മലയാള സിനിമയില് പകരം വെയ്ക്കാനില്ലാത്ത നടനാണ് സിദ്ദിഖ്. കഥാപാത്രങ്ങള് എന്തും ആയിക്കൊള്ളട്ടെ അതെല്ലാം ഇദ്ദേഹത്തിന്റെ കൈയ്യില് ഭദ്രമായിരിക്കും. എന്നാല് താരത്തിന് എതിരെ അഭിനയ രംഗത്ത് തന്നെയുള്ള ഒരു നടി ഗുരുതര ആരോപണങ്ങള് ഉന്നയിച്ചത് വലിയ വാര്ത്തയായിരുന്നു. രേവതി സമ്പത്തായിരുന്നു സിദ്ദിഖിന് എതിരെ രംഗത്ത് വന്നത്. 2016ല് തിരുവനന്തപുരം നിള തിയേറ്ററില് വെച്ച് വാക്കുകള് കൊണ്ടുള്ള ലൈംഗിക അധിക്ഷേപം സിദ്ദിഖില് നിന്നുണ്ടായി എന്നായിരുന്നു രേവതി പറഞ്ഞിരുന്നത്.
സിദ്ദിഖും കെപിഎസി ലളിതയും മുമ്പ് നടത്തിയ വാര്ത്താസമ്മേളനത്തിന്റെ വീഡിയോ ഷെയര് ചെയ്തായിരുന്നു രേവതി ഇക്കാര്യം തുറന്നു പറഞ്ഞത്. ഇപ്പോഴിതാ നടന് എതിരെ വിമര്ശനങ്ങളുമായി താരം വീണ്ടും വന്നിരിക്കുകയാണ്. സിനിമാലോകത്തെ തന്നെ പിടിച്ചുലച്ച നടിയെ ആക്രമിച്ച കേസില് സിദ്ദിഖിന്റെ പേരും ഉയര്ന്നു വന്നതോടെയാണ് ഇവര് വിമര്ശനവുമായി വീണ്ടും രംഗത്ത് വന്നത്. സിദ്ദിഖ് അള്ട്ടിമേറ്റ് ഫ്രോഡ് ആണ്. ഇയാളെ പോലുള്ളവന്മാരെയൊക്കെ കല എന്ന ഇടത്തില് നിന്നും എടുത്തെറിയേണ്ട സമയം കഴിഞ്ഞിരിക്കുന്നുവെന്ന് രേവതി പറയുന്നു. ഫെയ്സ്ബുക്ക് കുറിപ്പിലൂടെയാണ് നടിയുടെ വിമര്ശനം. കുറിപ്പിന്റെ പൂര്ണ രൂപം വായിക്കാം…
”തീര്ച്ചയായും സിദ്ദിഖ് ഒരു അള്ട്ടിമേറ്റ് ഫ്രോഡാണ്. ഇയാളൊക്കെ ഇന്നും ഇറങ്ങുന്ന എല്ലാ സിനിമയിലും ഉണ്ട്. ഇങ്ങനെ ഉള്ളവന്മാരെയൊക്കെ കല എന്ന ഇടത്തില് നിന്നും എടുത്തെറിയേണ്ട സമയം ഒക്കെ എത്രയോ കഴിഞ്ഞിരിക്കുന്നു. പല സിദ്ദിക്കുമാര് ഇന്നും ആ ഇടത്തില് ആക്റ്റീവ് ആയി നില്ക്കുന്നതില് തന്നെ ആ ഇടം എത്രമാത്രം അബ്യൂസീവ് സ്പേസ് ആണെന്ന് മനസിലാക്കാം..” എന്നാണ് രേവതി കുറിച്ചിരിക്കുന്നത്.