തെന്നിന്ത്യന്‍ നായികാ ഷീല കൗര്‍ വിവാഹിതയായി

പ്രശസ്ത തെന്നിന്ത്യന്‍ നായിക ഷീല കൗർ വിവാഹിതയായി. കഴിഞ്ഞ ബുധനാഴ്ച്ച ആയിരുന്നു വിവാഹം. വളരെ ചുരുങ്ങിയ രീതിയിലാണ് വിവാഹം നടന്നത്, വളരെ അടുത്ത സുഹൃത്തുക്കളും ബന്ധുക്കളും മാത്രമേ വിവാഹത്തിൽ പങ്കെടുത്തുള്ളൂ. വിവാഹ ശേഷം നടി തന്നെയാണ് സമൂഹ മാധ്യമത്തിലൂടെ ഈ കാര്യം അറിയിച്ചത്. ഞങ്ങളുടെ ഏറ്റവും പ്രധാനപ്പെട്ട ദിവസമായിരുന്നു. ഒരിക്കലും താരതമ്യം ചെയ്യാന്‍ പറ്റാത്ത സമയം. സന്തോഷം ഹൃദയത്തിന്റെ ആഴത്തില്‍ വരെ എത്തി. ഞങ്ങള്‍ തമ്മിലുള്ള പുതിയൊരു ദിവസം പുതിയൊരു ജീവിതവുമാണ്. എന്ന് നടി ഫോട്ടോയ്ക്ക് ക്യാപ്ഷനായി കുറിച്ചു.

1996 ൽ ബാല നടിയായിട്ടാണ് താരം ആദ്യമായ് വെള്ളിത്തിരയിൽ എത്തുന്നത്. പിന്നീട് അല്ലു അര്‍ജുന്‍ നായകനായിട്ടെത്തിയ പരഗു എന്ന ചിത്രത്തില്‍ നായികയായിട്ടെത്തിയതോടെയാണ് ഷീല തെന്നിന്ത്യയില്‍ വലുതായി  ശ്രദ്ധിക്കപ്പെടുന്നത്.ഈ ചിത്രം മലയാളത്തില്‍ കൃഷ്ണ എന്ന പേരില്‍ മൊഴി മാറ്റി എത്തിയിരുന്നു.

മായാബസാർ, മേക്കപ്പ് മാൻ , താന്തോന്നി എന്നി മലയാളം ചിത്രങ്ങളിലും താരം അഭിനയിച്ചിരുന്നു. 2011 ൽ ആണ് താരം ആദ്യമായി മലയാള സിനിമയിൽ അഭിനയിക്കുന്നത്. പിന്നീട് 2018 ല്‍ ഹൈപ്പര്‍ എന്ന ചിത്രത്തില്‍ നടി അഭിനയിച്ചിരുന്നു.