പ്രണയകഥ പറഞ്ഞ ശേഷം സ്വപ്ന യാത്രയുടെ സന്തോഷം പങ്കുവെച്ച് റാഫിയും മഹീനയും; കമന്റുകളുമായി ആരാധകർ

ടിക്ക് ടോക്കിലൂടെയും പിന്നീട് റീൽസിലൂടെയും മലയാളികൾക്ക് പ്രിയങ്കരനായി മാറിയ ആളാണ് റാഫി മുഹമ്മദ്. ചക്കപ്പഴം പരമ്പരയിലേക്ക് അവസരം വന്നത് ഈ പ്രകടനങ്ങളൂടെയാണ്. ചക്കപഴത്തിലെ ആ കഥാപാത്രം കണ്ട് ഇഷ്ടപ്പെട്ട് പ്രണയിച്ചതാണ് മഹീന. തീപ്പൊരി ബെന്നി എന്ന സിനിമയിലൂടെ റാഫി സിനിമയിലും തുടക്കം കുറിച്ചിരുന്നു. റാഫിയുടെ ഭാര്യ മഹീന ഒരു വ്‌ളോഗർ ആണ്.

കഴിഞ്ഞ കുറച്ച് വീഡിയോകളിൽ തങ്ങളുടെ പ്രണയകഥയെ കുറിച്ചായിരുന്നു മഹീന ഒരുപാട് പറഞ്ഞിരുന്നു. ഇപ്പോൾ തങ്ങളുടെ വലിയ ഒരു ആഗ്രഹം സാധിച്ചതിന്റെ സന്തോഷം പങ്കുവെച്ചിരിക്കുകയാണ് റാഫിയും മഹീനയും. ഒരു സ്വപ്‌ന യാത്ര നടന്നതിന്റെ സന്തോഷത്തിലാണ് ഇരുവരും.
റാഫിയുടെ പന്ത്രണ്ട് വർഷത്തെ കാത്തിരിപ്പിനൊടുവിൽ സംഭവിച്ച കാര്യം, ഇങ്ങനെ ഒരു സ്ഥലമുണ്ട് എന്ന് അറിഞ്ഞതുമുതൽ തുടങ്ങിയ ആഗ്രഹമാണ് മഹീനയുടേത്.

ചെറിയ ഒരു സസ്‌പെൻസ് നൽകി കൊണ്ടാണ് പോകുന്ന ഇടത്തെ കുറിച്ച് മഹീനയും റാഫിയും പറയുന്നത്. യാത്ര പുറപ്പെട്ട്, എത്തേണ്ടിടത്ത് എത്തിയതിന് ശേഷം ആ സസ്‌പെൻസ് പൊട്ടിച്ചു, കശ്മീർ!. ഡൽഹി ടു കശ്മീർ കണക്ടഡ് ഫ്‌ളൈറ്റ് എടുത്താണ് റാഫിയും ഭാര്യയും കശ്മീരിൽ എത്തിയത്. യാത്രയിലെ മനോഹരമായ കാഴ്ചകളും വിശേഷങ്ങളും വീഡിയോയായി പങ്കുവെച്ചിട്ടുണ്ട്. കൂടുതൽ വിശേഷങ്ങൾ വരും ദിവസങ്ങളിൽ പങ്കുവയ്ക്കാം എന്ന് പറഞ്ഞാണ് വീഡിയോ അവസാനിപ്പിച്ചിട്ടുള്ളത്.