ഉണ്ണി മുകുന്ദന് നായകനായെത്തിയ മാളികപ്പുറം ചിത്രം കഴിഞ്ഞ വര്ഷത്തെ സൂപ്പര്ഹിറ്റ് ചിത്രമായിരുന്നു. അയ്യപ്പനായിട്ടാണ് ഉണ്ണി മുകുന്ദന് ചിത്രത്തിലെത്തിയത്. പിന്നാലെ താരത്തിന്റെ രാഷ്ട്രീയവും ചര്ച്ചയാകാറുണ്ട്. ഇപ്പോഴിതാ മാളികപ്പുറം ചിത്രവും നടന്റെ രാഷ്ട്രീയവും ചേര്ത്തുള്ള വിദ്വേഷ പോസ്റ്റിനോട് പ്രതികരിച്ചിരിക്കുകയാണ് ഉണ്ണി മുകുന്ദന്. മൂവി ഗ്രൂപ്പില് വന്ന പോസ്റ്റിനാണ് ഉണ്ണി മുകുന്ദന് മറുപടി നല്കിയിരിക്കുന്നത്.
മാളികപ്പുറം ഹിറ്റ് ആകാന് കാരണം ഭക്തി എന്ന ലെവലില് മാര്ക്കറ്റ് ചെയ്തതുകൊണ്ടാണ്. തന്റെ കരിയറിന്റെ വളര്ച്ചയ്ക്കു വേണ്ടി ചില രാഷ്ട്രീയപാര്ട്ടികളെ സുഖിപ്പിക്കാന് വേണ്ടിയാണ് ഉണ്ണി മുകുന്ദന് ‘മാളികപ്പുറം’ പോലെയുള്ള സിനിമകളില് അഭിനയിക്കുന്നത് എന്നാണ് മൂവി സ്ട്രീറ്റില് പങ്കുവച്ചൊരു കുറിപ്പില് പറയുന്നത്.
‘മല്ലു സിംഗ് അല്ലാതെ മലയാളത്തില് മറ്റൊരു ഹിറ്റ് ഇല്ലാതിരുന്ന, അഭിനയത്തിന്റെ കാര്യം പറയാന് ആണെങ്കില് ഒരു ആംഗ്രി യങ് മാന് ആറ്റിട്യൂട് മാത്രമുള്ള ഉണ്ണിമുകുന്ദന് തന്റെ കരിയര് ഗ്രോത് ഉണ്ടാക്കാന് കണ്ടുപിടിച്ച എളുപ്പ മാര്ഗം ആണ് ഹിന്ദുത്വ രാഷ്ട്രീയത്തെയും അതിന്റെ അണികളെയും സുഖിപ്പിക്കുക എന്നത്.
പതിയെ പതിയെ ഹിന്ദുത്വ രാഷ്ട്രീയത്തിന്റെ മലയാള സിനിമയുടെ മുഖമായി ഉണ്ണിമുകുന്ദന് മാറിക്കൊണ്ട് ഇരിക്കുകയാണ്. മാളികപ്പുറം ഒരു ബിലോ ആവറേജ് സീരിയല് ലെവല് പടം ആയിരുന്നിട്ടു കൂടി ഹിറ്റ് ആവാന് കാരണം ഭക്തി എന്ന ലൈനില് മാര്ക്കറ്റ് ചെയ്തത് കൊണ്ട് ആയിരുന്നു. അടുത്തത് ജയ് ഗണേഷ് ആണ്, ഒരു തീവ്രവാദ ആശയത്തെ കൂട്ട് പിടിച്ചു പടം ഹിറ്റ് അടിക്കുന്നതിലും കരിയര് ഗ്രോത് ഉണ്ടാക്കുന്നതിലും നല്ലത് കട്ടപ്പാരയും എടുത്തു കക്കാന് പോകുന്നതാണ്’, എന്നായിരുന്നു മഹേഷ് രാജന് മൂവി ഗ്രൂപ്പില് പങ്കുവച്ച കുറിപ്പ. അതിന് താരം മറുപടി കുറിച്ചത്, പോസ്റ്റിന്റെ സ്ക്രീന് ഷോട്ട് പങ്കിട്ടാണ് ഉണ്ണി മുകുന്ദന്റെ മറുപടി.
”നന്ദി മൂവി സ്ട്രീറ്റ്. മാളികപ്പുറം ഒരു അജണ്ട സിനിമയാണെന്ന് കരുതുന്നവര്ക്ക് ജയ് ഗണേഷ് ഒഴിവാക്കാം. മൂവി സ്ട്രീറ്റില് വന്ന പോസ്റ്റില് എന്നെ വര്ഗീയവാദി ആക്കുന്നതുപോലെ തന്നെ തീയറ്ററില് വന്നു സിനിമ കണ്ടവരെയും അത്തരത്തില് ചിത്രീകരിക്കുകയാണ് എന്ന് മനസിലാക്കുന്നു.
ഒരു കൂട്ടം ആളുകളുടെ രാഷ്ട്രീയവും പ്രത്യയശാസ്ത്രപരവുമായ ദാഹം ശമിപ്പിക്കാത്ത ഒരു സിനിമ ഞാന് ചെയ്തു എന്നതുകൊണ്ടു ഇത്തരം പൊതു ഇടങ്ങള് വിദ്വേഷം വളര്ത്താന് വേണ്ടി ഉപയോഗപെടുത്തുന്നു എന്നത് ഞെട്ടലുണ്ടാക്കുന്നു. എന്തായാലും ഇത്തരം വിദ്വേഷം വമിക്കുന്ന പോസ്റ്റുകള് പങ്കുവയ്ക്കാന് സമ്മതം കൊടുത്തതുകൊണ്ട് തന്നെ ഈ ഗ്രൂപ്പിനെ ഇനി ഒരു സിനിമാഗ്രൂപ്പായി കാന് സാധിക്കില്ല.
ഏപ്രില് 11 ആണ് ജയ്ഗണേഷിന്റെ റിലീസ് തീയതി. ഇതൊരു ഫാമിലി എന്റര്ടെയ്നറാണ്. ഈ സിനിമ നിങ്ങള് ആസ്വദിക്കുമെന്നുറപ്പുണ്ട്. അതുകൊണ്ട് എല്ലാവരും കുടുംബത്തോടൊപ്പം വന്ന് സിനിമ കാണണം.” എന്നാണ് മൂവി ഗ്രൂപ്പിലെ പോസ്റ്റിന്റെ സ്ക്രീന് ഷോട്ട് പങ്കുവച്ച് ഉണ്ണി മുകുന്ദന് കുറിച്ചത്.
ഉണ്ണി മുകുന്ദനെ നായകനാക്കി രഞ്ജിത്ത് ശങ്കര് സംവിധാനം ചെയ്യുന്ന ചിത്രമാണ് ജയ് ഗണേഷ്. ചിത്രം ഏപ്രില് 11നാണ് തിയറ്ററുകളിലെത്തുന്നത്. മഹിമ നമ്പ്യാര്, ഹരീഷ് പേരാടി, ജോമോള്, അശോകന്, നന്ദു എന്നിവരാണ് സിനിമയിലെ മറ്റു പ്രധാന കഥാപാത്രങ്ങളാവുന്നത്. വീല്ച്ചെയറിലിരിക്കുന്ന നായകന്റെ പോസ്റ്ററുകളാണ് പുറത്തുവന്നിരുന്നു.
കെ എസ് കാർത്തിക്ക് സംവിധാനം ചെയ്യുന്ന ഏറ്റവും പുതിയ ചിത്രം സാത്താൻ്റെ ആകാംക്ഷയുണര്ത്തുന്ന ട്രെയിലർ പുറത്തിറങ്ങി. റിയാസ് പത്താൻ, ഹാരിസ്…
വിജയ് ആരാധകര് ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ദ ഗ്രേറ്റസ്റ്റ് ഓഫ് ഓള് ടൈം, ദ ഗോട്ട് എന്ന ചിത്രം.…
ജാതിയും മതവും വേലിയാകുമ്പോള് മനുഷ്യത്വം കൊണ്ട് ഹൃദയം നിറയ്ക്കുന്നൊരു ചിത്രം സോഷ്യലിടം കീഴടക്കിയിരിക്കുകയാണ്. മന്ത്രി സ്ഥാനം ഒഴിയുന്ന കെ. രാധാകൃഷ്ണനെ…
യുകെയിലെ മലയാളിയായ കുഞ്ഞ് എയ്ഞ്ചലിന്റെ വിയോഗം പ്രവാസ ലോകത്തിന് തീരാനോവായിരിക്കുകയാണ്. ചങ്ങനാശ്ശേരി സ്വദേശികളായ തെക്കേടത്ത് ജോസഫ് തോമസി(ടിജോ)ന്റെയും അഞ്ജുവിന്റെയും മകള്…
അന്തരിച്ച നടന് കൊല്ലം സുധിയുടെ പ്രിയതമ രേണു സുധി ഇനി അഭിനയരംഗത്തേക്ക്. കരിയറില് ശ്രദ്ധേയനാകുന്നതിനിടെയാണ് വിധി അകാലത്തില് സുധിയെ കവര്ന്നത്.…
ഒരു കാരണവുമില്ലാതെ മിക്കപ്പോഴും സോഷ്യൽ മീഡിയയുടെ സൈബര് ആക്രമണങ്ങൾക്ക് ഇരയാകാറുള്ള വ്യക്തിയാണ് ഗായികയും സോഷ്യൽ മീഡിയ താരവും ഒക്കെയായ അഭിരാമി…