ഓണക്കാലം മലയാള സിനിമയ്ക്ക് എപ്പോഴും ആഘോഷത്തിന്റേതാണ്. ഇക്കുറി ഓണക്കാലം തിയറ്ററുകളെ ആവേശത്തിലാക്കിയത് മോഹന്ലാല് മമ്മൂട്ടി ചിത്രങ്ങള് ഒന്നിച്ച് തിയറ്ററില് എത്തുന്നു എന്ന പ്രത്യേകത കൊണ്ടാണ്. പുള്ളിക്കാരന് സ്റ്റാറാ, ഞണ്ടുകളുടെ നാട്ടില് ഒരിടവേള, ആദം ജോണ് എന്നിവ തിയറ്ററില് എത്തുന്നതിനും ഒരു ദിവസം മുന്നേ മോഹന്ലാല് ചിത്രം വെളിപാടിന്റെ പുസ്തകം തിയറ്ററിലെത്തി.
കരിയറില് ആദ്യമായി ലാല് ജോസ് മോഹന്ലാലിനെ നായകനാക്കി ഒരുക്കിയ ചിത്രമായിരുന്നു വെളിപാടിന്റെ പുസ്തകം. നിരവധി ഹിറ്റ് ചിത്രങ്ങള് സ്വന്തം പേരിലാക്കിയ ലാല് ജോസ് ചിത്രത്തിലൂടെ ഒരു ലാല് മാജിക് പ്രതീക്ഷ പ്രേക്ഷകര് നിരാശരായി. എന്നാല് ആദ്യ ദിനങ്ങളില് ചിത്രം മികച്ച കളക്ഷന് നേടി.
വെളിപാടിന്റെ പുസ്തകം തിയറ്ററിലെത്തി 32 ദിവസം പിന്നിടുമ്പോള് ചിത്രത്തിന്റെ കളക്ഷന് വിവരങ്ങള് പുറത്ത് വന്നിരിക്കുകയാണ്. കേരള ബോക്സ് ഓഫീസില് നിന്ന് മാത്രം ചിത്രം നേടിയത് 17 കോടി രൂപയാണ്. ചിത്രത്തേക്കുറിച്ചുള്ള സമ്മിശ്ര പ്രതികരണമാണ് ചിത്രത്തെ പിന്നോട്ടടിച്ചത്.
ആഘോഷ പൂര്വ്വം 200 തിയറ്ററുകളില് റിലീസ് ചെയ്ത ചിത്രം ആദ്യ ദിനം മൂന്നര കോടിയോളം തിയറ്ററില് നിന്നും കളക്ട് ചെയ്തു. ആറ് ദിവസം കൊണ്ട് 11.48 കോടിയോളം ചിത്രം ആകെ കളക്ഷന് നേടടുകയും ചെയ്തിരുന്നു. നിര്മാതാവ് ആന്റണി പെരുമ്പാവൂരാണ് ആറ് ദിവസത്തെ കളക്ഷന് വെളിപ്പെടുത്തിയത്.
തിയറ്ററില് ഒരാഴ്ച പിന്നിട്ടതോടെ ചിത്രത്തിന്റെ കളക്ഷനില് കാര്യമായ ഇടിവ് നേരിട്ട് തുടങ്ങി. രണ്ടാം വാരം ചിത്രം പത്ത് കോടി പിന്നിട്ടെങ്കിലും. പുതിയ റിലീസുകള് എത്തിയതോടെ ചിത്രത്തിന് തിയറ്ററുകളും ഷോകളും കുറഞ്ഞു. പൂജ റിലീസുകള് എത്തിയതോടെ ചിത്രം തിയറ്ററുകളില് നിന്നും പിന്വാങ്ങിത്തുടങ്ങി.
മോഹന്ലാലും ലാല് ജോസും ആദ്യമായി ഒന്നിക്കുന്ന ചിത്രത്തിന് തിരക്കഥ ഒരുക്കിയത് ബെന്നി പി നായരമ്പലമാണ്. നിരവധി ഹിറ്റ് ചിത്രങ്ങള്ക്ക് തിരക്കഥ ഒരുക്കിയ ബെന്നി പി നായരമ്പലത്തിന് വെളിപാടിന്റെ പുസ്തകത്തില് ആ വിജയ ഫോര്മുല ആവര്ത്തിക്കാന് സാധിച്ചില്ല. പുതുമയില്ലാത്ത തിരക്കഥയായിരുന്നു ചിത്രത്തിന്റേതെന്നായിരുന്നു പ്രേക്ഷകരുടെ അഭിപ്രായം.
കോളേജ് വൈസ് പ്രിന്സിപ്പളായ മൈക്കിള് ഇടിക്കുള എന്ന കഥാപാത്രത്തെയാണ് മോഹന്ലാല് ചിത്രത്തിലെത്തുന്നത്. രണ്ട് വ്യത്യസ്ത ഗെറ്റപ്പുകളിലാണ് മോഹന്ലാല് ചിത്രത്തില് പ്രത്യക്ഷപ്പെടുന്നത്. മോഹന്ലാല് മീശ പിരിച്ചെത്തുന്ന രണ്ടാമത്തെ ഗെറ്റപ്പ് പ്രേക്ഷകര്ക്ക് ഏറെ പ്രതീക്ഷ നല്കിയതായിരുന്നു.
സിനിമയ്ക്ക് പ്രതീക്ഷയ്ക്കൊത്ത് ഉയരാന് സാധിച്ചില്ലെങ്കിലും എന്റമ്മേടെ ജിമ്മിക്കി കമ്മല് എന്ന ഗാനം അമ്പരപ്പിക്കുന്ന വിജയമാണ് നേടിയത്. യൂടൂബില് ഏറ്റവും അധികം ആളുകള് കണ്ട മലയാള ഗാനം എന്ന റെക്കോര്ഡ് സ്വന്തമാക്കിയ ഗാനത്തിന് നിരവധി പതിപ്പുകളാണ് ഇറങ്ങിയത്. ഷാന് റഹ്മാനാണ് ഗാനത്തിന് ഈണം നല്കിയത്.
മമ്മൂട്ടിയുടെ നേതൃത്വത്തിലുള്ള ജീവകാരുണ്യ സംഘടനയാണ് 'കെയർ ആൻഡ് ഷെയർ 'ഇന്റർനാഷണൽ ഫൗണ്ടേഷൻ . പതിനഞ്ച് വർഷത്തോളമായി സജീവമായി പ്രവർത്തിക്കുന്ന സംഘടനയാണ്…
മലയാളത്തിൽ സംവിധായകനായും, നടനായും ഒരുപാട് പ്രേക്ഷക സ്വീകാര്യത പിടിച്ച താരമാണ് ബേസിൽ ജോസഫ്, വിനീത് ശ്രീനിവാസൻ സംവിധാനം ചെയ്ത ചിത്രമായ…
കോമഡി കഥപാത്രങ്ങൾ ചെയ്യ്തു പ്രേക്ഷക മനസിൽ ഇടം പിടിച്ച നടി ലക്ഷ്മി പ്രിയ തന്റെ പുതിയ ചിത്രമായ 'ഴ' യുടെ…
കുറച്ചു ദിവസങ്ങളായി ലക്ഷ്മി നക്ഷത്രയും , അന്തരിച്ച കൊല്ലം സുധിയും സുധിയുടെ ഭാര്യ രേണുവുമാണ് സോഷ്യൽ മീഡിയയിൽ നിറഞ്ഞു നിൽക്കുന്നത്,…
മലയാളത്തിന്റെ അഭിനയ വിസ്മയാമായ നടൻ മോഹൻലാലിന്റ 360 മത്ത് ചിത്രമാണ് എൽ 360 എന്ന് താത്കാലികമായി പേരിട്ടിരിക്കുന്ന തരുൺ മൂർത്തി…
പ്രേക്ഷകർക്ക് ഒരുപാട് ഇഷ്ടമുള്ള ഒരു താരകുടുംബമാണ് നടൻ സുകുമാരന്റെയും, മല്ലിക സുകുമാരന്റെയും. എന്ത് കുടുംബകാര്യവും വെട്ടിത്തുറന്നു പറയുന്ന ഒരാളാണ് മല്ലിക…