‘തീയറ്റർ കുലുങ്ങുന്നത് കാണാൻ ചെന്നാൽ പടം തീർന്നാലും കുലുങ്ങില്ല, മറിച്ച്…’; ചർച്ചയായി വാലിബിന്റെ റിവ്യൂ

മോഹൻലാൽ നായകനായി എത്തുന്ന മലൈക്കോട്ടൈ വാലിബനായുള്ള വലിയ കാത്തിരിപ്പിലായിരുന്നു മലയാളികൾ. ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രം റിലീസിന് ഒരുങ്ങവെ വരുന്ന അപ്ഡേറ്റുകൾ എല്ലാം വൻ തോതിൽ ശ്രദ്ധിക്കപ്പെടുകയും ചെയ്തു. എന്നാൽ, റിലീസിന് ശേഷം സമ്മിശ്ര പ്രതികരണങ്ങളാണ് വന്നു കൊണ്ടിരിക്കുന്നത്. ഇപ്പോൾ ചിത്രത്തെ കുറിച്ച് വന്ന ഒരു റിവ്യൂ വലിയ ചർച്ചയാകുന്നുണ്ട്, ഇൻറർവ്യൂ ഒക്കെ കണ്ട് നല്ല അടി പടവും തീയറ്റർ കുലുങ്ങുന്നത് കാണാൻ ചെന്നാൽ പടം തീർന്നാലും കുലുങ്ങില്ല എന്നാണ് വിപിൻ വൃന്ദാവനം കുറിച്ചിരിക്കുന്നത്. മറിച്ച് ഒരു നാടോടികഥ നല്ല സിനിമാറ്റോ​ഗ്രഫിയിൽ ക്ലാസിക് ആയി ലിജോ എടുത്തു വച്ചിട്ടുണ്ടെന്നും വിപിൻ കുറിച്ചു.

കുറിപ്പ് വായിക്കാം

മോഹൻലാൽ നായകനായ ലിജോ ജോസ് പല്ലിശ്ശേരി ചിത്രം. ട്രെയിലർ , ഇൻറർവ്യൂ ഒക്കെ കണ്ട് നല്ല അടി പടവും തീയറ്റർ കുലുങ്ങുന്നത് കാണാൻ ചെന്നാൽ പടം തീർന്നാലും കുലുങ്ങില്ല. മറിച്ച് ഒരു നാടോടികഥ നല്ല Cinematography ൽ ക്ലാസിക് ആയി എടുത്ത് വച്ചിട്ടുണ്ട് LJP . അഭിനയിച്ച താരങ്ങൾ എല്ലാം അവരുടെ റോളുകൾ ഭംഗിയാക്കിയപ്പോൾ ഇമോഷണൽ കണക്ട് ചെയ്യിക്കുന്ന മാസ്സ് രംഗങ്ങളുടെ അഭാവം പ്രേക്ഷകർക്ക് കൂടുതൽ Energetic ആക്കുന്നതിൽ പരാജയപ്പെട്ടു എന്ന് പറയാം. എന്നിരുന്നാലും മോഹൻലാൽ പറഞ്ഞ പോലെ ടെക്നിക്കലി Brilliant ആയ ആക്ഷൻ രംഗങ്ങളും , കഥയും , പ്രണയവും , വഞ്ചനയും എല്ലാം നിറഞ്ഞ നമ്മൾ കണ്ട് പരിചയം ഇല്ലാത്ത ഒരു മലയാള ചലചിത്രം . മോഹൻലാൽ, ഹരീഷ് പേരടി, വാലിബൻറെ കൂടെ ഉള്ള പയ്യൻ , വില്ലൻ ചമതകൻ ഒക്കെ നല്ല രീതിയിൽ കഥാപാത്രം ആയി ജീവിച്ചു . പഴയ ഷോലെ പടം ഒക്കെ പോലെ Slow പേസിൽ ആണ് പോകുന്നത്. ഒരു ക്ലാസിക് പടം പ്രതീക്ഷിച്ച് പോയാൽ നല്ല ഒരു Satisfaction നോട് കൂടി മടങ്ങാം. ഇല്ലെങ്കിൽ നിരാശപ്പെടാൻ സാധ്യതയുണ്ട്. Introduction സീൻ തീയറ്ററിൽ കുലുങ്ങും എന്ന് പറഞ്ഞു കുലുങ്ങാതെ ഇരുന്നപ്പോഴെ പടം മൂഡ് വ്യക്തമായി. അതുകൊണ്ട് Must Watch മൂവി എന്നൊന്നും പറയാൻ പറ്റില്ല .
Personally ഇഷ്ടം ആയി