‘വിചിത്രവും മാന്ത്രികവുമായ കഥപറച്ചിൽ’ നൻപകൽ നേരത്ത് മയക്കത്തെ കുറിച്ച് ദുൽഖർ പറയുന്നു!!

കഴിഞ്ഞ ദിവസമാണ് ലിജോ ജോസ് പെല്ലിശ്ശേരി മമ്മൂട്ടി ചിത്രം നൻപകൽ നേരത്ത് മയക്കം തിയറ്ററുകളിൽ എത്തിയത്. നൻപകൽ നേരത്ത് മയക്കം എന്ന സിനിമയിലെ മമ്മൂട്ടിയുടെ മാസ്മരിക പ്രകടനത്തെ അഭിനന്ദിച്ച് കൊണ്ട് നിരവധി പേരാണ്. ഇപ്പോഴിതാ ചിത്രത്തെ കുറിച്ച് ദുൽഖർ സൽമാൻ കുറിച്ച എഫ്ബി പോസ്റ്റ് ശ്രദ്ധനേടുകയാണ്.

‘വിചിത്രവും മാന്ത്രികവുമായ കഥപറച്ചിലും ഒപ്പം ഹൃദയസ്പർശിയായ പ്രകടനങ്ങളുമായി നൻപകൽ നേരത്ത് മയക്കം തിയേറ്ററുകളിൽ. ചിത്രത്തിനെ കുറിച്ച് ഏറ്റവും മനോഹരമായ റിവ്യുകൾ കേൾക്കുന്നു. നിങ്ങളുടെ കുടുംബത്തോടൊപ്പം ചിത്രം കാണുക, നിങ്ങളുടെ ചിന്തകൾ പങ്കിടുക’ ദുൽഖർ കുറിച്ചത് ഇങ്ങനെയാണ്. തുടർന്ന് നിരവധി പേർ ചിത്രത്തെ പ്രശംസിച്ച് കൊണ്ട് കമന്റുകൾ രേഖപ്പെടുത്തിയിട്ടുണ്ട്. ലിജോ ജോസ് പെല്ലിശ്ശേരിയുടെ കഥയ്ക്ക് തിരക്കഥയും സംഭാഷണവും ഒരുക്കിയത് എസ് ഹരീഷ് ആണ്.

സിനിമയിൽ രമ്യ പാണ്ഡ്യൻ, അശോകൻ, കൈനകരി തങ്കരാജ്, ചേതൻ ജയലാൽ, സുരേഷ് ബാബു, അശ്വന്ത് അശോക് കുമാർ, രാജേഷ് ശർമ്മ, കൂടാതെ അന്തരിച്ച തമിഴ് താരം പൂ രാമു തുടങ്ങിയവരാണ് മറ്റ് കഥാപാത്രങ്ങൾ.മമ്മൂട്ടി കമ്പനിയുടെ പേരിൽ മമ്മൂട്ടി ആദ്യമായി നിർമ്മിച്ച ചിത്രമാണ് നൻപകൽ നേരത്ത് മയക്കം. ചിത്രം തിയറ്ററുകളിൽ എത്തിച്ചത്.ദുൽഖർ സൽമാന്റെ വേഫെറെർ ഫിലിംസ് ആണ്