‘ജീവിതത്തിലെ മൂന്നാമത്തെ നായിക, മൂന്നാമത്തെ റിലേഷൻഷിപ്പും വിവാഹവും’; തുറന്ന് പറഞ്ഞ് ഷൈൻ ടോം

മികച്ച കഥാപാത്രങ്ങളിലൂടെ ഇതിനകം പ്രേക്ഷക പ്രീതി നേടിക്കഴിഞ്ഞ യുവതാരമാണ് ഷൈൻ ടോം ചാക്കോ. മലയാളത്തിന് പുറമെ തമിഴിലും അഭിനയിക്കാൻ അദ്ദേഹത്തിന് സാധിച്ചിരുന്നു. ഇപ്പോളിതാ രണ്ടാം വിവാഹത്തിനൊരുങ്ങുകയാണ് ഷൈൻ. തന്റേത് ഇത് മൂന്നാമത്തെ റിലേഷൻഷിപ്പാണ് എന്നാണ് നടൻ പറയുന്നത്.

‘എന്റെ ജീവിതത്തിലേക്ക് ഒരു നായിക മാത്രമല്ല മൂന്ന് പേരായി. ആദ്യം വിവാഹം കഴിച്ചിരുന്നു. ഇത് രണ്ടാമത്തെ വിവാഹമാണ്. ഇതിനിടയിൽ മറ്റൊരു റിലേഷൻഷിപ്പ് കൂടി ഉണ്ടായിരുന്നു. ഇത് ചെറിയ പ്രായം മുതലുള്ള പ്രക്രിയയാണ്. സ്‌കൂളിൽ പഠിക്കുമ്പോൾ പെൺകുട്ടികളെ തിരിച്ചറിയാൻ തുടങ്ങിയ കാലം മുതലേ നമുക്കും ഇത്തരം അട്രാക്ഷനൊക്കെ ഉണ്ടാവും. അതൊരു പ്രായമാവുമ്പോൾ പ്രണയമാവും. പിന്നെ കല്യാണത്തിലേക്കും എത്തും‘ – ഷൈൻ പറഞ്ഞു.

‘ഇപ്പോഴത്തെ റിലേഷൻ ഞങ്ങൾ കണ്ടു, പരിചയപ്പെട്ടു, ഇഷ്ടമായി. ഇപ്പോൾ വിവാഹത്തിലേക്കും എത്തിയിരിക്കുകയാണ്. പ്രണയവിവാഹമാണോന്ന് ചോദിച്ചാൽ അറിയില്ല. കാരണം നമ്മൾ കണ്ട് ഇഷ്ടപ്പെട്ട് വിവാഹത്തിലേക്ക് എത്തിയതാണ്. നല്ല രീതിയിൽ മുന്നോട്ട് പോകാം. അങ്ങനെയല്ലാതെയിരിക്കാം. കാരണം വഴക്കും പ്രശ്‌നങ്ങളും ഇല്ലാത്ത ഒരു പരിപാടി ലോകത്ത് ഇല്ല. പ്രശ്‌നങ്ങളില്ലാത്ത ഒരു ജീവിതവും ഉണ്ടാവില്ല. കാരണം മാതാപിതാക്കളും മക്കളും തമ്മിലൊക്കെ പ്രശ്‌നങ്ങൾ ഉണ്ടാവാറില്ലേ?’, ഷൈൻ ചോദിച്ചു.