വിറ്റു പോയത് വെറും 30 ടിക്കറ്റുകൾ; സലാറുമായി പോരിനില്ലെന്ന് കിംഗ് ഖാൻ

ഭാഷാതീതമായി ഇന്ത്യന്‍ ഭാഷകളിലെ സൂപ്പര്‍താര ചിത്രങ്ങള്‍ പാന്‍ ഇന്ത്യന്‍ റിലീസിന് ശ്രമിക്കുന്ന കാലമാണിത്. ബാഹുബലിയും പുഷ്പയും ,കെജിഎഫുമൊക്കെ ഉത്തരേന്ത്യന്‍ പ്രേക്ഷകര്‍ ഏറ്റെടുത്തതും ഒടിടിയിലൂടെ സബ് ടൈറ്റിലോടെ ഇതരഭാഷാ ചിത്രങ്ങള്‍ കണ്ടുള്ള പ്രേക്ഷകരുടെ ശീലവുമൊക്കെയാണ് ഇതിന് കാരണം. അതിനാല്‍ത്തന്നെ ഒരു ബിഗ് ബജറ്റ് സൂപ്പര്‍താര ചിത്രത്തിന് ഇന്ന് ലഭിക്കാന്‍ സാധ്യതയുള്ള കളക്ഷന്‍ വളരെ ഉയര്‍ന്നതാണ് ഷാരൂഖ് ഖാന്‍റെ രണ്ട് ചിത്രങ്ങളാണ് ഈ വര്‍ഷം 1000 കോടി ക്ലബ്ബുകളില്‍ ഇടംപിടിച്ചത്. ഇപ്പോഴിതാ സിനിമാപ്രേമികളെ സംബന്ധിച്ച് കൗതുകമുണര്‍ത്തുന്ന ഒരു വിവരം പുറത്തെത്തിയിരിക്കുകയാണ്. ഷാരൂഖ് ഖാന്‍റെ തന്നെ പുതിയ ചിത്രം ഡങ്കിയുടെ റിലീസ് സംബന്ധിച്ചാണ് അത്.

ക്രിസ്മസ് റിലീസ് ആയി എത്തുമെന്ന് പ്രഖ്യാപിച്ചിരുന്ന ചിത്രം ഡിസംബര്‍ 22 ന് തിയറ്ററുകളിലെത്തുമെന്നാണ് കരുതപ്പെട്ടിരുന്നത്. എന്നാല്‍ അതേദിവസം തന്നെ വന്‍ ഹൈപ്പ് ഉള്ള മറ്റൊരു ചിത്രവും റിലീസ് പ്രഖ്യാപിച്ചിരുന്നു. പ്രഭാസിനെ നായകനാക്കി കെജിഎഫ് സംവിധായകന്‍ ഒരുക്കുന്ന സലാര്‍ ആണ് അത്. ഡങ്കി ഇന്ത്യയില്‍ 22 നും യുഎസില്‍ ഒരു ദിവസം മുന്‍പ് 21 നും എത്തുമെന്നാണ് ദേശീയ മാധ്യമങ്ങളടക്കം റിപ്പോര്‍ട്ട് ചെയ്തിരുന്നത്. എന്നാല്‍ ഇന്ന് പുറത്തെത്തിയ ട്രെയ്‍ലറിലൂടെ ഡങ്കി നിര്‍മ്മാതാക്കള്‍ അറിയിച്ചിരിക്കുന്ന വിവരം അതില്‍ നിന്ന് വ്യത്യസ്തമാണ്. ചിത്രത്തിന്‍റെ ആ​ഗോള റിലീസ് ഡിസംബര്‍ 21 ന് ആയിരിക്കുമെന്നതാണ് അത്. അതായത് സലാറിന് ഒരു ദിവസം മുന്‍പ് ചിത്രം തിയറ്ററുകളിലെത്തും. ആയതിനാല്‍ത്തന്നെ ഒറ്റ ദിവസത്തേക്ക് സോളോ റിലീസ് ആണ് ഷാരൂഖ് ഖാന്‍ ചിത്രത്തിന് ലഭിച്ചിരിക്കുന്നത്. ബി​ഗ് ബജറ്റ് ചിത്രങ്ങളെ സംബന്ധിച്ച് ഓപണിം​ഗ് കളക്ഷന്‍ പ്രധാനമാണ് എന്നതിനാല്‍ നിര്‍ണ്ണായക തീരുമാനമാണ് ഡങ്കി നിര്‍മ്മാതാക്കള്‍ കൈക്കൊണ്ടിരിക്കുന്നത്. നേരത്തെ ഡങ്കിയുടെ യുഎസിലെ ആദ്യദിന അഡ്വാന്‍സ് ബുക്കിം​ഗ് സംബന്ധിച്ച വിവരം പുറത്തെത്തിയിരുന്നു. യുഎസിലെ 125 സ്ക്രീനുകളിലെ 351 ഷോകളിലേക്കുള്ള ആദ്യദിന അഡ്വാന്‍സ് ബുക്കിം​ഗിലൂടെ വെറും 30 ടിക്കറ്റുകള്‍ മാത്രമാണ് ചിത്രത്തിന് തുടക്കത്തില്‍ വില്‍ക്കാന്‍ കഴിഞ്ഞതെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു.

തുടര്‍ദിവസങ്ങളില്‍ ബുക്കിം​ഗില്‍ ചിത്രം മുന്നേറ്റം സൃഷ്ടിക്കുമെന്ന പ്രതീക്ഷയിലാണ് അണിയറക്കാര്‍. അതെ സമയം ഡങ്കിയുടെ ട്രെയിലർ പുറത്തിറങ്ങി.ഡങ്കി ഡ്രോപ്പ് 4 എന്ന് പേരിട്ടിരിക്കുന്ന ട്രെയിലർ നിമിഷ നേരം കൊണ്ടാണ് സോഷ്യൽ മീഡിയയിൽ ഹിറ്റ് ആയി മാറിയത്.കഴിഞ്ഞ ദിവസമാണ് ഡങ്കി ഡ്രോപ്പ് ത്രി പുറത്തെത്തിയത്. സോനു നിഗത്തിന്റെ ശബ്ദ മനോഹാരിതയിൽ ഒരു  ഗാനം ആണ് ഡ്രോപ്പ്3  ആയി  പുറത്തിറങ്ങിയത്. ​ഗാനത്തിന് വരികൾ ഒരുക്കിയിരിക്കുന്നത് ജാവേദ് അക്തറാണ്. സംഗീതം നിർവഹിച്ചിരിക്കുന്നത് പ്രീതവും. സോനു നിഗമിന്റെ വളരെ മനോഹരമായ ആലാപനം ഈ ഗാനത്തെ പ്രേക്ഷകരുടെ പ്രിയപ്പെട്ടതാക്കിയിട്ടുണ്ട്. ​ഗാനം ഇതിനോടകം ആളുകൾ ഏറ്റെടുത്തിട്ടുണ്ട്.വലിയൊരു ഇടവേളയ്ക്കു ശേഷമാണു ഷാരുഖിന് വേണ്ടി സോനു നിഗം ഒരു ഗാനം ആലപിക്കുന്നത്. ഇതുവരെയുള്ള രണ്ട് പേരുടെയും കൂട്ടുകെട്ടുകൾ സമ്മാനിച്ച ഹിറ്റ്‌ ചാർട്ടിലേക്കു ഇടം പിടിക്കാൻ ഡങ്കിയിലെ ഈ മെലഡിക്കും അധികസമയം വേണ്ടി വരില്ല എന്നുറപ്പാണ്. ലണ്ടനിൽ പോകാൻ ആഗ്രഹിക്കുന്ന നാല് സുഹൃത്തുക്കളുടെ കഥയാണ് ചിത്രം പറയുന്നത്. വിദേശത്ത് എത്താനുള്ള അവരുടെ അന്വേഷണമാണ് രാജ്കുമാർ ഹിരാനി ഡങ്കിയിലൂടെ പറയുന്നത്. യഥാർത്ഥ ജീവിതാനുഭവങ്ങളിൽ നിന്ന് ഉൾകൊണ്ട കഥയാണ് ഡങ്കിയുടേത് എന്നാണ് റിപ്പോർട്ടുകൾ.  ഷാരുഖ് ഖാനൊപ്പം തപ്‌സി പന്നു, വിക്കി കൗശൽ, വിക്രം കൊച്ചാർ, അനിൽ ഗ്രോവർ തുടങ്ങിയ നടീനടന്മാരും ചിത്രത്തിൽ മറ്റ് പ്രഥാന വേഷങ്ങളിൽ എത്തുന്നുണ്ട്. റെഡ് ചില്ലീസ് എന്റർടെയ്ൻമെന്റിൻറെ ബാനറിൽ രാജ്കുമാർ ഹിരാനി ഫിലിംസും ജിയോ സ്റ്റുഡിയോയും ചേർന്ന് ആണ് ചിത്രം നിർമ്മിക്കുന്നത്. ഡങ്കി ക്രിസ്മസ്സിന് തിയേറ്ററുകളിൽ പ്രദർശനത്തിന് എത്തും . പപ്പറ്റ് മീഡിയ ആണ് ചിത്രത്തിന്റെ കേരള പ്രൊമോഷൻ കെെകാര്യം ചെയ്യുന്നത്.

 

Sreekumar

Recent Posts

ജാസ്മിന് കപ്പ് കിട്ടാതിരുന്നത് നന്നായി; ജിന്റോ ജയിച്ചത് സിംപതികൊണ്ടല്ല ; ശോഭ

ബിഗ്ഗ്‌ബോസ് മലയാളം സീസൺ സിക്സിന്റെ കപ്പ് നേടിയത് ജിന്റോ ആണെങ്കിലും മറുവശത്ത് ജാസ്മിനായിരുന്നു വിജയം അർഹിച്ചതെന്ന വാദം ഉയർത്തുന്നവരുണ്ട്. ജാസ്മിന്…

1 hour ago

തന്റെ ഓഫീസിൽ ഇന്നും ഫ്രെയിം ചെയ്യ്തു വെച്ചിരിക്കുന്ന ആ  ഒരു നടന്റെ ഓട്ടോഗ്രാഫ് ആണ്; വെളിപ്പെടുത്തലുമായി വിജയ് സേതുപതി

നിരവധി തമിഴ് ഹിറ്റ് ചിത്രങ്ങൾ അനായാസം അഭിനയിച്ചു പ്രതിഫലിപ്പിച്ച നടനാണ് വിജയ് സേതുപതി, ഇപ്പോൾ താരത്തിന്റെ പുതിയ ചിത്രമായ 'മഹാരാജ'യുടെ …

2 hours ago

പ്രണവിന്റെ നായികആയതിൽ സന്തോഷം എന്നാൽ പൂരത്തെറി ലഭിച്ചു, ദർശന രാജേന്ദ്രൻ

വെത്യസ്ത കഥാപാത്രങ്ങളിലൂടെ മലയാള സിനിമയിൽ കടന്നുവന്ന നടിയാണ് ദർശന രാജേന്ദ്രൻ, തന്റെ കഥാപാത്രങ്ങൾ എല്ലാം തന്നെ ഇഷ്ടപ്പെടുന്നത് പലപ്പോഴും പ്രേക്ഷകർ…

4 hours ago

തിലകൻ ചേട്ടൻ മരിച്ചതുകൊണ്ടാകാം ഇന്നും ആ വിഷയം ചർച്ച ആകുന്നത്! ഇനിയും ഞാൻ മരിച്ചാലും ഇത് തന്നെ സംഭവിക്കാ൦; വിനയൻ

12  വർഷകാലം സിനിമയിൽ നിന്നും വിലക്ക് ഏർപ്പെടുത്തിയ സംവിധായകനായിരുന്നു വിനയൻ, എന്നാൽ എല്ലാത്തിനും ഒടുവിൽ അദ്ദേഹത്തിന് തന്നെ ആയിരുന്നു വിജയം.…

5 hours ago

ചേട്ടൻ ഇനിയും ഒരു പുതിയ സിനിമ ചെയ്യുന്നുണ്ട് അതിലും ക്രിഞ്ചും, ക്ലിഷോയും ഉണ്ടങ്കിൽ വെറുതെ വിടരുത്; ധ്യാൻ ശ്രീനിവാസൻ

ധ്യാൻ ശ്രീനിവാസൻ, പ്രണവ് മോഹൻലാൽ എന്നിവരെ പ്രധാന കഥാപാത്രങ്ങളായി വിനീത് ശ്രീനിവാസൻ സംവിധാനം ചെയ്യ്ത പുതിയ ചിത്രമായിരുന്നു വർഷങ്ങൾക്ക് ശേഷം,…

6 hours ago

22-ാം വിവാഹ വാര്‍ഷികത്തില്‍ പ്രിയതമയുടെ ഓര്‍മ്മകളുമായി ബിജിബാല്‍!!

മലയാളത്തിന്റെ പ്രിയ സംഗീത സംവിധായകനാണ് ബിജിബാല്‍. മലയാളിയുടെ പ്രിയ ഗാനങ്ങളില്‍ എപ്പോഴും ഇടംപിടിച്ചിട്ടുണ്ടാവും ബിജിപാലിന്റെ പാട്ട്. സോഷ്യലിടത്ത് സജീവമായ താരം…

18 hours ago