ഒരു കാലത്ത് നിറഞ്ഞു നിന്നിരുന്ന നാടകങ്ങളിലൂടെ മലയാള സിനിമാ ലോകത്തിലേക്കെത്തിയ നടിയാണ് സീനത്ത് .അനേകം ചിത്രങ്ങളിലെ വലുതും ചെറുതുമായ കഥാപാത്രങ്ങളിലൂടെ വളരെ മികച്ച അഭിനയമികവ് പുലർത്തിയ താരമാണ് സീനത്ത്. താരം ഏറ്റവും മികച്ച ഡബ്ബിങ് ആര്‍ട്ടിസ്റ് കൂടിയാണ്. നിലവിൽ ഇപ്പോൾ താരത്തിന്റെ പോസ്റ്റിന് നേരെ രൂക്ഷമായ കമന്റുകള്‍ക്ക് എതിരെ വളരെ ശക്തമായി തന്നെ പ്രതികരിച്ചിരിക്കുകയാണ് സീനത്ത്. അതെ പോലെ ഈ കഴിഞ്ഞ ദിവസം ലക്ഷദ്വീപിനെ സംബന്ധിക്കുന്ന വിഷയത്തിൽ വളരെ ശക്തമായി തന്നെ അഭിപ്രായപ്രകടനം നടത്തിയിരുന്നു.അത് കൊണ്ട് തന്നെയാണ് ഇതിനെതിരെ മറ്റു ചിലര്‍ രൂക്ഷവിമര്‍ശനവുമായി എത്തിയത്.മിക്കവരും സ്വന്തം വീട്ടിലെ സംസ്കാരം തന്നെയാണ് പുറത്തു പ്രകടിപ്പിക്കുന്നത് ഇങ്ങനെയുള്ളവരുടെ കാഴ്ച പാട് മാത്രമല്ല ഭാഷയും ഒന്ന് തന്നെയായിരിക്കും എന്ന് സീനത്ത് വ്യക്തമാക്കുന്നു..
സീനത്തിന്റെ വാക്കുകളിലേക്ക്…..
‘ വിവരദോഷം ഒരു കുറ്റമല്ല #ഒരേജാതി #ഒരേമതം കഴിഞ്ഞ ദിവസം ലക്ഷദ്വീപ് നിവാസികള്‍ക്ക് വേണ്ടി ഞാന്‍ ഒരു പോസ്റ്റ് ഇട്ടിരുന്നു അതിന്നു വന്ന ചില വൃത്തിക്കെട്ട കമെന്റ്കളില്‍ ചിലതു മാത്രം ഞാന്‍ താഴെ കൊടുക്കുന്നു.’ സീനത്ത് കുറിച്ചു.
‘ഇത്തരക്കാരോട് ഒന്നും പറഞ്ഞിട്ട് കാര്യം ഇല്ലെന്നു അറിയാം.. എന്നാലും പറയുന്നു. സംശയവും വേണ്ട പലരും സ്വന്തം വീട്ടിലെ സംസ്കാരം തന്നെയാണ് പുറത്തു പ്രകടിപ്പിക്കുന്നത് ഇത്തരക്കാരുടെയൊക്കെ കാഴ്ച പാട് മാത്രമല്ല ഭാഷയും ഒന്ന് തന്നെയായിരിക്കും. എന്തെങ്കിലും അഭിപ്രായം പറഞ്ഞാല്‍ ഉടനെ വന്നു സ്ത്രീകളെ അശ്ലീലം പറയുക പുരുഷനെ രാജ്യദ്രോഹികളും തീവ്രവാദികളും ആക്കുക സ്ത്രീകളോട് അശ്ലീലം പറഞ്ഞാല്‍ അവര്‍ വിചാരിക്കുന്നത് കേള്‍ക്കുന്നവര്‍ക്കാണ് നാണക്കേട് എന്നാണ്..’
‘അവരറിയുന്നില്ല ഇത് കാണുന്ന ജനങ്ങള്‍ അവരെതന്നെയാണ് വിലയിരുത്തുന്നത് എന്നു. ഇവരുടെയൊക്കെ വീട്ടിലും സ്ത്രീകള്‍ ഉണ്ടാകും അല്ലെ. ഒരു കാര്യം ഉറപ്പാണ് സ്വന്തം വീട്ടിലെ സ്ത്രീകളെ ബഹുമാനിക്കുന്നവര്‍ക്കേ പുറത്തുള്ള സ്ത്രീകളെ ബഹുമാണിക്കാന്‍ പറ്റു അല്ലാത്തവര്‍ ഇതുപോലെ പുലമ്ബിക്കൊണ്ടിരിക്കും. ഇത് കേരളമാണ് അഭിപ്രായ സ്വതന്ത്ര്യം ഉള്ളനാട്. ആര്‍ക്കു ആരോടും അഭിപ്രായം പറയാം.’
‘എന്നാല്‍ വീണ്ടും പറയുന്നു ഇത് കേരളമാണ് സ്ത്രീകളോട് അതിരുകടന്നുള്ള അശ്ലീലം പറച്ചില്‍ ഒന്ന് സൂക്ഷിക്കുന്നത് നല്ലതാണ്. പിന്നെ ഞാന്‍ എവിടെയും ഒരു പ്രത്യേക മതത്തിനെ നന്നാക്കാനും മറ്റുള്ള മതകാരെ മോശക്കാരാക്കാനും ശ്രമിക്കാറില്ല. കാരണം എനിക്ക് ഒരേ ഒരു മതമേ ഉള്ളു അത് മനുഷ്യ മതം ഒരേ ജാതി മനുഷ്യജാതി.. എന്റെ ജന്മം സ്ത്രീ ജന്മം. എന്റെ നാട് കേരളം. എന്റെ രാജ്യം ഇന്ത്യ എന്റെ രാഷ്ട്രീയം ജാതിമതങ്ങള്‍ക്ക് അപ്പുറമാണ്.
‘മനുഷ്യനെ മനുഷ്യനായി കാണുന്ന രാഷ്ട്രീയം ഞാന്‍ കണ്ട ദൈവം പ്രകൃതി… ആ പ്രകൃതിക്ക്‌ മനുഷ്യനെ വെറുത്തു തുടങ്ങിയിരിക്കുന്നു. അത് പലരീതിയിലും ഭൂമിയില്‍ പതിച്ചുകൊണ്ടിരിക്കുന്നു. ശക്തമായ ചുഴലി കാറ്റയും . ഉരുള്‍ പൊട്ടലായും ഭൂമികുലുക്കമായും.’എന്തിനു പലരീതിലുള്ള വൈറസുകളായും വന്നു താണ്ടവം ആടി മനുഷ്യര്‍ക്ക്‌ താക്കീതു തന്നുകൊണ്ടിരിക്കുന്നു. ഇനിയും പ്രകൃതിയെന്ന ദൈവത്തെ പരീക്ഷിച്ചാല്‍ ഈ ഭൂമി രണ്ടായി പിളര്‍ന്നു എല്ലാം നശിക്കും.ഇതില്‍ കൂടുതല്‍ എനിക്ക് ഒന്നും പറയാന്‍ ഇതിനൊക്കെയുള്ള മറുപടി ഈ താഴെ കൊടുത്ത വരികളില്‍ ഉണ്ട്..
വര്‍ഷങ്ങള്‍ക്ക് മുന്നെ അച്ഛനും ബാപ്പയും എന്ന സിനിമക്ക് വേണ്ടി വയലാര്‍ രാമവര്‍മ്മ എന്ന മഹാനായ കവി എഴുതിയ വരികള്‍. ‘
‘ദേഷ്യവും വൈരാഗ്യവും മാറ്റിവച്ചു ചിന്തിക്ക്. എന്നിട്ട് തിരുത്തേണ്ടത് തിരുത്ത്
……………
മനുഷ്യന്‍ മതങ്ങളെ സൃഷ്ടിച്ചു
മതങ്ങള്‍ ദൈവങ്ങളെ സൃഷ്ടിച്ചു
മനുഷ്യനും മതങ്ങളും ദൈവങ്ങളും കൂടി
മണ്ണു പങ്കു വച്ചു – മനസ്സു പങ്കു വച്ചു
മനുഷ്യന്‍ മതങ്ങളെ സൃഷ്ടിച്ചു
ഹിന്ദുവായി മുസല്‍മാനായി ക്രിസ്ത്യാനിയായി
നമ്മളെ കണ്ടാലറിയാതായി
ലോകം ഭ്രാന്താലയമായി
ആയിരമായിരം മാനവഹൃദയങ്ങള്‍
ആയുധപ്പുരകളായി
ദൈവം തെരുവില്‍ മരിക്കുന്നു
ചെകുത്താന്‍ ചിരിക്കുന്നു
സത്യമെവിടെ സൗന്ദര്യമെവിടെ
സ്വാതന്ത്ര്യമെവിടെ – നമ്മുടെ
രക്തബന്ധങ്ങളെവിടെ
നിത്യസ്നേഹങ്ങളെവിടെ
ആയിരം യുഗങ്ങളില്‍ ഒരിക്കല്‍
വരാറുള്ളൊരവതാരങ്ങളെവിടെ
മനുഷ്യന്‍ തെരുവില്‍ മരിക്കുന്നു
മതങ്ങള്‍ ചിരിക്കുന്നു.
ആശങ്കപ്പെടുത്തുന്ന വാർത്തകളാണ് ശാസ്ത്രലോകത്തു നിന്നും പുറത്തുവരുന്നത്. അപകടസാധ്യതയുള്ള ഒരു ഛിന്നഗ്രഹം ഭൂമിയില്‍ പതിക്കാനും ഭൂമി പൊട്ടിത്തകരാനും സാധ്യത തള്ളിക്കളയാൻ കഴിയില്ലെന്ന്…
തന്റെ ജീവിതം മാറ്റി മറിച്ചൊരു കൃഷ്ണ വിഗ്രഹത്തെക്കുറിച്ച് തുറന്ന് സംസാരിക്കുകയാണ് ഒരു ഓൺലൈൻ മാധ്യമത്തിലൂടെ നിഷ സാരംഗ്. പുതിയ സിനിമയായ…
സിനിമയില്‍ നായികയായി തിളങ്ങി നിന്ന കാലത്ത് സിനിമ വിട്ട നടിയാണ് അഞ്ജു. ഇപ്പോഴിതാ തന്റെ വ്യക്തി ജീവിതത്തെ പറ്റി തുറന്ന്…
വിവാഹ ചടങ്ങുകൾക്കും പൊതു പരിപാടികൾക്കും മറ്റുമെത്തുന്ന നടി കാവ്യ മാധവന്റെ ചിത്രങ്ങളും ദൃശ്യങ്ങളും വളരെ പെട്ടെന്ന് തന്നെ സോഷ്യൽ മീഡിയയിലും…
ബിഗ് ബോസിൽ അർജുനൊപ്പം തന്നെ ചർച്ച ചെയ്യപ്പെട്ട പേരാണ് നടി ശ്രീതുവിന്റേത്. ഇരുവരുടേയും കൂട്ടുകെട്ട് പുറത്ത് ആരാധകർ വലിയ രീതിയിൽ…
ബിഗ്ഗ്‌ബോസിൽ നിന്നും പുറത്ത് വന്നതിന് ശേഷം സിബിൻ നടത്തിയ ആരോപണങ്ങൾ പുറത്തു ഏറെ വിവാദമായ ഒന്നായിരുന്നു. ബിഗ്ഗ്‌ബോസ് മനഃപൂർവ്വം തന്നെ…