വിഷു ദിനത്തില് ജനങ്ങള്ക്ക് ക്ഷേത്രങ്ങളുടെ മറവില് പണം നല്കുന്നത് രാഷ്ട്രീയ നേട്ടത്തിനാണെന്ന രീതിയില് നടനും എം.പിയുമായ സുരേഷ് ഗോപി വിഷു കൈ നീട്ട വിവാദത്തിന് ഇരയായതിന് പിന്നാലെ അദ്ദേഹം മറ്റൊരു വിവാദത്തിലും ചെന്നെത്തിയിരുന്നു. കാല് തൊട്ട് നമസ്കരിക്കല് വിവാദമായിരുന്നു അത്. കൈ നീട്ടം കൊടുത്തശേഷം അത് സ്വീകരിച്ചവരെക്കൊണ്ട് എം.പി കാല് പിടിപ്പിച്ചു എന്നതായിരുന്നു വിവാദത്തിലേയ്ക്ക് നയിച്ചത്.
വിഷയത്തില് സുരേഷ് ഗോപിക്ക് പൂര്ണ പിന്തുണയുമായി ബി.ജെ.പി സംസ്ഥാന ഘടകം രംഗത്തെത്തിയിരുന്നു. എന്നാല് ശുദ്ധ മാടമ്പിത്തരത്തിന്റെ കൃത്യമായ ഉദാഹരണമാണ് സുരേഷ് ഗോപിയില്നിന്നും ഉണ്ടായതെന്ന വിമര്ശനവുമായി മറ്റ് സംഘടനകളും സാമൂഹിക സാംസ്കാരിക നിരീഷകരുമെല്ലാം രംഗത്തെത്തി. പലരും തങ്ങളുടേതായ അഭിപ്രായങ്ങള് പറയുകയും അതിന്മേല് ചര്ച്ചകളട്ടം സംഘടിപ്പിക്കുകയും ചെയ്തു.
ഒടുവില് ഇതാ വിഷയത്തില് തന്റേതായ സാമൂഹിക നിരീഷണം നടത്തിയിരിക്കുകയാണ് നടനും നിര്മ്മാതാവും സംവിധായകനുമൊക്കെയായ സന്തോഷ് പണ്ഡിറ്റ്്. പണ്ഡിറ്റിന്റെ രാഷ്ട്രീയ നിരീക്ഷണം എന്ന പേരില് തന്റെ ഫെയ്സ്ബുക്കില് സന്തോഷ് പണ്ഡിറ്റ് പങ്കുവെച്ച കുറിപ്പ് ഇതിനകം വൈറലായിക്കഴിഞ്ഞു.
കുറിപ്പിന്റെ പൂര്ണ രൂപം:
പണ്ഡിറ്റിന്റെ രാഷ്ട്രീയ നിരീക്ഷണം
വിഷു ആഘോഷത്തിന്റെ ഭാഗമായി മലയാള സിനിമയിലെ സൂപ്പര് സ്റ്റാര്, എം.പി കൂടിയായ സുരേഷ് ഗോപി ജി ആയിര കണക്കിന് പേര്ക്ക് വിഷു കൈനീട്ടം കൊടുതിരുന്നല്ലോ. എന്നാല് ആ കൈനീട്ടം വാങ്ങിയവര് അദ്ദേഹത്തിന്റെ കാലു പിടിച്ചു അനുഗ്രഹം വാങ്ങിച്ച വാര്ത്തയറിഞ്ഞ ചിലര് ശക്തമായി രംഗത്ത് വന്നത് ശരിയാണോ ?
ഒരാളുടെ കാല് പിടിക്കുന്നത് ശരിയല്ലെന്നും , അതൊക്കെ ബി.ജെ.പിക്കാര് മാത്രം ചെയ്യുന്ന കാര്യമാണെന്നും , അതെല്ലാം സാമ്രാജ്യത്വത്തെ , ജന്മിത്വത്തിന്റെ പ്രതീകം ആണെന്നൊക്കെയാണ് ഈ കൈനീട്ട വിവാദത്തില് വിമര്ശകര് പറയുന്നത് . അദ്ദേഹം എന്തോ വലിയ മഹാപാപം ചെയ്തത് പോലെയാണ് പലരും പ്രതികരിക്കുന്നത് .
വിമര്ശകരുടെ ശ്രദ്ധക്ക് ..
വിഷു കൈനീട്ടം കിട്ടുമ്പോ കാല് തൊട്ട് വന്ദിക്കുന്നത് ഹിന്ദു ആചാരം മാത്രമാണ് .
വീട്ടില് കൈനീട്ടം കൊടുക്കുന്ന മുതിര്ന്നവരുടെ കാലില് തൊട്ടു സാധാരണ എല്ലാവരും നമസ്കരിക്കാറുണ്ട് .
വിവാഹം അടക്കം എല്ലാ പ്രധാന ചടങ്ങുകളിലും ഈ കാലില് പിടിച്ചു അനുഗ്രഹം വാങ്ങുന്ന കാര്യം നടക്കാറുണ്ട് . അതിനര്ത്ഥം അവരെല്ലാം സംഘികളാണ് , ബി.ജെ.പിക്കാര് ആണ് എന്നല്ല.
കാലില് തൊട്ട് നമസ്കരിക്കുന്നത് ഭാരതത്തിന്റെ ഒരു സാംസ്ക്കാരിക ആചാരം ആണ് . മറ്റു മതസ്ഥരും അങ്ങനെ ചെയ്യാറുണ്ട് . അതൊന്നും രാഷ്ട്രീയം നോക്കിയല്ല. സുരേഷ് ഗോപി ജിയെ നമസ്കരിച്ചവര്ക്ക് അദ്ദേഹം അവരുടെ പാദവന്ദനതിന് അര്ഹന് എന്ന് തോന്നിയിട്ടുണ്ട്. അവരിലാരും പരാതി പറഞ്ഞിട്ടില്ല, പിന്നെ കണ്ടു നില്ക്കുന്നവര് എന്തിനാണ് അനാവശ്യ വിവാദം ഉണ്ടാക്കുന്നത് . എന്തിനും ഏതിനും രാഷ്ട്രീയവും , മതവും നോക്കി മാത്രം അഭിപ്രായം പറയുന്നതും , വ്യക്തി വൈരാഗ്യം തീര്ക്കുന്നതും ശരിയല്ല .
ഞാനൊക്കെ പ്രധാന പരീക്ഷകള്ക്ക് പോകുമ്പോള് മാതാപിതാക്കളില് നിന്നും കാല് തൊട്ടു അനുഗ്രഹം വാങ്ങാറുണ്ട് . എന്തിനു മറ്റുള്ളവരുടെ സിനിമകളില് അഭിനയിക്കുമ്പോഴും ആ സംവിധായകന്റെ കാലില് തൊട്ടു അനുഗ്രഹം വാങ്ങിക്കും ഇതൊന്നും ആരെയും കാണിക്കാനല്ല. നമ്മുടെ സംസ്കാരം അത്രേയുള്ളൂ .
ഈ കൈനീട്ട വിവാദം ഉടനെ അവസാനിപ്പിക്കുക . ഇന്ത്യയില് ഭരണ ഘടനാ പ്രകാരം അതിനൊക്കെ ഉള്ള സ്വാതന്ത്ര്യം ഉണ്ട്. കാലുപിടിച്ചു അനുഗ്രഹം വാങ്ങുന്നത് ഒരു ക്രിമിനല് മിസ്റ്റേക്ക് അല്ല എന്ന് സാരം .
എല്ലാ കൂട്ടുകാര്ക്കും വിഷു ആശംസകള്
ബൈ സന്തോഷ് പണ്ഡിറ്റ് (മറയില്ലാത്ത വാക്കുകള് , മായമില്ലാത്ത പ്രവര്ത്തികള് , ആയിരം സാംസ്കാരിക നായകന്മാര്ക്ക് അര പണ്ഡിറ്റ് .. പണ്ഡിറ്റിനെ പോലെ ആരും ഇല്ല )
എന്നിങ്ങനെയാണ് സന്തോഷ് ഫെയ്സ്ബുക്കില് കുറിച്ചത്.
വിനീത് ശ്രീനിവാസൻ സംവിധാനം ചെയ്യ്ത പ്രണവ്, ധ്യാൻ എന്നിവർ അഭിനയിച്ച ചിത്രം വർഷങ്ങൾക്ക് ശേഷം തീയറ്ററുകളിൽ നല്ല പ്രേഷക പ്രതികരണം…
ഒരു കാലത്ത് മലയാളികളുടെ പ്രിയങ്കരനായ നടൻ ആയിരുന്നു റഹുമാൻ, ഇപ്പോളിതാ അദ്ദേഹത്തിന്റെ അതേപാതയിലൂടെ മകൾ അലീഷ സിനിമയിലേക്ക് എത്തുകയാണ്, ഇപ്പോൾ…
ഭാഷയുടേയും ദേശത്തിന്റേയും അതിര് വരമ്പുകളില്ലാതെ എല്ലാ സിനിമാ ഇന്ഡസ്ട്രികളിലും നിലനില്ക്കുന്ന ഒന്നാണ് കാസ്റ്റിംഗ് കൗച്ച്. പല മുന്നിര താരങ്ങള് പോലും…
എൻഗേജ് മെന്റ് കഴിഞ്ഞിട്ടില്ലെന്നും ബിഗ് ബോസ് ഷോ കഴിന്നതിനു ശേഷം നോക്കിയിട്ട് തീരുമാനിക്കാനായിരുന്നു പ്ലാനെന്നു ആവർത്തിക്കുകയാണ് ജാസ്മിൻ ജാഫർ .…
തെന്നിന്ത്യന് സിനിമയ്ക്ക് ഏറ്റവും പ്രിയപ്പെട്ട നടി വരലക്ഷ്മി ശരത്കുമാര് വിവാഹിതയാവുകയാണ്. പ്രധാനമന്ത്രി മോദി മുതല് രജനികാന്ത്, കമല്ഹാസന് എന്നിങ്ങനെ പ്രമുഖരായ…
മലയാളത്തിലൂടെ വെള്ളിത്തിരയിൽ അരങ്ങേറിയെങ്കിലും മലയാളത്തിൽ കുറച്ച് സിനിമകളിൽ മാത്രമേ നടി നയൻതാര അഭിനയിച്ചിട്ടുമുള്ളൂ. നയൻതാരയും നിവിൻ പോളിയും ആദ്യമായി മലയാളത്തിൽ…