പുലിമുരുകന് എന്ന ഹിറ്റ് സിനിമയ്ക്ക് ശേഷം സാങ്കേതിക വിദ്യയില് പരീക്ഷണങ്ങള് നടത്തി കൊണ്ട് വരുന്ന മോഹന്ലാല് ചിത്രമാണ് വില്ലന്. ചിത്രീകരണം പൂര്ത്തിയായി സിനിമ ഒക്ടോബര് 27 ന് തിയറ്ററുകളില് റിലീസ് ചെയ്യാന് പോവുകയാണ്. സിനിമ റിലീസ് ചെയ്യുന്നതിന് മുമ്പ് തന്നെ കോടികള് വാരിക്കൂട്ടിയിരുന്നു. ഇപ്പോള് മൂന്ന് കോടി കൂടി നേടിയ വാര്ത്ത വന്നിരിക്കുയാണ്.
സാറ്റലൈറ്റ് അവകാശത്തിന്റെ പേരിലാണ് വില്ലന് വന് തുക നേടിയിരുന്നത്. ഇപ്പോള് ഹിന്ദിയില് ഡബ്ബ് ചെയ്യുന്നതിന് വേണ്ടി മൂന്ന് കോടി രൂപ വാങ്ങിയെന്നാണ് കണക്കുകള് പറയുന്നത്. മലയാളത്തില് നിന്നും ഹിന്ദിയിലേക്ക് ഡബ്ബ് ചെയ്യുന്നതിന് ഒരു കോടി പോലും ഇതുവരെ കിട്ടാത്ത സാഹചര്യത്തില് വില്ലന് റെക്കോര്ഡായി മാറുമെന്ന കാര്യത്തില് ഒരു സംശയവും വേണ്ട.
വില്ലന് ഞെട്ടിക്കുന്നു..
ചിത്രം ഒരേ സമയം മലയാളത്തിലും ഹിന്ദി, തമിഴ് എന്നിങ്ങനെ അന്യഭാഷകളില് കൂടി റിലീസ് ചെയ്യാനുള്ള മുന്നൊരുക്കങ്ങളിലാണ്. അതിനിടെ ഹിന്ദി ഡബ്ബിങ്ങിന് വാങ്ങുന്നത് മൂന്ന് കോടി രൂപയാണെന്നാണ് പറയുന്നത്.
സാങ്കേതിക വിദ്യയില് പുതിയ പരീക്ഷണങ്ങള് കൊണ്ടു വരുന്ന വില്ലന് ആക്ഷന് രംഗങ്ങളിലും വ്യത്യസ്തത പുലര്ത്തുമെന്ന വിശ്വാസത്തിലാണ്. നിലവില് വില്ലന്റെ പ്രീ-റിലീസ് പത്തര കോടി രൂപയായി ഉയര്ന്നിരിക്കുകയാണ്.