ഏത് തരം വേഷങ്ങളും തന്റെ കൈകളിൽ ഭദ്രമാണെന്ന് പല തവണ തെളിയിച്ച നടിയാണ് ഉർവശി. നായിക ആണെങ്കിലും, ‘അമ്മ വേഷം ആണെങ്കിലും ഹാസ്യ വേഷങ്ങൾ ആണെങ്കിലും വളരെ മനോഹരമായ രീതിയിൽ അഭിനയിച്ചു പ്രേക്ഷക ശ്രദ്ധ നേടിയെടുക്കാൻ കഴിവുള്ള നടികളിൽ ഒരാൾ. പലപ്പോഴും ഒരു നായക നടിക്ക് ഇത്ര അനായസമായി ഹാസ്യ വേഷങ്ങൾ കൈകാര്യം ചെയ്യാൻ കഴിയുമോ എന്ന് പ്രേക്ഷകർ പോലും അത്ഭുതപെട്ടിട്ടുണ്ട്. ബാലതാരമായി സിനിമയിലേക്ക് വന്ന താരം അഭിനയരംഗത്ത് പതിറ്റാണ്ടുകൾ പിന്നിടുകയാണ് ഇപ്പോൾ. ഇന്നും ഉർവശിയുടെ അഭിനയത്തിന് പകരം വെയ്ക്കാൻ മറ്റൊരു നടിക്കും കഴിയില്ല എന്നതാണ് സത്യം.
ഇന്നും അഭിനയ പ്രാധാന്യമുള്ള കഥാപാത്രങ്ങൾ തിരഞ്ഞെടുക്കുന്നതിൽ ഉർവശി പ്രത്യേകം ശ്രദ്ധിക്കാറുണ്ട്. അത്തരം കഥാപാത്രങ്ങൾ മാത്രമേ ഉർവശി തിരഞ്ഞെടുക്കാറുള്ളു എന്നതാണ് സത്യം. നിരവധി സിനിമകളിൽ ആണ് താരം ഇതിനോടകം അഭിനയിച്ചിട്ടുള്ളത്. അതെല്ലാം മികച്ച രീതിയിൽ തന്നെ അവതരിപ്പിക്കാനും ഉർവശിക്ക് കഴിഞ്ഞു. ഉർവശിയും മോഹൻലാലും നായിക നായകന്മാരായി അഭിനയിച്ച് ഹിറ്റ് ആയി മാറിയ ചിത്രമാണ് മിഥുനം. ചിത്രം സംവിധാനം ചെയ്തത് പ്രിയദർശൻ ആയിരുന്നു. മലയാള സിനിമയിലെ തന്നെ എക്കാലത്തെയും മികച്ച ചിത്രങ്ങളിൽ ഒന്നാണ് മിഥുനം.
എന്നാൽ ഇപ്പോൾ ഉർവശി മിഥുനം സിനിമയെ കുറിച്ച് പറഞ്ഞ ചില കാര്യങ്ങൾ ആണ് പ്രേഷകരുടെ ശ്രദ്ധ നേടിയിരിക്കുന്നത്. മിഥുനം സിനിമയിൽ നായകനായി അഭിനയിക്കേണ്ടിയിരുന്നത് മോഹൻലാൽ ആയിരുന്നില്ല. ശ്രീനിവാസൻ ആയിരുന്നു. ശ്രീനിയേട്ടനെ ആയിരുന്നു ആദ്യം ചിത്രത്തിൽ നായകനായി തീരുമാനിച്ചത്. പിന്നീട് ആണ് മോഹൻലാലിനെ നായകനായി ചിത്രം എടുത്തത്. അപ്പോൾ ശ്രീനിയേട്ടൻ സിനിമയിൽ അഭിനയിക്കുയും ആ സിനിമ നിർമ്മിക്കുകയും ചെയ്തു. മലയാള സിനിമയിൽ ഉണ്ടായിരുന്ന നായക സങ്കൽപ്പങ്ങളെ പാടെ തകർത്ത് കൊണ്ട് മുന്നോട്ട് ആത്മവിശ്വാസത്തോടെ വന്ന നടൻ ആണ് ശ്രീനിയേട്ടൻ എന്നും ഉർവശി പറയുന്നു.