കാത്തിരിപ്പിന് വിരാമം, സംയുക്ത വർമ്മ വീണ്ടും അഭിനയത്തിലേക്ക് തിരികെ വരുന്നു!

സംയുക്ത വർമ്മ മലയാള സിനിമ പ്രേമികളുടെ പ്രിയങ്കരിയായ താരമായിരുന്നു. കുറച്ച് ചിത്രങ്ങൾ മാത്രമേ ചെയ്തിട്ടുള്ളു എങ്കിലും അഭിനയിച്ച ചിത്രങ്ങൾ എല്ലാം തന്നെ സൂപ്പർ ഹിറ്റുകൾ ആയിരുന്നു. . അധികനാൾ സിനിമയിൽ അഭിനയിച്ചില്ല എങ്കിലും നിരവധി ആരാധകരെയാണ് താരം കുറഞ്ഞ സമയം കൊണ്ട് നേടിയെടുത്തത്. എന്നാൽ അധികം വൈകാതെ തന്നെ വിവാഹശേഷം താരം സിനിമയിൽ നിന്നും അപ്രത്യക്ഷ്യമായി.  സിനിമയിൽ ഹൈപ്പിൽ നിന്ന സമയത്ത് ആയിരുന്നു താരം വിവാഹിതയാകുന്നത്. അഭിനയിച്ച ചിത്രങ്ങൾ എല്ലാം തന്നെ ഹിറ്റുകൾ ആയിരുന്നു. സിനിമയിൽ സജീവമല്ലെങ്കിലും സംയുകതയുടെയും ബിജു മേനോൻെറയും വിശേഷങ്ങൾ എല്ലാം രണ്ടു കൈയും നീട്ടിയാണ് സോഷ്യൽ മീഡിയ സ്വീകരിക്കുന്നത്. ഇന്നും പൊതുസ്ഥലങ്ങളിൽ വെച്ച് ബിജു മേനോനോട് ആരാധകർ ചോദിക്കുന്ന പ്രധാന ചോദ്യമാണ് സംയുക്ത ഇനി സിനിമയിലേക്ക് തിരിച്ച് വരുമോ എന്നത്. കാരണം സംയുക്ത എന്ന നടി ഓരോ സിനിമ പ്രേഷകനെയും അത്രത്തോളം സ്വാധീനിച്ചിട്ടുണ്ട്. എന്നാൽ തിരിച്ചുവരണോ വേണ്ടയോ എന്ന് തീരുമാനിക്കേണ്ടത് സംയുക്ത ആണെന്ന് ബിജു മേനോൻ പറഞ്ഞിട്ടുമുണ്ട്.

ഇപ്പോഴിതാ ആരാധകരുടെ ചോദ്യങ്ങൾക്കും കാത്തിരിപ്പിനും വിരാമം ഇട്ട് കൊണ്ട് താരം വീണ്ടും അഭിനയരംഗത്തേക്ക് തിരിച്ച് വരവ് നടത്തുകയാണ്. ഇരുപത് വർഷങ്ങൾക്ക് ശേഷം സംയുക്ത വീണ്ടും ക്യാമറയുടെ മുന്നിലേക്ക് എത്തുകയാണ്. ഹരിതം ഫുഡ്സ് കമ്പനിയുടെ ബ്രാൻഡ് അംബാസിഡർ ആയിട്ടാണ് സംയുക്ത വീണ്ടും അഭിനയത്തിലേക്ക് തിരികെ വരുന്നത്. വ്യത്യസ്ത ഗെറ്റപ്പിൽ ആണ് താരം വീണ്ടും എത്തുന്നത്. ഇതിന്റെ പരസ്യത്തിൽ ആറ്‌ വ്യത്യസ്ത സാഹചര്യങ്ങളിൽ ജീവിക്കുന്ന വീട്ടമ്മ മാരായിട്ടാണ് സംയുക്ത എത്തുന്നത് എന്നാണ് പുറത്ത് വരുന്ന വിവരം. വ്യത്യസ്ത സാഹചര്യത്തിൽ വ്യത്യസ്‌ത വിഭവങ്ങൾ പാകം ചെയ്യുന്ന വീട്ടമ്മമാർക്ക് എങ്ങനെയാണ് ഹരിതം ഫുഡ്സ് സഹായകം ആകുന്നത് എന്നാണ് പരസ്യത്തിൽ പറയുന്നത്.

വാർത്ത പുറത്ത് വന്നതോടെ സന്തോഷത്തിൽ ആണ് താരത്തിന്റെ ആരാധകർ. തങ്ങളുടെ ഇഷ്ട്ട താരത്തെ വീണ്ടും സ്‌ക്രീനിൽ കാണാമെന്ന സന്തോഷം ആണ് ആരാധകർക്ക്. താരം ഇനി വൈകാതെ തന്നെ സിനിമയിലേക്കും പ്രവേശനം നടത്തും എന്നാണു ആരാധകരുടെ പ്രതീക്ഷ.