ഇത് അളിയന്റെ സമ്മാനം; നയൻസിന്റെ സഹോദരന് നന്ദി പറഞ്ഞ് വിഘ്‌നേഷ് ശിവൻ

തെന്നിന്ത്യൻ താര സുന്ദരി നയൻതാരയ്ക്കും സംവിധായകൻ വിഘ്‌നേഷ് ശിവനും ഒന്നാം വിവാഹവാർഷികം ആഘോഷിക്കുകയാണ്. ഇരുവർക്കും ആശംസകൾ നേരുകയാണ് തമിഴ് സിനിമാ ലോകം. അതേ സമയം ഇന്നലെ വിവാഹം കഴിഞ്ഞതുപോലെ തോന്നുന്നുവെന്നാണ് വിഗ്‌നേഷ് ശിവൻ കുറിച്ചത്.

ഒന്നാം വിവാഹവാർഷികം ആഘോഷിക്കുന്ന ഈ വേളയിൽ നയൻതാരയുടെ സഹോദരൻ ഇരുവർക്കും ഒരു സമ്മാനം അയച്ചിട്ടുണ്ട്. ‘ചാച്ചു’ എന്നാണ് വിഗ്‌നേഷ് അളിയനെ വിളിക്കുന്നത്. നയൻതാരയുടെ ഏക സഹോദരനാണ് ലെനു കുര്യൻ. തന്റെയും കുടുംബത്തിന്റെയും പേരിലാണ് ലെനു അനുജത്തിക്കും അളിയനും ആശംസയും സമ്മാനവും അയച്ചിരിക്കുന്നത്.2022 ജൂണ്‍ 9നായിരുന്നു ഇവരുടെ വിവാഹം.

”പ്രിയപ്പെട്ട മണിക്കും വിക്കിക്കും വിവാഹവാർഷികാശംസകൾ. ഈ ലോകത്തെ എല്ലാ സന്തോഷവും ഇരുവർക്കും നേരുന്നു. ദൈവം നിങ്ങളുടെ മേൽ ആശംസകൾ ചൊരിയട്ടെ”, എന്ന് ലെനു കൈകൊണ്ട് എഴുതിയ കുറിപ്പിൽ പറയുന്നു. ഒപ്പം ഭാര്യയുടെയും മക്കളുടെയും പേരും എഴുതിയിട്ടുണ്ട്. നിറയെ പൂക്കൾ കൊണ്ട് തീർത്ത ഒരു ട്രീയും സമ്മാനപൊതിയും ഈ കുറിപ്പിനൊപ്പം കാണാം. ഇൻസ്റ്റഗ്രാം സ്റ്റോറിയിലൂടെയാണ് വിഘ്‌നേഷ് ഇക്കാര്യം ആരാധകരെ അറിയിച്ചത്.