റിമ കല്ലിങ്കലിന് എതിരെ സോഷ്യൽ മീഡിയയിൽ രൂക്ഷ വിമർശനം

പലപ്പോഴും സോഷ്യൽ മീഡിയയിൽ രൂക്ഷ വിമർശനം നേരിടുന്ന താരമാണ് റിമ കല്ലിങ്കൽ. റിമയ്ക്ക് മാത്രമല്ല, ഭർത്താവ് ആഷിക് അബുവിനും പല്ലപ്പോഴും കടുത്ത വിമർശനങ്ങൾ ആണ് നേരിടേണ്ടി വന്നിട്ടുള്ളത്. എന്നാൽ ഇത്തരത്തിൽ വരുന്ന വിമർശനങ്ങളെ എല്ലാം അതിന്റേതായ രീതിയിൽ തന്നെ നേരിടാനും താരങ്ങൾക്ക് കഴിയാറുണ്ട്. സംവിധായകൻ ആഷിക് അബുവുമായുള്ള വിവാഹ ശേഷം സിനിമയിൽ അത്ര സജീവമല്ല റിമ എങ്കിലും സിനിമയിൽ നിന്ന് വിട്ട് നിൽക്കുകയാണ് എന്ന് പറയാനും കഴിയില്ല. കാരണം ഇടവേളകൾ ഇട്ടു താരം സിനിമ ചെയ്യുന്നുണ്ട്. നീല വെളിച്ചം ആണ് റിമയുടേതായി ഏറ്റവും ഒടുവിൽ പുറത്തിറങ്ങിയ ചിത്രം. പലപ്പോഴും സോഷ്യൽ മീഡിയയിൽ റിമ പങ്കുവെക്കുന്ന പല ചിത്രങ്ങൾക്കും മോശം കമെന്റുകൾ വരാറുണ്ട്.

തന്റെ അഭിപ്രായങ്ങളും തീരുമാനങ്ങളും യാതൊരു മടിയും കൂടാതെ തുറന്നു പറയുന്ന താരം കൂടിയാണ് റിമ. അത് കൊണ്ട് തന്നെ റിമയ്ക്ക് ആരാധകരും ഏറെയാണ് വിമർശകരും ഏറെയാണ്. മുഖം നോക്കാതെ തന്റെ മനസ്സിലുള്ള കാര്യങ്ങൾ വെട്ടി തുറന്നു പറയാറുള്ള റിമയ്ക്ക് വിരോദികളും കൂടുതൽ ആണ്. എന്നാൽ ഇത്തരക്കാരെ എങ്ങനെ നിർത്തണം എന്ന് റിമയ്ക്ക് നന്നായി തന്നെ അറിയാം. പലപ്പോഴും റിമ പങ്കുവെക്കുന്ന ചിത്രങ്ങൾക്ക് നേരെ സൈബർ ആക്രമണങ്ങൾ ഉണ്ടാകാറുണ്ട് . റിമയുടെ വസ്ത്രധാരണത്തെ വിമർശിച്ചും കളിയാക്കിയുമായിരിക്കും മിക്കപ്പോഴും വിമർശകർ എത്തുക.

ഇപ്പോഴിതാ വീണ്ടും റിമയ്ക്ക് എതിരെ വിമർശനം ഉയർന്നിരിക്കുകയാണ്. മാലി ദ്വീപിൽ സുഹൃത്തിനൊപ്പം അവധി ആഘോഷിക്കുന്നതിനിടയിൽ എടുത്ത ചിത്രമാണ് റിമ സോഷ്യൽ മീഡിയയിൽ പങ്കുവെച്ചിരിക്കുന്നത്. ചുവന്ന നിറത്തിൽ ഉള്ള ബിക്കിനി ധരിച്ച് കൊണ്ടുള്ള ചിത്രമാണ് താരം പങ്കുവെച്ചിരിക്കുന്നത്. എന്നാൽ നിരവധി വിമർശനങ്ങൾ ആണ് ഈ ചിത്രത്തിന് നേരെ ഉണ്ടാകുന്നത്. ആഷിക് അബു ഇങ്ങനെ കയറൂരി വിട്ടിക്കുകയാണോ, സിനിമ ഒന്നും ഇല്ലാത്തത് കൊണ്ടാണോ ഇങ്ങനെ ഉള്ള സാഹസങ്ങൾ ഒക്കെ കാണിക്കുന്നത് തുടങ്ങി നിരവധി കമെന്റുകൾ ആണ് താരം പങ്കുവെച്ച ചിത്രത്തിന് താഴെ വരുന്നത്. എന്നാൽ അതിനൊന്നും മറുപടി ഇത് വരെ റിമ നൽകിയിട്ടില്ല.