ഇന്ന് പ്രേക്ഷകർക്ക് ഏറെ സുപരിചിതനായ താരമാണ് സജിൻ. ബിഗ് സ്ക്രീനിലും മിനി സ്ക്രീനിലും ഒരുപാട് ആരാധകർ ഉള്ള താരദമ്പതികളിൽ ഒരാൾ കൂടി ആണ് ഷഫ്‌നയും സജിനും. ഏഷ്യാനെറ്റിൽ അടുത്തിടെ സംപ്രേക്ഷണം ആരംഭിച്ച സ്വാന്തനം എന്ന പരമ്പരയിൽ ശിവൻ എന്ന കഥാപാത്രത്തെ അവതരിപ്പിന്നത് സജിൻ ടി പി ആണ്. സജിൻ തന്റെ അഭിനയ ജീവിതത്തിനു തുടക്കം കുറിച്ചത് ബിഗ് സ്‌ക്രീനിൽ കൂടിയാണെങ്കിലും ഇപ്പോൾ മിനിസ്‌ക്രീനിൽ ആണ് സജിൻ തിളങ്ങുന്നത്. വളരെ പെട്ടന്നാണ് പാരമ്ബരയിലെ കർക്കശക്കാരനായ ശിവനെ ആരാധകർ ശ്രദ്ധിച്ച് തുടങ്ങിയത്. പ്രണയിച്ചു വിവാഹം കഴിച്ച സജിന്റെയും ഷഫ്‌നയുടെയും പ്രണയ കഥകൾ ഇവർ മുൻപ് തന്നെ ആരാധകരുമായി പങ്കുവെച്ചിരുന്നു.
ഇപ്പോഴിതാ തന്റെ വിവാഹ സമയത്തെ പ്രശ്നങ്ങളെ കുറിച്ച് തുറന്നു പറയുകയാണ് സജിൻ. ഷഫ്‌നയെ വിവാഹം കഴിച്ചതിന്റെ പേരിൽ കുറച്ചധികം പ്രശ്നങ്ങൾ ആണ് തനിക്ക് ജീവിതത്തിൽ നേരിടേണ്ടി വന്നത് എന്നാണു സജിൻ പറയുന്നത്. ഷഫ്‌നയെ വിവാഹം കഴിച്ചതോടെ ചെറിയ പ്രശ്നങ്ങൾ ആയിരുന്നില്ല, വലിയ പ്രശ്നങ്ങൾ തന്നെയാണ് ഉണ്ടായത്. എന്നാൽ കാലം മായ്ക്കാത്ത കാര്യങ്ങൾ ഇല്ല എന്ന് പറയുന്നത് പോലെ ഇപ്പോൾ എല്ലാം സോൾവ് ആയി വരുന്നുണ്ട്. വളരെ ചെറിയ പ്രായത്തിൽ ആണ് തങ്ങൾ വിവാഹിതർ ആയത്. വിവാഹം കഴിക്കുമ്പോൾ എനിക്ക് 24 വയസ്സ് ആയിരുന്നു ഉണ്ടായിരുന്നത്. ഷഫ്‌നയും വളരെ ചെറിയ പ്രായം ആയിരുന്നു. എന്നാൽ എന്റെ വീട്ടുകാർ ഫുൾ സപ്പോർട്ട് ആയിരുന്നു.
അത് കൊണ്ട് തന്നെ ഒരു സൈഡിൽ നിന്നുള്ള ടെൻഷൻ കുറവായിരുന്നു. എന്നാൽ ഷഫ്‌നയുടെ വീട്ടിൽ ഭയങ്കര പുകിൽ ആയിരുന്നു. അവളുടെ വീട്ടുകാർ ഞങളുടെ വിവാഹം ഒട്ടും അംഗീകരിച്ചില്ലായിരുന്നു. എന്നാൽ എല്ലാം കാലം മായിക്കും എന്ന് പറയുന്നത് പോലെ ഇപ്പോൾ അവരും ഓക്കെ ആയി വരുന്നു എന്നും സജിൻ പറയുന്നു. വിവാഹ ജീവിതത്തിൽ താൻ പൂർണ്ണ തൃപ്തൻ ആണെന്നും തന്നെ മനസ്സിലാക്കിയും തന്റെ സന്തോഷങ്ങൾക്ക് വേണ്ടി കൂടെ നിൽക്കുകയും ചെയ്യുന്ന ഒരു പാർട്ണറിനെ കിട്ടുന്നത് ആണ് ഏറ്റവും വലിയ ഭാഗ്യം. ആ കാര്യത്തിൽ ഞാൻ ഭാഗ്യവാൻ ആണെന്നും സജിൻ പറയുന്നു.