‘നമ്മള്‍ ഒരുപാട് ആദ്യരാത്രി സീനുകള്‍ കണ്ടിട്ടുണ്ടെങ്കിലും ഇത് വ്യത്യസ്തമായിരിക്കും,” വിഷ്ണു വിശാല്‍

നടന്‍ രവി തേജയും വിഷ്ണു വിശാലും ഒന്നിക്കുന്ന സ്പോര്‍ട്സ് കോമഡി സിനിമയുടെ ചിത്രീകരണം പുരോഗമിക്കുകയാണ്. തമിഴില്‍ ‘ഗട്ട കുസ്തി’ എന്നും തെലുങ്കില്‍ ‘മട്ടി കുസ്തി’ എന്നുമാണ് ചിത്രത്തിന് പേരിട്ടിരിക്കുന്നത്. ചെല്ല അയ്യാവ് സംവിധാനം ചെയ്യുന്ന ഈ ചിത്രത്തില്‍ ഐശ്വര്യ ലക്ഷ്മിയാണ് നായിക. അംബാസമുദ്രം, തെങ്കാശി, ചെന്നൈ, ആലപ്പുഴ, പാലക്കാട് എന്നിവിടങ്ങളിലാണ് സിനിമയുടെ ചിത്രീകരണം.

ചിത്രത്തിലെ ആദ്യരാത്രി രംഗം ചിത്രീകരിക്കുന്നതിനിടെ ഷൂട്ടിംഗ് സ്ഥലത്ത് വെച്ചു തന്നെ ഒരു സ്വകാര്യ മാധ്യമം അഭിനേതാക്കളെയും അണിയറപ്രവര്‍ത്തകരുടേയും അഭിമുഖം നടത്തി. വിഷ്ണു വിശാലും ഐശ്വര്യ ലക്ഷ്മിയും നവദമ്പതികളെപ്പോലെ ഒരുങ്ങിയിരിക്കുകയായിരുന്നു. ‘ഇതൊരു നര്‍മ്മം നിറഞ്ഞ രംഗമാണ്. തമിഴ് സിനിമയില്‍ ഞങ്ങള്‍ ഒരുപാട് ആദ്യരാത്രി രംഗങ്ങള്‍ കണ്ടിട്ടുണ്ടെങ്കിലും ഇത് അല്‍പ്പം വ്യത്യസ്തമായിരിക്കും’ എന്നായിരുന്നു വിഷ്ണു വിശാല്‍ അഭിമുഖത്തില്‍ വെളിപ്പെടുത്തിയത്.

‘ഈ ടീമിനൊപ്പം പ്രവര്‍ത്തിക്കുന്നത് വളരെ മനോഹരമാണ്. ഒരു അഭിനേത്രി എന്ന നിലയില്‍, എനിക്ക് ഇതുവരെ ചെയ്യാന്‍ കഴിയാത്ത ഒരുപാട് കാര്യങ്ങള്‍ ചെയ്യാന്‍ എനിക്ക് കഴിഞ്ഞു. അടിസ്ഥാനപരമായി ഇതൊരു രസകരമായ ചിത്രമാണ്. ഞാന്‍ സാധാരണയായി തീവ്രമായ വേഷങ്ങള്‍ ചെയ്യാറുണ്ട്, എന്നാല്‍ ഇത് തീവ്രതയുള്ളതാണെങ്കിലും രസകരമാണെന്നും താരം പറഞ്ഞു.