മരുമകളെ പീഡിപ്പിച്ച് കൊന്നു. നടൻ രാജൻ പി ദേവിന്റെ ഭാര്യ അറസ്റ്റിൽ

അന്തരിച്ച നടൻ രാജൻ പി ദേവിന്റെ ഭാര്യ അറസ്റ്റിൽ. മരുമകളെ ആത്മഹത്യക്ക് പ്രേരിപ്പിച്ച കുറ്റത്തിനാണ് അറസ്റ്റ്. രാജൻ പി ദേവിന്റെ മകൻ ഉണ്ണി രജൻ പി ദേവിന്റെ ഭാര്യ പ്രിയങ്ക ആണ് ജീവൻ ഒടുക്കിയത്. ഇവരെ നെടുമങ്ങാട് എസ്പി ഓഫീസിൽ ഹാജരാക്കി ജാമ്യം നൽകി വിട്ടയക്കും. ഭർത്യവീട്ടിലെ ശാരീരിക മാനസിക പീഡനം മൂലമാണ് പ്രിയങ്ക ആത്മഹത്യ ചെയ്തതെന്ന് ബന്ധുക്കൾ ആരോപിച്ചിരുന്നു.

പ്രിയങ്കയുടെ സഹോദരൻ വിഷ്ണു നൽകിയ പരാതിയിൽ അസ്വാഭാവിക മരണത്തിന് വട്ടപ്പാറ പോലീസ് ആണ് കേസ് എടുത്തത്. ‘അമ്മ ജയ ആണ് പ്രിയങ്കയെ കിടപ്പ് മുറിയിൽ തൂങ്ങി മരിച്ച നിലയിൽ കാണുന്നത്. ഭർത്യ വീട്ടിൽ ഉപദ്രവം തുടരുന്നതായും കൂട്ടികൊണ്ട് പോകണം എന്നും പ്രിയങ്ക കരഞ്ഞുകൊണ്ട് തന്നെ വിളിച്ച് പറഞ്ഞതായും വിഷ്ണു പറയുന്നു. ഇതേ തുടർന്ന് വീട്ടിലേക്ക് കൂട്ടികൊണ്ട് പോയിരുന്നു. പ്രിയങ്കയുടെ മുതുകിൽ കടിച്ച് മുറിച്ചതിന്റെയും ഇടി കൊണ്ടതിന്റെയും പാടുകൾ ഉണ്ടായിരുന്നു.

കന്യാകുളങ്ങര ആശുപത്രിയിലെ പ്രാഥമിക ചികിത്സക്ക് ശേഷം പ്രിയങ്ക പോലീസിൽ പരാതി നൽകി. 2019ൽ ആയിരുന്നു പ്രിയങ്കയും ഉണ്ണിയുമായുള്ള വിവാഹം. ഇവർ കാക്കനാട് ഫ്ലാറ്റിൽ ആയിരുന്നു താമസം. സാമ്പത്തിക ബുദ്ധിമുട്ടുകളെ തുടർന്ന് കറുകുറ്റിയിലെ വീട്ടിലേക്ക് താമസം മാറ്റി. സത്രീധനം കുറഞ്ഞു പോയി എന്ന് പറഞ്ഞ് പണം ആവിശ്യപ്പെട്ട് മർദ്ദനവും അസഭ്യവർഷവും ഇവിടെയും തുടർന്നു എന്ന് പ്രിയങ്ക വീട്ടുകാരെ അറിയിച്ചിരുന്നതായും വിഷ്ണു മൊഴി നൽകി.

തെളിവായി ഫോണിലെ വിഡിയോയും നൽകി. വിവാഹ സമയത്ത് 35 പവന് പുറമെ പണവും നൽകിയിരുന്നു ഇതൊന്നും ഇപ്പോൾ ഇല്ലെങ്കിലും ഇടയ്ക്കിടെ കഴിയുന്നത്ര പണം കൊടുത്ത് സഹായിച്ചിരുന്നതായും വിഷ്ണു പറയുന്നു. വിവാഹത്തിന് മുൻപ് പ്രിയങ്ക തൊടുപുഴ സ്കൂളിൽ നീന്തൽ അദ്ധ്യാപിക ആയിരുന്നു.