മലയാള സിനിമയിലെ താരപുത്രന്മാരാണ് ദുൽഖർസല്മാനും , പ്രണവ് മോഹൻലാലും ഗോകുൽ സുരേഷും. മലയാളത്തിന്റെ താര രാജാക്കന്മാരായ മോഹൻലാലിന്റെയും മമ്മൂട്ടിയുടെയും മക്കളായ ഇവർ മലയാള സിനിമയിൽ തങ്ങളുടേതായ സ്ഥാനം നേടിയെടുത്തുകഴിഞ്ഞു. പ്രണവ് മോഹൻലാലിനും ദുൽഖർ സൽമാനും സിനിമയിൽ സജീവമായി തുടങ്ങിയ സമയത്ത് തന്നെ വൻ സ്വീകാര്യതയാണ് ലഭിച്ചത്. അതേ സമയം സുരേഷ്ഗോപിയുടെ മകനായ ഗോകുൽ സുരേഷിന് പ്രണവിനും ദുൽഖറിനും ലഭിച്ച സ്വീകാര്യത ലഭിച്ചിരുന്നില്ല. ഇപ്പോൾ ഇതേക്കുറിച്ചുള്ള ചോദ്യത്തിന് മറുപടി പറയുകയാണ് ഗോകുൽ സുരേഷ് . ഗോകുൽ അഭിനയിച്ച ഏറ്റവും പുതിയ ചിത്രമായ ഗഗനചാരിയുടെ തമിഴ്നാട്ടിലെ പ്രൊമോഷന് വേണ്ടി എസ് എസ് മ്യൂസിക്കിന് നൽകിയ അഭിമുഖത്തിലാണ് ഗോകുൽ സുരേഷ് ഇക്കാര്യം പറയുന്നത്. മലയാളത്തിന്റെ ഏറ്റവും വലിയ മൂന്ന് താരങ്ങളാണ് മമ്മൂട്ടിയും മോഹൻലാലും സുരേഷ്ഗോപിയും. സൂപ്പർ താരങ്ങളുടെ മക്കൾ സിനിമയിൽ വരുമ്പോൾ അവരുടെ ചിത്രങ്ങൾക്ക് ലഭിക്കുന്ന ഒരു വലിയ ഓപ്പണിംഗ് ഉണ്ട്. ദുൽഖറിനും പ്രണവിനും അത് ലഭിക്കുന്നുണ്ട്.ഗോകുൽ സുരേഷിന് നിർഭാഗ്യവശാൽ അത് ലഭിക്കുന്നില്ല, എന്തുകൊണ്ട് എന്നായിരുന്നു താരത്തോടുള്ള ചോദ്യം.ഗോകുൽ ഈ ചോദ്യത്തിന് മറുപടി പറയുന്നുണ്ട്.
അത് സംസാരിക്കണമെങ്കിൽ അതിൽ രാഷ്ട്രീയമടക്കമുള്ള പല കാര്യങ്ങളും കടന്നുവരും. ദുൽഖറും പ്രണവും അത് എളുപ്പം സാധിച്ചെടുത്തത് എന്ന് ത്നിക്ക് പറയാൻ പറ്റില്ല. അവരുടെ കഥ ത്നിക്കറിയില്ല. ദുൽഹാറിനെ സംബന്ധിച്ച് നന്നേ ചെറുപ്പത്തിൽ തന്നെ സിനിമയിൽ അഭിനയിക്കാനുള്ള ആഗ്രഹം ഉണ്ടായിരുന്നിരിക്കാം. പക്ഷേ അത് സാധിക്കാൻ അദ്ദേഹത്തിന് എത്രത്തോളം പരിശ്രമിക്കേണ്ടി വന്നെന്ന് നമുക്ക് അറിയില്ല. ഇപ്പോൾ അദ്ദേഹം എത്തിനിൽക്കുന്ന താരമൂല്യത്തെ നമുക്ക് ജഡ്ജ് ചെയ്യാൻ കഴിയില്ല. കാരണം അദ്ദേഹം നടത്തിയ യാത്ര നമുക്കറിയില്ല, എന്നും ഗോകുൽ പറയുന്നു. അദ്ദേഹം വ്യക്തിപരമായി ചിലതൊക്കെ പറഞ്ഞിട്ടുള്ളത് തനിക്ക് അറിയാം. അതിൽ ചില കഷ്ടപ്പാടുകളുടെ ഒക്കെ കഥയുണ്ട്. പ്രിവിലേജ് ഉള്ള ഒരാൾ ആയത് കാെണ്ട് മാത്രം സിനിമ അയാൾക്ക് എളുപ്പമാകുന്നതല്ല എന്നുംഗോകുൽ പറഞ്ഞു. പ്രണവ് മോഹൻലാലിനെക്കുറിച്ച്ഗോകുൽ പറയുന്നത് ഇങ്ങനെയാണ്. ” പ്രണവിന്റെക്കുറിച്ച് നമ്മൾ കേട്ടിരിക്കുന്നത് അദ്ദേഹത്തിന് സിനിമയിൽ നിൽക്കാൻ വലിയ താല്പര്യം ഇല്ലാത്ത ആളാണെന്നാണ്. പക്ഷേ അദ്ദേഹത്തിന് അവസരങ്ങൾ ധാരാളം ലഭിക്കുന്നു. അവസരം ലഭിക്കാത്തവർ അദ്ദേഹത്തെ ഭാഗ്യവാൻ എന്നായിരിക്കാം കരുതുക. പക്ഷേ സ്വയം വെളിപ്പെടുത്താൻ താല്പര്യം ഇല്ലാത്ത ഒരാൾക്ക് സിനിമയിൽ അവസരം ലഭിക്കുമ്പോൾ അത് ഭാഗ്യമായി അയാൾ കരുതില്ല,എന്നും ഗോകുൽ പറഞ്ഞു.
നിങ്ങൾക്ക് എന്താണോ ഉള്ളത് അതിൽ തൃപ്തിപ്പെടുകയും കൂടുതൽ നേടാനാവുമെന്ന് എപ്പോഴും വിശ്വസിക്കുകയുമാണ് വേണ്ടത്. സൃഷിക്കുന്ന കണ്ടന്റിനോട് നിങ്ങൾക്ക് സത്യസന്ധത ഉണ്ടെങ്കിൽ അത് നിങ്ങളെ പലിടങ്ങളിലും എത്തിക്കും, അത് ചിലപ്പോൾ പതുക്കെയാവും സംഭവിക്കുക. സ്ലോ ആയി പോകുന്നത് പ്രശ്നമല്ലാത്ത ആളാണ് താൻ . താൻ എത്തണമെന്ന് മറ്റുള്ളവർ പ്രതീക്ഷിക്കുന്ന ഉയരത്തിലേക്ക് എത്താനായില്ലെങ്കിൽ തനിക്ക് പ്രശ്നമൊന്നുമല്ല, എന്നും ഗോകുൽ പറയുന്നു. അതേസമയം ഗഗനചാരി ആണ് ഗോകുലിന്റെ ഏറ്റവും പുതിയ സിനിമ . മലയാളത്തിന്റെ ബിഗ് സ്ക്രീനില് അപൂര്വ്വമായി എത്തിയ ഡിസ്ടോപ്പിയന് ഏലിയന് ചിത്രമായിരുന്നു അരുണ് ചന്ദു സംവിധാനം ചെയ്ത ഗഗനചാരി. ഗോകുല് സുരേഷ്, അജു വര്ഗീസ്, കെ ബി ഗണേഷ് കുമാര്, അനാര്ക്കലി മരിക്കാര് എന്നിവര് പ്രധാന കഥാപാത്രങ്ങളെ അവതരിപ്പിച്ച ചിത്രം ജൂണ് 21 നാണ് കേരളത്തിലെ തിയറ്ററുകളില് റിലീസ് ചെയ്യപ്പെട്ടത്. മികച്ച പ്രേക്ഷകപ്രീതി നേടിയ ചിത്രം ഇപ്പോഴിതാ പാന്- ഇന്ത്യന് റിലീസം ചെയ്തിട്ടുണ്ട്. പ്രമുഖ നിര്മ്മാണ, വിതരണ കമ്പനിയായ ജെമിനി ഫിലിം സര്ക്യൂട്ട് ആണ് ചിത്രം പാന്- ഇന്ത്യന് പ്രേക്ഷകരിലേക്ക് എത്തിക്കുന്നത്. ജൂലൈ 5 ന് ചിത്രം ഇന്ത്യയൊട്ടാകെയുള്ള തീയറ്ററുകളിൽ എത്തിയിട്ടുണ്ട്.
