നാല് വർഷത്തിൽ 23 സർജറി; തന്റെ അപകടത്തെ കുറിച്ച് ചിയാൻ വിക്രം പറയുന്നു

ഏവരുടെയും പ്രിയതാരമാണ് ചിയാൻ വിക്രം. പൊന്നിയിൻ സെൽവൻ സിനിമയുടെ പ്രമോഷനുമായി ബന്ധപ്പെട്ട് നൽകിയ ഒരഭിമുഖത്തിൽ താരം പറഞ്ഞിരിക്കുന്ന കാര്യമാണ് സോഷ്യൽ മീഡിയയിൽ വൈറലായി മാറുന്നത്. ബാല്യകാലത്തിൽ തനിക്കുണ്ടായ അപകടത്തെ കുറിച്ചാണ് നടൻ വിക്രം വെളിപ്പെടുത്തിയിരിക്കുന്നത്

വിക്രമിന് 12ാം വയസിൽ സംഭവിച്ച ഒരു അപകടത്തിൽ വലത് കാൽ തളർന്ന് പോയിരുന്നുവത്രെ. എന്നാൽ കഠിനമായ പരിശ്രമം കൊണ്ട് താൻ ആരോഗ്യം വീണ്ടെടുത്തു എന്നാണ് താരം പറയുന്നത്.സുഹൃത്തിനോടൊപ്പം ബൈക്കിൽ യാത്ര ചെയ്യുമ്പോഴായിരുന്നു അപകടം സംഭവിച്ച തന്റെ വലതു കാൽ പൂർണ്ണമായും തകർന്നിരുന്നു.

ഡോക്ടർമാർ കാൽ മുറിച്ചു മാറ്റണമെന്നാണ് പറഞ്ഞത്. എന്നാൽ എന്റെ അമ്മ അത് വേണ്ടെന്ന് പറഞ്ഞു.ഞാൻ പ്രതിസന്ധികളെ തരണം ചെയ്ത് മുന്നോട്ട് വരുമെന്ന് അമ്മയ്ക്ക് വിശ്വസമുണ്ടായിരുന്നു. അങ്ങനെ തന്നെ സംഭവിച്ചുവെന്നാണ് താരം പറഞ്ഞത്.

നാല് വർഷത്തിനിടയിൽ വലതു കാലിന് 23 സർജറിയാണ് നടത്തിയത്. മൂന്ന് വർഷം വീൽ ചെയറിലായിരുന്നു തന്റെ ജീവിതം അതിനു ശേഷം ഒരു വർഷം ഊന്നു വടിയുടെ സഹായത്തോടെ നടന്നു പരിശീലിച്ചു. കഠിനമായ വേദനയോടെയാണ് താൻ ഒരോ ചുവടുകളും വെച്ചതെന്ന് താരം വ്യക്തമാക്കി. അവിടെ നിന്നാണ് ഞാൻ ഇവിടെ വരെ എത്തി നിൽക്കുന്നത്. നേരത്തെയും പല അഭിമുഖങ്ങളിലും താരം തന്റെ അപകടത്തെ കുറിച്ച്
പറഞ്ഞിരുന്നു