ആവോളം സ്നേഹം നിറച്ച് മമ്മൂക്ക; കുഞ്ഞ് കേദാറിനെ കളിപ്പിച്ചും കൊഞ്ചിച്ചും ​മെ​ഗാ സ്റ്റാർ, വീഡിയോ വൈറൽ

തുടർ വിജയങ്ങളും വിസ്മിയിപ്പിക്കുന്ന അഭിനയ പ്രകടനങ്ങളുമായും ആരാധകർക്ക് ആവേശം പകരുകയാണ് മലയാളത്തിന്റെ മഹാനടൻ മമ്മൂട്ടി. താരത്തിന്റെ ഒരു ചെറിയ കാര്യങ്ങൾ പോലും സാമൂഹ്യ മാധ്യമങ്ങളിൽ വൈറലായി മാറാറുണ്ട്. അത്തരത്തിൽ മമ്മൂട്ടിയുടെ ഒരു വീഡിയോ ആണ് ഇപ്പോൾ ശ്രദ്ധനേടുന്നത്. നടൻ ശ്രീകുമാറിന്റെയും സ്നേഹയുടെയും മകനായ കേദാറിന് ഒപ്പമാണ് മമ്മൂട്ടി ഉള്ളത്. ടർബോ എന്ന ചിത്രത്തിന്റെ ലൊക്കേഷനിൽ നിന്നുള്ളതാണ് വീഡിയോ.

മമ്മൂട്ടിയെ കാണാനായാണ് കുഞ്ഞുമായി സ്നേഹയും ശ്രീകുമാറും എത്തിയത്. കേദാറിനോട് കുശലം പറയുകയും ശ്രീകുമാറിനോടും സ്നേഹയോടും തമാശകൾ പറഞ്ഞ് ചിരിക്കുന്ന മമ്മൂട്ടിയെയാണ് വീഡിയോയിൽ കാണാൻ സാധിക്കുന്നത്. “സ്നേഹവും വാത്സല്യവും നിറഞ്ഞ നിമിഷങ്ങൾ…കേദാർ മമ്മൂക്കായെ കാണാൻ പോയപ്പോൾ”, എന്നാണ് വീഡിയോ പങ്കുവച്ച് സ്നേഹ കുറിച്ചത്. കണ്ണൂർ സ്ക്വാഡ് എന്ന ചിത്രത്തിൽ മമ്മൂട്ടിക്കൊപ്പം ശ്രീകുമാറും ഒരു കഥാപാത്രത്തെ അവതരിപ്പിച്ചിരുന്നു.

വൈശാഖ് സംവിധാനം ചെയ്യുന്ന സിനിമയാണ് ടർബോ. നൂറ് ദിവസം ഷൂട്ടിങ്ങുള്ള ചിത്രത്തിന്റെ തിരക്കഥ മിഥുൻ മാനുവൽ തോമസിന്റേതാണ്. മമ്മൂട്ടി കമ്പനി ആണ് നിർമ്മാണം. ഭ്രമയു​ഗം ആണ് റിലീസിന് ഒരുങ്ങുന്ന പുതിയ ചിത്രം. ജനുവരിയിൽ ചിത്രം തിയറ്ററിൽ എത്തുമെന്നാണ് വിവരം. നെ​ഗറ്റീവ് ഷേഡുള്ള കഥാപാത്രത്തെ ആണ് ഭ്രമയു​ഗത്തിൽ മമ്മൂട്ടി അവതരിപ്പിക്കുക. ബസൂക്ക എന്നൊരു ചിത്രവും മമ്മൂട്ടിയുടേതായി അണിയറയിൽ ഒരുങ്ങുന്നുണ്ട്. ഇപ്പോൾ കാതൽ സിനിമയുടെ വിജയത്തിന്റെ ആഘോഷത്തിലാണ് മമ്മൂട്ടി.