ചില സ്ത്രീകള്‍ക്ക് സാരി ഉടുക്കുന്നതും നടക്കുന്നതുമൊക്കെ വളരെ വെല്ലുവിളി നിറഞ്ഞതാണെങ്കിലും, ഛത്തീസ്ഗഡില്‍ നിന്നുള്ള ഒരു വീഡിയോയില്‍ സാരിയുടുത്ത് കബഡി കളിക്കുകയാണ് കുറച്ചു സ്ത്രീകള്‍.
സാരി ധരിച്ച് നിരവധി സ്ത്രീകള്‍ കബഡി കളിക്കുന്ന വീഡിയോ ഐഎഎസ് ഓഫീസര്‍ അവനീഷ് ശരണ്‍ പങ്കുവെച്ചു. ഈ വീഡിയോയില്‍ സാരിയുടുക്കുന്നത് അത്ര ബുദ്ധിമുട്ടാണെന്ന മിഥ്യയെ പൂര്‍ണ്ണമായും തകര്‍ക്കുന്നു. വീഡിയോയ്ക്ക് 2 ലക്ഷത്തിലധികം കാഴ്ചക്കാരുണ്ട്.
ഛത്തീസ്ഗഡിലെ ഒരു ഗ്രാമത്തില്‍ നിന്നുള്ളവരാണ് ഇത്. സ്‌പോര്‍ട്‌സ് വസ്ത്രം ഉപേക്ഷിച്ച് സാരി ധരിച്ച് ആണ് സ്ത്രീകള്‍ ഗ്രൗണ്ടിലേക്ക് പ്രവേശിച്ചത്. ഇവരുടെ കളികാണാനായി നിരവധി പേര്‍ ചുറ്റും കൂടിയിരുന്നു.