രമ്യ നമ്പീശന്റെ സഹോദരൻ, നെഞ്ചേറ്റിയ പാട്ടുകൾക്ക് പിന്നിലെ മാന്ത്രികൻ; രാഹുലിന്റെ വിവാഹ നിശ്ചയ ചിത്രങ്ങൾ വൈറൽ

കൊവിഡ് കാലത്ത് ഒടിടിയിലൂടെ എത്തി മലയാളികളുടെ മനം കവർന്ന ചിത്രമാണ് ഹോം. ശ്രീനാഥ് ഭാസി, ഇന്ദ്രൻസ് തുടങ്ങിയവരെ കേന്ദ്രകഥാപത്രങ്ങളാക്കി എത്തിയ ചിത്രം മറക്കാനാവാത്ത ഒരുപാട് നിമിഷങ്ങൾ പ്രേക്ഷകർക്ക് സമ്മാനിച്ചിരുന്നു. ചിത്രത്തിലെ ഗാനങ്ങളും അതുപോലെ ഹിറ്റായി മാറിയിരുന്നു. ഹോമിലെ ഗാനങ്ങൾക്ക് സംഗീതം പകർന്ന രാഹുൽ സുബ്രഹ്‌മണ്യന്റെ വിവാഹ നിശ്ചയത്തിന്റെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറൽ ആകുന്നത്.

രമ്യാ നമ്പീശന്റെ സഹോദരൻ കൂടിയാണ് രാഹുൽ സുബ്രഹ്‌മണ്യൻ. ഡെബി സൂസൺ ചെമ്പകശേരിയാണ് വധു. 10 വർഷത്തെ പ്രണയത്തിനൊടുവിലാണ് ഇരുവരും വിവാഹിതരാകാൻ പോകുന്നത്. വിവാഹ നിശ്ചയത്തിൽ അടുത്ത സുഹൃത്തുക്കളും ബന്ധുക്കളും മാത്രമാണ് പങ്കെടുത്തത്. ജൂൺ 12നാണ് വിവാഹമെന്നും രാഹുൽ സമൂഹമാദ്ധ്യമങ്ങളിലൂടെ അറിയിച്ചു.