കുറച്ച് ഉണ്ണിയപ്പവുമായി ആ നടനെ കാണാന്‍ പോയി, തുറന്ന് പറഞ്ഞ് ശ്രീവിദ്യ

സ്റ്റാര്‍ മാജിക് എന്ന പരിപാടിയിലൂടെ പ്രേക്ഷകരുടെ പ്രിയങ്കരിയായി മാറിയ താരമാണ് ശ്രീവിദ്യമുല്ലച്ചേരി. ശ്രീവിദ്യയുടെ നിഷ്‌കളങ്കമായ സംസാരവും തമാശകളുമൊക്കെ ആരാധകര്‍ക്ക് ഏറെ ഇഷ്ടമാണ്. ഇപ്പോഴിതാ തന്റെ ഇഷ്ടനടനെ കുറിച്ച് തുറന്ന് പറയുകയാണ് ശ്രീവിദ്യ.

ശ്രീവിദ്യയുടെ വാക്കുകള്‍,

മമ്മൂക്കയ്ക്കൊപ്പം കുട്ടനാടന്‍ ബ്ലോഗ് എന്ന സിനിമയില്‍ ഞാന്‍ അഭിനയിച്ചിട്ടുണ്ട്. പത്ത് പതിനഞ്ച് ദിവസം മാത്രം ആയിരുന്നു ചിത്രീകരണം. അന്ന് അദ്ദേഹത്തെ കാണാനും സംസാരിക്കാനും സാധിച്ചിരുന്നു. ശേഷമാണ് ഉണ്ടയുടെ ചിത്രീകരണവുമായി ബന്ധപ്പെട്ട് അദ്ദേഹം കാസര്‍ഗോഡ് എത്തിയത്. അദ്ദേഹം നമ്മുടെ നാട്ടില്‍ വരുമ്പോള്‍ ഞാന്‍ എന്തായാലും പോയി കാണണമെല്ലോ.

അങ്ങനെയാണ് ജോര്‍ജേട്ടനോട് സംസാരിച്ച് കുറച്ച് ഉണ്ണിയപ്പവുമായി ഞാന്‍ അദ്ദേഹത്തെ കാണാന്‍ ഉണ്ടയുടെ സെറ്റില്‍ പോയത്. ഉണ്ണിയപ്പം കഴിച്ച് നല്ല അഭിപ്രായമൊക്കെ പറഞ്ഞിരുന്നു. ഞാന്‍ ഏറ്റവും കൂടുതല്‍ ആരാധിക്കുന്ന നടനാണ് മമ്മൂട്ടി. കാട്ടിനുള്ളിലായിരുന്നു ചിത്രീകരണം. അതുകൊണ്ട് അധികനേരം അവിടെ നില്‍ക്കാന്‍ അദ്ദേഹം സമ്മതിച്ചില്ല. ഒരു ഫോട്ടോയൊക്കെ എടുത്ത ശേഷം ഞങ്ങള്‍ മടങ്ങി .പേരന്‍പിന്റെ ലോഞ്ച് സമയത്ത് മുംബൈയില്‍ നിന്നും വണ്ടി കയറി ഇതിനായി മാത്ര ചെന്നൈയില്‍ സുഹൃത്തിനൊപ്പം ഞാന്‍ വന്നിട്ടുണ്ട്. ആള്‍ക്കൂട്ടത്തില്‍ നിന്ന് മമ്മൂക്കയേയും പരിപാടിയും കണ്ട് ആസ്വദിച്ച് മടങ്ങുകയായിരുന്നു.മമ്മൂക്ക എന്നാല്‍ ഒരുതരം ഭ്രാന്താണ്. അംഗത്വം എടുത്തിട്ടില്ലെങ്കിലും മമ്മൂട്ടി ഫാന്‍സ് അസോസിയേഷന്‍ പ്രവൃത്തികളില്‍ മുന്‍ പന്തിയില്‍ ഞാനുണ്ടാകാറുണ്ട്. ആരൊക്കെ വന്നാലും മമ്മൂട്ടിക്ക് ഒപ്പം സിനിമ ചെയ്യുക എന്നതിലാണ് സന്തോഷം.