സീതയുടെയും റാമിന്റെയും പ്രണയം തെന്നിന്ത്യ മുഴുവന്‍ ഏറ്റെടുത്തിരിക്കുകയാണ്. മികച്ച അഭിപ്രായമാണ് ‘സീതാരാമം’ നേടുന്നത്. ഇപ്പോഴിതാ സിനിമ കണ്ട ശേഷം തെലുങ്ക് താരം സായ് ധരം തേജിന്റെ വാക്കുകള്‍ വൈറലായിരിക്കുകയാണ്.
ഒരു ഛായാചിത്രം പോലെ അതിമനോഹരമാണ് സിനിയമാണെന്ന് അദ്ദേഹം പറയുന്നു. സംവിധായകന്‍, നിര്‍മ്മാതാവ്, അഭിനേതാക്കള്‍ എന്നിങ്ങനെ സിനിമയുടെ എല്ലാ അണിയറ പ്രവര്‍ത്തകരും മികച്ച പ്രകടനം കാഴ്ചവെച്ചുവെന്ന് സായ് കുറിച്ചു.
പ്രിയപ്പെട്ട സീതാരാമം അണിയറ പ്രവര്‍ത്തകരെ ഞാന്‍ ഈ കുറിപ്പ് പല തവണ എഴുതുകയും തിരുത്തുകയും ചെയ്തു. ഇത്രയും മനോഹരമായ സിനിമ ചെയ്തതിന് ഹൃദയത്തില്‍ നിന്നും ഞാന്‍ നിങ്ങളെ വെറുക്കുന്നു. സ്വപ്‌ന അക്ക, ഞാന്‍ നിങ്ങളെ ഏറെ വെറുക്കുന്നു. സീതയുടെയും റാമിന്റെയും ഈ മനോഹര പ്രണയകഥയെ വിശ്വസിച്ച് കഴിഞ്ഞ രണ്ട് വര്‍ഷത്തോളമായി ഈ ചിത്രത്തോടൊപ്പം നിങ്ങള്‍ നിന്നു. നിങ്ങള്‍ ഒരു മികച്ച സിനിമ മാത്രമല്ല ഒരുക്കിയത് മറിച്ച് യഥാര്‍ത്ഥ പ്രണയം നിലനില്‍ക്കുമെന്നുള്ള വിശ്വാസം കൂടിയാണ് കൊണ്ടുവന്നതെന്ന് കുറിപ്പില്‍ പറയുന്നു.
ഹനു രാഘവപുടി, ഓരോ ഫ്രെയ്മിലും മായാജാലം ഒരുക്കിയ നിങ്ങളെ ഞാന്‍ വെറുക്കുന്നു. നിങ്ങള്‍ മനോഹരമായ ഛായചിത്രമാണ് ഒരുക്കിയത്. എസ്പി ചരണ്‍ പാടിയ മൂന്ന് ഗാനങ്ങളും മനോഹരമായിരുന്നു. തന്റെ പിതാവിന്റെ മാന്ത്രിക ശബ്ദത്തോട് അദ്ദേഹം നീതി പുലര്‍ത്തി.
ദുല്‍ഖര്‍ സല്‍മാന്‍, നിങ്ങളുടെ പല സിനിമകളും ഞാന്‍ കണ്ടിട്ടുണ്ട്. ഞാന്‍ നിങ്ങളുടെ സിനിമകളുടെ വലിയ ആരാധകനാണ്. എന്നാല്‍ ഒരു അഭിനേതാവെന്ന നിലയില്‍ നിങ്ങളെ അത്ഭുതത്തോടെ കാണേണ്ടി വന്ന ഈ സിനിമ മൂലം ഞാന്‍ നിങ്ങളെ വെറുക്കുന്നു. ഓരോ രംഗത്തിലും നിങ്ങളുടെ പ്രകടനത്തെ ഞാന്‍ ആരാധനയോടെ നോക്കുകയായിരുന്നു. നടത്തിലും ഇരുപ്പിലും ശ്വാസത്തിലുമെല്ലാം നിങ്ങള്‍ റാമായിരുന്നു. നിങ്ങള്‍ റാമായി ജീവിക്കുകയായിരുന്നു എന്നും സായ് പറയുന്നു.
രശ്മിക ഒരു അഭിനേതാവ് എന്ന നിലയില്‍ മികച്ച പ്രകടനം തന്നെ കാഴ്ചവെച്ചു. സിനിമയുടെ അവസാനം അഫ്രീന്‍ മികച്ചതാവുന്നു. റാമിനും സീതക്കും ഇടയിലുള്ള മെസഞ്ചറായതില്‍ നിന്നെ ഞാന്‍ വെറുക്കുന്നു. സീതാ, നിന്റെ പേരില്‍ അറസ്റ്റ് വാറണ്ട് പുറപ്പെടുവിക്കുന്നു. ഇനിയും ഓടി പോവരുത്. ഒരുപാട് ഹൃദയങ്ങള്‍ നിങ്ങളെ ഓര്‍ത്ത് വേദനിക്കുന്നു. ദയവ് കാണിക്കണം. ഞാന്‍ നിങ്ങളെയും വെറുക്കുന്നു.
തൃഷയും വിജയുമാണ് തമിഴകത്ത് കഴിഞ്ഞ കുറച്ച് ദിവസങ്ങളായി സജീവ ചർച്ച. വിജയുടെ 50ാം പിറന്നാൾ ദിനത്തിൽ തൃഷ പങ്കുവെച്ച ഫോട്ടോയാണ്…
കാൽനൂറ്റാണ്ടിലധികം താരസംഘടനയെ നയിച്ച ഇടവേള ബാബു ജനറൽ സെക്രട്ടറി സ്ഥാനം ഒഴിഞ്ഞത് പലർക്കും ഇപ്പോഴും ഉൾക്കൊള്ളാൻ കഴിഞ്ഞിട്ടില്ല. വളരെ വിഷമത്തോടെയാണ്…
മീര ജാസ്മിൻ ഒരു കോമ്പ്ളിക്കേറ്റഡ് താരമാണെന്ന് പറയുകയാണ് തമിഴ് നടൻ ശ്രീകാന്ത്. ഈയിടെ ഒരു യൂട്യൂബ് ചാനലിനു നൽകിയ അഭിമുഖത്തിലാണ്…
മലയാളസിനിമയിലെ ക്രോഡഡ് പുള്ളറാണ് മോഹൻലാൽ . ആരാധകർ ഏറെയുള്ള മോഹൻലാലിന്റെ പല സിനിമകൾക്കും വലിയ റിപ്പീറ്റ് വാല്യൂവുണ്ട്. പക്ഷെ ഈയടുത്ത…
ആലപ്പുഴ: 15 വർഷം മുമ്പു നടന്ന സംഭവത്തിൻറെ ചുരുളഴിഞ്ഞതോടെ ഞെട്ടലിൽ ഒരു നാട്. സെപ്റ്റിക് ടാങ്കിൽ ഒരു യുവതിയുടെ മൃതദേഹമെന്ന…
വായ് നാറ്റത്തെ ചെറുക്കാനും വായിലെ ബാക്ടീരിയ കുറയ്ക്കാനുമെല്ലാം ഉപയോഗിക്കുന്നതാണ് മൗത്ത് വാഷ്. ആന്റി ബാക്ടീരിയൽ മൗത്ത് വാഷ് ഉപയോഗിച്ചാൽ വായിലെ…