വീട്ടുജോലിക്കാരിയയായ 52-കാരിയിൽ നിന്നും 25-കാരിയായ കല്യാണപ്പെണ്ണിലേക്ക് ; ചന്ദ്രിക ചേച്ചിയുടെ കിടിലൻ മേക്കോവർ

52 കാരിയിൽ നിന്നും 25 കാരിയായ കല്യാണപ്പെണ്ണയുള്ള ചന്ദ്രിക ചേച്ചിയുടെ ഈ ഒരു ട്രാൻസ്ഫോർമേഷൻ വീഡിയോ ആണ് ഇപ്പോൾ സോഷ്യൽ മീഡിയ ഏറ്റെടുത്തിരിക്കുന്നത്. മിയബെല്ല ബ്യൂട്ടികെയർ എന്ന ഇൻസ്റ്റാഗ്രാം പേജിലൂടെയാണ് പുറത്തുവന്നിരിക്കുന്നത്. വലിയ സ്വീകാര്യത തന്നെയാണ് ഈ ഒരു വീഡിയോയ്ക്ക് സമൂഹമാധ്യമങ്ങളിൽ നിന്നും ലഭിച്ചിരിക്കുന്നതും.

“പണി എടുത്തുകൊണ്ടിരിക്കുന്ന ഇടയിൽ ചേച്ചിയോട് വെറുതെ ഒന്ന് ചോദിച്ചതാ “പോരുന്നോ എന്റെ കൂടെ ഷോപ്പിൽ ”.പിന്നെ കണ്ട ചേച്ചിയുടെ സന്തോഷം ഞങ്ങളെ അതിശയിപ്പിച്ചു. എല്ലാവരുടെയും ഉള്ളിലുണ്ടാവും . നടക്കാതെ പോയ കുഞ്ഞു. കുഞ്ഞു ആഗ്രഹങ്ങൾ.” എന്നായിരുന്നു വീഡിയോ പങ്കുവെച്ചുകൊണ്ട് കുറിച്ചിരിക്കുന്നത്. കണ്ണൂര്‍ ആലക്കോട് സ്വദേശിയായ ജിന്‍സി രഞ്ജുവാണു വീട്ടുജോലിക്ക് നിൽക്കുന്ന ചന്ദ്രിക ചേച്ചിയുടെ ഈ ഒരു സ്വപ്നം നടത്തി കൊടുത്തിരിക്കുന്നത്.

‘ഒരു ദിവസം ചേച്ചിയോട് ചുമ്മാ ചോദിച്ചതാണ് ഒന്ന് ഒരുക്കിയെടുക്കട്ടെ എന്ന്. ചേച്ചിയുടെ മനസിലും ആഗ്രഹമുണ്ടായിരുന്നു. അവരുടെ കല്ല്യാണസമയത്തൊന്നും ഇങ്ങനെ മേക്കപ്പ് ചെയ്യലോ ഫോട്ടോഷൂട്ടോ ഒന്നുമില്ലായിരുന്നു. അതൊക്കെ ചെയ്തു തരാം എന്ന് പറഞ്ഞപ്പോള്‍ ചേച്ചിയും ഹാപ്പി ആയി.’ എന്നാണ് ജിന്‍സി വിഡിയോയിൽ പറയുന്നത്.