‘ശാപവാക്കുകളും അവഗണകളും മാത്രം’; വിവാഹത്തെക്കുറിച്ച് സംഗീത

കഴിഞ്ഞ ദിവസമാണ് നടൻ റെഡിന്‍ കിങ്സ്ലിയുടെ വിവാഹം നടന്നത്. സീരിയൽ താരം സംഗീതയെ ആണ് റെഡിന്‍ കിങ്സ്ലി വിവാഹം ചെയ്തിരിക്കുന്നത്. കിങ്സ്ലിയുടെയും സംഗീതയുടെയും പ്രണയ വിവാഹമാണ്. ഇരുവരും വര്‍ഷങ്ങളായി പ്രണയത്തിലായിരുന്നു. എല്‍കെജി പോലുള്ള സിനിമകളില്‍ ഒന്നിച്ച് അഭിനയിച്ചതിന് ശേഷമാണ് ഇരുവരുടെയും പ്രണയവും പരിചയവും തുടങ്ങിയത് എന്നും രണ്ടു പേരും നേരത്തെ വിവാഹിതരായവരല്ല എന്നും റിപ്പോർട്ടുകൾ വന്നിരുന്നു. സ്വകാര്യ ചടങ്ങുകള്‍ ആയാണ് ഇവരുടെ വിവാഹം ഇരുവരും നടത്തിയത്. ഇവരുടെ വിവാഹ ചിത്രങ്ങൾ പുറത്തുവന്നതിന് ശേഷം ആരാണ് സംഗീത എന്നറിയാൻ ആരാധകർക്ക് ആവേശം കൂടുകയായിരുന്നു. സീരിയൽ താരം എന്നതിന് അപ്പുറം സംഗീതയെ കുറിച്ച് അധികമൊന്നും റെഡിന്‍ കിങ്സ്ലിയുടെ ആരാധകർക്ക് അറിയില്ല. 1978 ഒക്ടോബർ 21 നു ചെന്നൈയിൽ ആണ് സംഗീത ജനിച്ചത്. 45 വയസാണ് സംഗീതയുടെ പ്രായം. പക്ഷെ മുൻപ് ഒരു അഭിമുഖത്തിൽ പ്രായം ചോദിച്ച അവതാരികയോട് സംഗീത പറഞ്ഞത് 30 വയസിനു മുകളിൽ എന്ന് മാത്രമേ എനിക്ക് പറയാൻ പറ്റൂ എന്നാണ്. അച്ഛൻ മരിച്ചു പോയതാണ്, അമ്മ മാത്രമേയുള്ളു സംഗീതയ്ക്ക്. അതുകൊണ്ട് തന്നെ ജീവിതത്തിൽ ഒരുപാട് കഷ്ടപ്പാടുകൾ സഹിച്ചാണ് അവർ ഇന്ന് കാണുന്ന നിലയിലേക്ക് എത്തിയത്.

വീട്ടിലെ സ്ത്രീകൾ ഒന്നും ഒരു കടയിൽ പോലും ഒരു ആവശ്യത്തിന് പോകാറില്ലാത്ത തരത്തിൽ ഓർത്തോഡോക്സ് ആയ ഒരു കുടുംബത്തിൽ നിന്നാണ് അഭിനയത്തിലേക്ക് സംഗീത വരുന്നത്. ആദ്യമൊക്കെ അവഗണനകളും ശാപവാക്കുകളും മാത്രമായിരുന്നു എന്നും  പിന്നീട് ഒരു ഘട്ടത്തിൽ പ്രശസ്തി ഒക്കെ ആയിത്തുടങ്ങിയതിനു ശേഷമാണ് എല്ലാവരും അംഗീകരിച്ചു തുടങ്ങിയത് എന്നും സംഗീത പറഞ്ഞിരുന്നു.  കുടുംബത്തിൽ നിന്നും കരിയറിൽ നിന്നുമൊക്കെ ഒരുപാട് കഷ്ടതകൾ അനുഭവിച്ച ആളാണ് സംഗീത. ഗോസിപ്പുകളും മോശമായ വാർത്തകളും ഉണ്ടായ സമയത്തൊക്കെ സംഗീത പറഞ്ഞത് ഇതിനേക്കാൾ വലുത് ഞാൻ അനുഭവിച്ചിട്ടുള്ളത് ആണ്. അതുകൊണ്ട് തന്നെ ഇതൊന്നും ബാധിക്കുന്നേയില്ല എന്നായിരുന്നു. അഭിനയത്തിലേക്ക് സംഗീത എത്തപ്പെട്ടത് ഒരു ഫ്രണ്ട് വഴിയാണ്. അഭിനയിക്കാൻ താല്പര്യം ഉണ്ടായിരുന്നിട്ടും അത് ആരോടും പറയാതിരുന്നപ്പോൾ ആണ് സംഗീതയ്ക്ക് സുഹൃത് വഴി അവസരം ലഭിക്കുന്നത്.  കൂടുതലും സീരിയലുകളാണ് സംഗീത ചെയ്തിരിക്കുന്നത്. സീരിയലുകൾ കൂടാതെ തമിഴിലും തെലുങ്കിലും സിനിമകളും ചെയ്തിട്ടുണ്ട് സംഗീത. സോഷ്യൽ മീഡിയയിൽ സജീവമായ സംഗീത ഇൻസ്റ്റയിൽ സംഗീത പങ്കുവയ്ക്കുന്ന ഫോട്ടോയ്ക്കും വിഡിയോയ്ക്കും ഒരു വലിയ ഫാൻ ബേസ് ആണ് ഉള്ളത്.

45 വയസ് ആയിട്ടും കല്യാണം കഴിക്കാത്തത് എന്താണെന്നു ചോദിച്ചവരോടൊക്കെ എന്നെ സഹിക്കുന്നത് തന്നെ വലിയ കാര്യമാണ്. അതുകൊണ്ട് എനിക്ക് മാച്ച് ആകുന്നപോലെ സെയിം വേവ് ലെങ്ത് ഉള്ള ഒരാളെ വേണം അത് നോക്കികൊണ്ടിരിക്കുവാണ് എന്നാണ് പറഞ്ഞത്. ഇങ്ങിനെയുള്ള ആളെ ആണ് വിവാഹം കഴിക്കാൻ ആഗ്രഹം എന്ന ചോദ്യത്തിന് സംഗീത നൽകിയ മറുപടി “സൗന്ദര്യമോ പഠിത്തമോ ഉള്ള ആളൊന്നും വേണം എന്ന് ആഗ്രമില്ല. തന്നെ  മനസിലാക്കാനും സ്നേഹിക്കാനും കഴിയുന്ന ആളായിരിക്കണം. തന്നെ  എപ്പോഴും ചിരിപ്പിക്കാൻ കഴിയുന്ന ഒരാളായിരിക്കണം” എന്ന് ആയിരുന്നു. റെഡിന്‍ കിങ്സ്ലിയുടെയും സംഗീതയുടെയും പ്രായം തന്നെ ആയിരുന്നു ഇരുവരും വിവാഹിതരായി എന്ന വർത്തവന്നപ്പോൾ ഇരുവരുടെയും ആദ്യ വിവാഹം തന്നെയാണോ ഇത് എന്ന സംശയം ഉണ്ടാവാൻ കാരണമായത്.  എന്താ ഇത്ര പെട്ടെന്ന് ഒരു കല്യാണം എന്ന് ചോദിച്ചപ്പോൾ കുറച്ചു നാളായിട്ട് സംഗീതയുമായി പ്രണയത്തിൽ ആയിരുന്നു എന്നും പെട്ടെന്ന് ആ കുട്ടി ഇപ്പൊ കല്യാണം നടത്തിയേ പറ്റു എത്ര നാളാണ് ഇങ്ങിനെ കല്യാണം നീട്ടികൊണ്ട് പോകുന്നത് എന്നൊക്കെ പറഞ്ഞ് പ്രശ്നമുണ്ടാക്കി സിനിമയുടെ സെറ്റിലേക്ക് വന്നു എന്ന് പറഞ്ഞു. മൈസൂരിലേക് പെട്ടെന്ന് വരികയായിരുന്നു. കവിൻ നായകനാകുന്ന ഒരു സിനിമയുടെ ഷൂട്ട് അവിടെയാണ് നടക്കുന്നത്. റെഡിൻ കിങ്സ്ലി അവിടെയാണ് ഉള്ളത്. ആ സെറ്റിൽ വച്ചാണ് ഈ കല്യാണം നടന്നത്. ഒർജിനൽ കല്യാണം തന്നെയാണ് നടന്നത്. കുറെ ഡിവോഴ്സ് നടക്കുന്നതിന്റെ ഇടയിൽ ഇവർ കല്യാണം കഴിച്ചത് സന്തോഷം തന്നെയാണ്” എന്നായിരുന്നു ഇവരുടെ വിവാഹത്തെ കുറിച്ച് നടനും സിനിമാ നിരൂപകനുമായ ബയല്‍വാന്‍ രംഗനാഥൻ ഈ അടുത്തിടെ പറഞ്ഞത്. രജിനികാന്തിന്റെ ജയിലർ സിനിമയുടെ സംവിധായകൻ നെൽസൺ ദിലീപ്കുമാറിന്റെ ചിത്രങ്ങളിലൂടെയാണ് കിങ്സ്ലി ശ്രദ്ധേയനായിട്ടുള്ളത്. 90കൾ മുതൽ തമിഴ് ചിത്രങ്ങളിൽ ജൂനിയർ ആർട്ടിസ്റ്റായി പ്രവർത്തിച്ച താരമാണ് കിങ്സ്ലി. നെൽസൺ ആദ്യമായി സംവിധാനം ചെയ്ത നയൻ‌താര നായികയായ ചിത്രം കൊലമാവ് കോകിലയിലൂടെയാണ് 46കാരനായ കിങ്സ്ലി സിനിമാപ്രേമികൾക്കിടയിൽ ശ്രദ്ധിച്ചു തുടങ്ങുന്നത്.