അസുഖബാധിതയായ കാമുകിയോട് ഹൃത്വിക് റോഷന്‍ പറഞ്ഞത് കേട്ടോ? കമന്റും..! മറുപടിയും..!

തന്റെ വിവാഹബന്ധം വേര്‍പ്പെടുത്തിയതിന് ശേഷം ഹൃത്വിക് റോഷന്റെ പേരുകള്‍ വീണ്ടും ഗോസിപ്പ് കോളങ്ങളില്‍ നിറയുകയാണ്. ഒരിക്കല്‍ ഒരു റസ്‌റ്റോറന്റില്‍ വെച്ച് ഒരു അജ്ഞാത സുന്ദരിയുടെ കൂടെ ഇറങ്ങി വന്ന ഹൃത്വികിനെ പാപ്പരാസികളാണ് കൈയ്യോടെ പൊക്കിയത്. പിന്നീട് ആരാണ് ആ പെണ്‍കുട്ടി ആരാണ് എന്ന് തിരയുകയായിരുന്നു സോഷ്യല്‍ മീഡിയ. ഹൃത്വിക് റോഷനും സബ ആസാദും ഡേറ്റിങ്ങിലാണെന്ന അഭ്യൂഹങ്ങള്‍ പ്രചരിക്കാന്‍ തുടങ്ങിയിട്ട് നാളുകളേറെയായി.

അടുത്തിടെ ഹൃത്വിക്കിന്റെ കുടുംബത്തിനൊപ്പം അവധി ദിനം ആഘോഷിക്കുന്ന സബയുടെ ചിത്രങ്ങളും വൈറലായിരുന്നു. ഒരുമിച്ച ഭക്ഷണം കഴിക്കാനായിരുന്നു അവര്‍ വീട്ടില്‍ എത്തിയത്. ഈ ചിത്രങ്ങള്‍ക്ക് ശേഷം വീണ്ടും സബയുടെ ഒരു പോസ്റ്റാണ് ശ്രദ്ധ നേടുന്നത്. അതിന് ഹൃത്വിക് റോഷന്‍ നല്‍കിയ കമന്റും സബയുടെ മറുപടിയുമാണ് ശ്രദ്ധ നേടുന്നത്. ”വീട്ടില്‍ അസുഖം ബാധിച്ചിരിക്കുമ്പോള്‍ പാടുകയല്ലാതെ മറ്റൊന്നും ചെയ്യാനില്ല. ഞാന്‍ കുട്ടിയായിരിക്കുമ്പോള്‍ സത്യജിത് റേയുടെ ക്ലാസിക് ചിത്രം ‘ഗൂപ്പി ഗൈന്‍ ബാഗ ബൈനി’ലെ പാട്ടുകളടങ്ങിയ? ഒരു കാസറ്റ് എന്റെ മാതാപിതാക്കള്‍ എനിക്കു തന്നു.

ആ സമയത്ത് എനിക്ക് ബംഗ്ലാ ഭാഷ ഒട്ടും മനസ്സിലായില്ല, എന്നിരിക്കിലും അധികം വൈകാതെ അതെന്റെ പ്രിയപ്പെട്ട കാസറ്റായി. ആല്‍ബത്തിലെ ഓരോ പാട്ടുകളുടെയും വരികള്‍ ഞാന്‍ പഠിച്ചു, ഒരു വാക്കിന്റെ പോലും അര്‍ത്ഥം മനസ്സിലാവാതെ തന്നെ… ( ഉച്ചാരണത്തില്‍ തെറ്റുണ്ടാവും ക്ഷമിക്കുക),” പാടുന്ന വീഡിയോ പങ്കുവച്ച് കൊണ്ട് സബാ കുറിച്ചു..

ഈ പോസ്റ്റിന് ഹൃത്വിക്കിന്റെ കമന്റ് ഇങ്ങനെയായിരുന്നു, ”നീയൊരു അസാധാരണ മനുഷ്യനാണ്.”കമന്റിന് മറുപടിയായി സബ പറഞ്ഞത്. നിങ്ങളുമതേ, ഏറ്റവും ദയയുള്ളയാള്‍ എന്നാണ്… ഇതാണ് ഇപ്പോള്‍ ബോളിവുഡിലും ഇരുവരുടേയും ആരാധകര്‍ക്കിടയിലും ചര്‍ച്ചയാകുന്നത്.