ടെലിവിഷൻ പ്രേക്ഷകരുടെ പ്രിയപ്പെട്ട താരങ്ങളാണ് സ്‌നേഹയും ശ്രീകുമാറും. തങ്ങളുടെ ആദ്യത്തെ കൺമണിയെ വരവേൽക്കാനുള്ള തയ്യാറെടുപ്പിലായിരുന്നു താരങ്ങൾ. ഇപ്പോഴിതാ കാത്തിരിപ്പുകൾക്ക് വിരാമിട്ട് ഇരുവർക്കും ആൺകുട്ടി ജനിച്ചിരിക്കുകയാണ്. ഇന്നലെ വൈകീട്ടാണ് കുഞ്ഞ് ജനിച്ചത്. നിരവധി താരങ്ങളാണ് ഇവരുവർക്കും ആശംസകളറിയിച്ചെത്തിയത്.
കുഞ്ഞിന്റെ ചിത്രങ്ങൾ ഇരുവരും പങ്കുവച്ചിട്ടില്ല. ഏറെ നാളത്തെ കാത്തിരിപ്പിന് ശേഷമാണ് സ്‌നേഹയക്കും ശ്രീകുമാറിനും കുഞ്ഞ് ജനിച്ചത്.തന്റെ ഗർഭകാല വിശേഷങ്ങളെല്ലാം സ്‌നേഹ സമൂഹ മാധ്യമത്തിലൂടെ ആരാധകരുമായി പങ്കിട്ടിരുന്നു. അതേ സമയം സ്‌നേഹയുടെയും ശ്രീകുമാറിന്റെയും പുത്തൻ വിഡിയോ സമൂഹ മാധ്യമങ്ങളിൽ വൈറലായിരുന്നു. നിറവയറിലുള്ള ഒരു മ്യൂസിക്കൽ വിഡിയോ ആണ് ഇരുവരും ആരാധകരുമായി പങ്കുവച്ചത്.
പൊന്നൂഞ്ഞാലി’ എന്ന ഗാനത്തിന്റെ ദൃശ്യവിഷ്‌കാരമാണ് ഇത്തവണ ഇരുവരും പ്രേക്ഷകർക്കായി സമ്മാനിച്ചത്. സ്‌നേഹത്തോടെ കുഞ്ഞിനെ കാത്തിരിക്കുന്ന അച്ഛന്റെയും അമ്മയുടെയും സന്തോഷമാണ് വിഡിയോയിൽ കാണിക്കുന്നത്. ഭാര്യയെ സ്‌നേഹത്തോടെ താലോലിക്കുന്ന ശ്രീകുമാറും സ്‌നേഹയുടെ നൃത്തച്ചുവടുകളുമെല്ലാം വീഡിയോയിൽ കണാം.2019 ഡിസംബറിൽ തൃപ്പൂണിത്തുറ ശ്രീപൂർണ്ണത്രയീശ ക്ഷേത്രത്തിൽ വെച്ചായിരുന്നു സ്‌നേഹയുടെയും ശ്രീകുമാറിന്റെ വിവാഹം നടന്നത്‌. മറിമായത്തിൽ മണ്ഡോദരി എന്ന കഥാപാത്രമായി സ്‌നേഹയും ലോലിതനായി ശ്രീകുമാറും വേഷമിടുന്നുണ്ട്‌.