രണ്ടര മാസത്തെ ജയില്വാസത്തിന് ശേഷമാണ് ജനപ്രിയ നായകന് ദിലീപിന് ജാമ്യം ലഭിച്ചത്. അഞ്ചാം തവണ സമര്പ്പിച്ച ഹര്ജിയില് ഉപാധികളോടെ ഹൈക്കോടതി ജാമ്യം അനുവദിക്കുകയായിരുന്നു. ജാമ്യ വാര്ത്ത അറിഞ്ഞതോടെ താരത്തിന്റെ ആരാധകരും കുടുംബാംഗങ്ങളും ആകെ സന്തോഷത്തിലായി. ജയിലില് നിന്നും പുറത്തിറങ്ങിയ താരത്തിന് വന്വരവേല്പ്പാണ് ഇവര് നല്കിയത്.
പ്രതികരിക്കാന് നിന്നില്ല
ദിലീപിന് ജാമ്യം ലഭിച്ച വാര്ത്ത അറിയുമ്പോഴുള്ള താരത്തിന്റെ പ്രതികരണം അറിയുന്നതിനായി മാധ്യമങ്ങള് ശ്രമിക്കുന്നതിനിടയിലാണ് താരം പരിപാടികള് റദ്ദാക്കി കൊച്ചിയിലേക്ക് മടങ്ങിയത്.
രാമലീലയ്ക്ക് പിന്തുണ
ഒറ്റപ്പെടുമെന്ന ഭയം
ദിലീപ് എന്ന നടനെ പിന്തള്ളിക്കഴിഞ്ഞ് സിനിമയില് നില നില്ക്കുന്നത് എളുപ്പമല്ലെന്ന് മനസ്സിലാക്കിയാണ് മഞ്ജു വാര്യര് രാമലീലയെ പിന്തുണച്ചതെന്ന തരത്തില് വിമര്ശനങ്ങള് ഉയര്ന്നിരുന്നു. മഞ്ജു വാര്യര് അടക്കമുള്ള വനിതാ താരങ്ങള് ഉള്പ്പെട്ട വിമന് ഇന് സിനിമ കളക്ടീവിന്റെ നേതൃത്വത്തില് തിയേറ്റര് ബഹിഷ്കരണം പ്രഖ്യാപിച്ചപ്പോഴാണ് വ്യത്യസ്ത നിലപാടുമായി താരം രംഗത്തെത്തിയത്.
തൃശ്ശൂരിലെ വീട്ടിലിരുന്നാണ് നടി ദിലീപിന് ജാമ്യം ലഭിച്ച വിവരം അറിഞ്ഞത്. കൊച്ചിയിലേക്കുള്ള യാത്രയ്ക്കിടയിലാണ് നടി ആക്രമണത്തിനിരയായത്. മണിക്കൂറുകള് നീണ്ട ചോദ്യം ചെയ്യലിനൊടുവിലാണ് താരത്തെ അറസ്റ്റ് ചെയ്തത്.
അടുത്ത സുഹൃത്തുക്കളുടെ പിന്തുണ
ആക്രമണത്തിന് ഇരയായ നടിക്ക് പൂര്ണ്ണ പിന്തുണയുമായി അടുത്ത സുഹൃത്തുക്കള് ഒപ്പമുണ്ടായിരുന്നു. ദിലീപിന്റെ ജാമ്യ വിവരം അറിഞ്ഞപ്പോഴും പിന്തുണ അറിയിച്ച് അടുത്ത സുഹൃത്തുക്കള് നടിയുടെ വീട്ടിലെത്തിയിരുന്നുവെന്നും മംഗളത്തിന്റെ റിപ്പോര്ട്ടില് പറയുന്നു.
മാസങ്ങള് നീണ്ട കാത്തിരിപ്പിന് ശേഷമാണ് ദിലീപ് ചിത്രമായ രാമലീല തിയേറ്ററുകളിലേക്കെത്തിയത്. താരം ജയിലില് തുടരുന്നതിനിടയിലാണ് ചിത്രം റിലീസ് ചെയ്തത്. ചിത്രം അഞ്ചാം നാള് പിന്നിടുന്നതിനിടയില് ദിലീപിന് ജാമ്യം ലഭിക്കുകയും ചെയ്തു.