ഷാരുഖിനെ വിവാഹം കഴിക്കാഞ്ഞതിന് കാരണം തുറന്ന് പറഞ്ഞ് കജോള്‍

ബോളിവുഡിലെ വിലപിടിപ്പുള്ള താരങ്ങളാണ് ഷാരുഖ് ഖാനും കജോളും. നിറയെ സിനിമകളില്‍ നായികാനായകന്മാരായി അഭിനയിച്ച ഇരുവരും അടുത്ത സുഹൃത്തുക്കള്‍ കൂടിയാണ്. ഇവര്‍ ഒരുമിച്ച കുച്ച് കുച്ച് ഹോതാ ഹേ ഇപ്പോഴും സൂപ്പര്‍ ഹിറ്റ് തന്നെയാണ്. മാത്രമല്ല ദില്‍വാലേ ദുല്‍ഹനിയ ലേ ജായേംഗയിലൂടെ ഇന്ത്യന്‍ സിനിമയിലെ ഐക്കോണിക് ജോഡിയായി മാറുകയായിരുന്നു. ഇന്നും സ്‌ക്രീനിലെ ഏതൊരു ജോഡിയും വിലയിരുത്തപ്പെടുന്നത് ഷാരൂഖിനേയും കജോളിനേയും താരതമ്യം ചെയ്താണ്.

സിനിമാ മേഖലയില്‍ തന്റെ ഏറ്റവും അടുത്ത സുഹൃത്താണ് ഷാരൂഖ് ഖാന്‍ ആണെന്ന് പലവട്ടം കാജോള്‍ വ്യക്തമാക്കിയിട്ടുണ്ട്. സമാനമായ രീതിയില്‍ കാജോളുമായിട്ടുള്ള സൗഹൃദത്തെക്കുറിച്ച് ഷാരൂഖും തുറന്ന് പറഞ്ഞിട്ടുണ്ട്. ഇപ്പോഴിതാസോഷ്യല്‍ മീഡിയയില്‍ ആരാധകരുടെ ചോദ്യങ്ങള്‍ക്ക് ആസ്‌ക്ക് മി എനിത്തിംഗ് സെഷനിലൂടെ കജോള്‍ മറുപടി നല്‍കിയിരിക്കുകയാണ്.ഷാരൂഖ് ഖാനെക്കുറിച്ചായിരുന്നു പലര്‍ക്കും ചോദിക്കാനുണ്ടായിരുന്നത്. രസകരമായ ഒരുപാട് ചോദ്യങ്ങള്‍ ആരാധകര്‍ക്ക് ചോദിക്കാനുണ്ട്.
അതില്‍ ചിലര്‍ ചോദിച്ചത് അജയ് ദേവ്ഗണിനെ കണ്ടുമുട്ടിയില്ലായിരുന്നുവെങ്കില്‍ നിങ്ങള്‍ ഷാരൂഖ് ഖാനെ വിവാഹം കഴിക്കുമായിരുന്നുവോ എന്നായിരുന്നു. ഇതിന് കാജോള്‍ നല്‍കിയ മറുപടി, പ്രെപ്പോസ് ചെയ്യേണ്ടത് പുരുഷന്‍ ആണെന്നല്ലേ എന്നായിരുന്നു. സഹ നടന്‍ എന്ന നിലയില്‍ ഷാരൂഖിനേയും അജയ് ദേവ്ഗണിനേയും തിരഞ്ഞെടുക്കാനായിരുന്നു മറ്റൊരാള്‍ക്ക് ചോദിക്കാനുണ്ടായിരുന്നത്. സാഹചര്യം അനുസരിച്ചിരിക്കും എന്നായിരുന്നു ഇതിന് കാജോള്‍ നല്‍കിയ ഉത്തരം.
ഷാരൂഖുമായുള്ള തന്റെ സൗഹൃദത്തെക്കുറിച്ച് പറയാന്‍ പറഞ്ഞപ്പോല്‍ ജീവിതകാലത്തേക്കുള്ള സുഹൃത്ത് എന്നായിരുന്നു കാജോള്‍ നല്‍കിയ മറുപടി. ഷാരൂഖ് ഖാനെ ഒരു വാക്കില്‍ വിശേഷിപ്പിക്കാന്‍ സാധിക്കുമോ എന്ന ചോദ്യത്തിന് കജോള്‍ നല്‍കിയ മറുപടി ഐക്കോണിക് എന്നായിരുന്നു.