നടി ഈശ്വരി റാവുവിനെ കുറിച്ചുള്ള രാഹുല് മാധവിന്റെ സോഷ്യല് മീഡിയ കുറിപ്പ്. ‘കുറെ ചിത്രങ്ങളില് അഭിനയിക്കാനൊന്നും ചാന്സ് ലഭിക്കാതെ വരുകയും എന്നാല് അഭിനയിച്ചതില് ചില പടങ്ങളിലൂടെ ഏവരും ശ്രദ്ധിക്കപെടുകയും ചെയ്ത ചുരുക്കം ചില താരങ്ങളുണ്ട്.ആക്കൂട്ടത്തില് പെടുന്ന ഒരു നടിയാണ് ഈശ്വരിറാവു. ആന്ധ്ര സ്വദേശിനിയായ ഇവര് സിനിമയില് എത്തിയിട്ട് ഏതാണ്ട് മുപ്പതില് കൂടുതല് വര്ഷമായി, പക്ഷേ അഭിനയിച്ചത് വെറും അമ്പതോളം പടങ്ങള് മാത്രം.മലയാളമടക്കം സൗത്ത് ഇന്ത്യന്ഭാഷകളിലെല്ലാം നായികയായി.ഓരോ ഭാഷയിലും ഓരോരോ പേരിലാണ് അഭിനയം തുടങ്ങിയത്.ആദ്യചിത്രം തെലുങ്കിലായിരുന്നു. അല്പസ്വല്പം ഗ്ലാമര് വേഷങ്ങളായിരുന്നു തുടക്കത്തില് കിട്ടിയത്.’ എന്ന് രാഹുല് കുറിക്കുന്നു.