നമ്മളുടെ നാടിന്റെ മണ്ണില് വേരൂന്നിയ സിനിമകള് നിര്മ്മിക്കാന് ചിത്രത്തിന്റെ അണിയറ പ്രവര്ത്തകര്ക്ക് ഇനിയും സാധിക്കുമാറാകട്ടെ എന്ന് ആശംസിക്കുന്നു എന്ന് പറഞ്ഞാണ് അദ്ദേഹം കുറിപ്പ് അവസാനിപ്പിക്കുന്നത്.
ബിഗ് ബോസ് കഴിഞ്ഞാൽ ജാസ്മിനും ഗബ്രിയും തമ്മിൽ ഈ സൗഹൃദം തുടരില്ലെന്നാണ് പലരും പറഞ്ഞത്. എന്നാൽ ബിഗ് ബോസിന് പുറത്തെത്തിയ…
സോഷ്യല് മീഡിയയിലെ താരങ്ങളാണ് നടനും രാഷ്ട്രീയ പ്രവർത്തകനുമായ കൃഷ്ണ കുമാറിന്റെ 4 പെണ്മക്കൾ. മലയാളത്തിലെ യുവ നടി കൂടിയായ അഹാന…
ബിഗ് ബോസ് സീസൺ സിക്സ് വിന്നറായ ജിന്റോ നായകനായ സിനിമ വരുന്നു. ജിന്റോ ഏറെ ആഗ്രഹിച്ചതനതു സിനിമയിൽ ശ്രദ്ധിക്കപ്പെടുന്നൊരു വേഷം…
2014ൽ റിലീസ് ചെയ്ത വിജയ് ചിത്രമാണ് ജില്ലാ . മോഹൻലാലും സുപ്രധാന കഥാപാത്രമായെത്തിയിരുന്നു ചിത്രത്തിൽ. പ്രേക്ഷകരുടെയും നിരൂപകരുടെയും ശ്രദ്ധ ഒരുപോലെ…
സിനിമ തിരക്കുകളില് നിന്ന് ഇടവേളയെടുത്ത് യുകെയില് അവധിക്കാലം ആഘോഷിക്കുന്ന മലയാളത്തിന്റെ പ്രിയതാരം മമ്മൂട്ടി ഈ മാസം പകുതിയോടെ കേരളത്തില് തിരിച്ചെത്തു൦…
സീരിയൽ രംഗത്ത് നിരവധി സീരിയലുകളിൽ അഭിനയിച്ച നടിയാണ് അനുമോൾ, സ്റ്റാർ മാജിക്ക് ആയിരുന്നു അനുമോൾക്ക് നിരവധി ആരാധകരെ നേടികൊടുത്തിരുന്നത്, ഇപ്പോൾ…