പ്രണയത്തെ പറ്റിയും വിവാഹത്തെ പറ്റിയും മനസ്സ് തുറന്ന് റിതു

ബിഗ് ബോസ് സീസൺ 3 യിൽ മത്സരിക്കാൻ എത്തി പ്രേക്ഷക ശ്രദ്ധ നേടിയ താരമാണ് റിതു മന്ത്ര. മോഡൽ ആയ താരം ബിഗ് ബോസ്സിൽ എത്തുന്നതിനു മുന്പും മോഡലിംഗ് രംഗത്ത് സജീവമായിരുന്നുവെങ്കിലും ബിഗ് ബോസ്സിൽ എത്തിയതിനു ശേഷമാണ് താരത്തിന് കൂടുതൽ ആരാധകരെ ലഭിച്ചത്. ഹൗസിനുള്ളിൽ തന്റേതായാ നിലപാടുകൾ വ്യക്തമാക്കുന്ന താരം വളരെ പെട്ടന്ന് തന്നെ പ്രേക്ഷക ശ്രദ്ധയും നേടിയിരുന്നു. പരുപാടി പാതിയിൽ വെച്ച് അവസാനിപ്പിച്ച് താരങ്ങൾ എല്ലാം തിരികെ തങ്ങളുടെ വീട്ടിൽ എത്തിയ ശേഷം റിതു വീണ്ടും സോഷ്യൽ മീഡിയയിൽ സജീവമാകാൻ തുടങ്ങിയിരുന്നു. ഇപ്പോൾ പ്രണയത്തെ കുറിച്ച് റിതു പറഞ്ഞ കാര്യങ്ങൾ ആണ് ശ്രദ്ധ നേടുന്നത്.

തന്റെ ജീവിതത്തിൽ ഒരിക്കലും ഞാൻ ആരെയും തേച്ചിട്ടില്ല എന്നും എനിക്ക് ഒട്ട് തേപ്പ് കിട്ടിയിട്ടില്ല എന്നുമാണ് റിതു പറഞ്ഞത്. തേപ്പ് എന്ന് പറയുന്നത് പ്രണയത്തിൽ മാത്രമല്ല എല്ലാ ബന്ധങ്ങളിലും സംഭവിക്കാവുന്ന കാര്യങ്ങൾ ആണെന്നാണ് റിതു പറയുന്നത്. ചിലപ്പോ നമ്മളെ സുഹൃത്തുക്കള് തേക്കാറുണ്ട്, പിണങ്ങി പോകുന്നതിനേക്കാൾ കൂടുതൽ കൂടെ നിന്ന് കുത്തുന്നവരെയും ഞാൻ തേപ്പ് എന്ന് തന്നെ ആണ് പറയുന്നത്. അപ്പോ എല്ലാം ഒരു മ്യൂചൽ അണ്ടർസ്റ്റാന്റിംഗിൽ പോയതാണ്. മനഃപൂർവം ഞാൻ ആരെയും തേച്ചിട്ടില്ല എന്നാണു റിതു പറയുന്നത്. പ്രണയത്തെ കുറിച്ചും റിതു മനസ്സ് തുറന്നിരുന്നു. ലോകത്തുള്ള എല്ലാത്തിനോടും തനിക് പ്രണയം ആണെന്നും ഈ ലോകത്തിലെ ഏറ്റവും മനോഹരമായ വികാരമായാണ് പ്രണയം എന്നുമാണ് റിതു പറഞ്ഞത്.

പ്രണയത്തെ കുറിച്ച് മാത്രമല്ല, വിവാഹത്തെ കുറിച്ചും റിതു മനസ്സ് തുറന്നു. ഞാൻ എന്റെ കരിയറിന്റെ അടുത്ത ഘട്ടത്തിലേക്ക് കടക്കുന്ന സമയം ആണ് ഇത്. ഒരുപാട് കാര്യങ്ങൾ ഇനിയും എനിക്ക് ചെയ്തു തീർക്കാൻ ഉണ്ട്. ഒരുപാട് വഴിയിലൂടെ യാത്ര ചെയ്യാനും ഉണ്ട്. വിവാഹം എന്ന് പറയുന്നത് പെട്ടന്ന് ചിന്തിച്ച് എടുക്കേണ്ട തീരുമാനം അല്ലല്ലോ. അത് കൊണ്ട് തന്നെ ഇപ്പോൾ ഞാൻ എന്റെ ലക്ഷ്യങ്ങളിലേക്കുള്ള യാത്രയിൽ ആണ്. എന്നെങ്കിലും ആരെയെങ്കിലും ജീവിതത്തിൽ കണ്ടുമുട്ടി വിവാഹം കഴിക്കണം എന്ന് തോന്നുമ്പോൾ അതിനെ പറ്റി ചിന്തിക്കാം എന്നുമാണ് റിതു മറുപടി പറഞ്ഞത്.