ആ സംഭവത്തിന് ശേഷമാണ് മോഹൻലാൽ വിഗ്ഗ് വെക്കാൻ തുടങ്ങിയത്, ശാന്തിവിള ദിനേശ്

പലപ്പോഴും താരങ്ങളെ കുറിച്ച് വിവാദപരമായ പ്രസ്താവനകൾ നടത്തി സോഷ്യൽ മീഡിയയിൽ ആരാധകരുടെ ശ്രദ്ധ നേടാറുള്ള സംവിധായകനാണ് ശാന്തിവിള ദിനേശ്. പല പ്രമുഖ താരങ്ങളെയും പേര് എടുത്ത് പറഞ്ഞു പരസ്യമായി വിമർശിച്ച് തന്നെ ശാന്തിവിള ദിനേശ് എത്താറുണ്ട്.  തന്റെ യൂട്യൂബ് ചാനലിൽ കൂടിയാണ് ഇദ്ദേഹം ഇത്തരത്തിൽ വിമർശന വിഡിയോകൾ പങ്കുവെക്കാറുള്ളതും. എന്നാൽ പലപ്പോഴും ഇദ്ദേഹം പറയുന്ന പല കാര്യങ്ങളും വളരെ പെട്ടന്ന് തന്നെ വിവാദം ആകാറുമുണ്ട്. മോഹൻലാൽ, മമ്മൂട്ടി ഉൾപ്പെടെ ഉള്ള സൂപ്പർസ്റ്റാറുകളെ വരെ വിമർശിക്കാൻ മടിയില്ലാത്ത ഇദ്ദേഹം എന്നാൽ പലപ്പോഴും ദിലീപിനെ പിന്തുണച്ച് ശാന്തിവിള ദിനേശ് സംസാരിക്കുന്നതും സോഷ്യൽ മീഡിയയുടെ ശ്രദ്ധ നേടിയിട്ടുണ്ട്.

ഇപ്പോഴിതാ അദ്ദേഹം മോഹൻലാലിനെ കുറിച്ച് പറഞ്ഞ ഒരു വിഡിയോയിൽ ഒരു സമയത്ത് മോഹൻലാൽ മലയാള സിനിമയിൽ പരാജയം നേരിട്ടതിനെ കുറിച്ചും പറയുന്നുണ്ട്. അദ്ദേഹത്തിന്റെ വാക്കുകൾ ഇങ്ങനെ, ഇന്ന് മലയാള സിനിമയിലെ രണ്ടു സൂപ്പർ താരങ്ങളിൽ ഒരാൾ ആണ് മോഹൻലാൽ. എന്നാൽ മോഹനലാൽ തന്റെ കരിയറിൽ പരാജയം നേരിടുകയും അദ്ദേഹത്തിന്റെ ഗ്രാഫ് താഴെ പോകുകയും ചെയ്ത ഒരു സമയം ഉണ്ടായിരുന്നു. അദ്ദേഹം കാലാപാനി സിനിമയിൽ അഭിനയിച്ച് കൊണ്ടിരിക്കുന്ന സമയത്ത് ആണ് അദ്ദേഹത്തിന് കരിയറിൽ വീഴ്ച വന്നത്. കാലാപാനിക്ക് പിന്നാലെ വന്ന ദി പ്രിൻസും ശ്രദ്ധിക്കപ്പെടാതെ പോയതോടെ മോഹൻലാലിന്റെ കാലം കഴിഞ്ഞു എന്ന് പലരും പറഞ്ഞു.

ആ സമയത്ത് അദ്ദേഹത്തിന്റെ മുടിയും ശബ്‌ദവും ആയിരുന്നു അദ്ദേഹത്തിന് പ്രശ്നമായി വന്നത്. അതോടെയാണ് മോഹൻലാൽ വിഗ്ഗ് വെക്കുന്നത്. അതിനു ശേഷം മോഹൻലാൽ വർണ്ണപകിട്ടിലും ഗുരുവിലും അഭിനയിച്ചെങ്കിലും അതും ശ്രദ്ധിക്കപ്പെട്ടില്ല. എന്നാൽ അയാൾ കഥ എഴുതുകയാണ്, കന്മദം, സമ്മർ ഇൻ ബത്‌ലഹേം തുടങ്ങിയ സിനിമകൾ മോഹൻലാലിന്റെ കരിയർ ഗ്രാഫ് ഉയർത്തുകയും വീണ്ടും ശക്തമായ തിരിച്ച് വരവിന് മോഹൻലാലിനെ സഹായിക്കുകയും ചെയ്ത ചിത്രങ്ങൾ ആണ്. പിന്നീട് മോഹൻലാൽ വീണ്ടും സൂപ്പർസ്റ്റാർ ലെവലിലേക്ക് ഉയരുന്നതാണു കണ്ടത് എന്നുമാണ് ശാന്തിവിള ദിനേശ് പറഞ്ഞത്.