ജീവിതത്തെ മാറ്റിമറിച്ച കഥാപാത്രം!! 100 വീല്‍ചെയറുകള്‍ കൈമാറി ഉണ്ണി മുകുന്ദന്‍

പ്രഖ്യാപന സമയം മുതല്‍ വാര്‍ത്തകളില്‍ നിറഞ്ഞുനിന്ന ചിത്രമാണ് ഉണ്ണി മുകുന്ദന്റെ ജയ് ഗണേഷ്. നീണ്ട ഇടവേളയ്ക്ക് ശേഷം മലയാളത്തിന്റെ പ്രിയ താരം ജോമോള്‍ തിരിച്ചെത്തുന്ന ചിത്രം കൂടിയാണ്. മഹിമ നമ്പ്യാരാണ് ചിത്രത്തില്‍ ഉണ്ണി മുകുന്ദന്റെ നായികയാവുന്നത്. ഇപ്പോഴിതാ റിലീസിനൊരുങ്ങിയിരിക്കുന്ന ചിത്രത്തിന്റെ പുതിയ അപ്‌ഡേറ്റ് എത്തിയിരിക്കുകയാണ്. ഏപ്രില്‍ 11നാണ് ജയ് ഗണേഷ് തിയ്യേറ്ററിലെത്തുന്നത്.

ജയ് ഗണേഷിന്റെ ഓഡിയോ ലോഞ്ചില്‍ ദിവ്യാംഗര്‍ക്കായി 100 വീല്‍ചെയറുകള്‍ കൈമാറിയിരിക്കുകയാണ് നടന്‍ ഉണ്ണി മുകുന്ദന്‍. ചിത്രത്തിലെ നായിക മഹിമ നമ്പ്യാരും ഉണ്ണി മുകുന്ദന്റെ അച്ഛനും ചടങ്ങിന്റെ ഭാഗമായി. ജയ് ഗണേഷില്‍ വീല്‍ച്ചെയറിലിരിക്കുന്ന കഥാപാത്രമാണ് ഉണ്ണിയുടേത്.

രഞ്ജിത്ത് ശങ്കര്‍ തിരക്കഥയെഴുതി സംവിധാനം ചെയ്യുന്നത്. ഉണ്ണി മുകുന്ദന്‍ ഫിലിംസും രഞ്ജിത്ത് ശങ്കറിന്റെ ഡ്രീംസ് എന്‍ ബിയോണ്ടും ചേര്‍ന്നാണ് ചിത്രം നിര്‍മ്മിക്കുന്നത്. ചിത്രത്തിന്റെ പോസ്റ്ററുകളെല്ലാം ശ്രദ്ധേയമായിരുന്നു.

ദിവസങ്ങള്‍ക്ക് മുന്‍പ് തിരുവനന്തപുരത്ത് വച്ച് നടന്ന ട്രെയിലര്‍ ലോഞ്ചില്‍ മുഖ്യാതിഥികളായി എത്തിയത് ദിവ്യാംഗരായിരുന്നു. തന്റെ ജീവിതത്തെ മാറ്റിമറിച്ച കഥാപാത്രമാണ് ചിത്രത്തിലുള്ളതെന്നും ഉണ്ണി പറയുന്നു.ജയ്ഗണേഷിന്റെ വിജയാഘോഷത്തിന്റെ വേദിയിലും ദിവ്യാംഗര്‍ ഉണ്ടാകുമെന്നും ഉണ്ണി പറഞ്ഞിട്ടുണ്ട്.