2003ൽ മനസിനക്കരെയെന്ന സത്യൻ അന്തിക്കാട് ചിത്രത്തിലൂടെ തിരിച്ചു വരവ്നടത്തിയ ഷീലഏറ്റവും ഒടുവിൽ അഭിനയിച്ചത് 2023ൽ പുറത്തെത്തിയ അനുരാഗത്തിലാണ് . ഈ സിനിമയിലെ ചില അനുഭവങ്ങൾ ഒരു ഓൺലൈൻ മാധ്യമത്തിന് നൽകിയ അഭിമുഖത്തിൽ ഷീല മുൻപ് പങ്കുവെച്ചിരുന്നു. ഷൂട്ടിങ്ങ് ലൊക്കേഷനിൽ വെച്ചുണ്ടായ ഒരു അപകടത്തെപ്പറ്റിയാണ് ഷീല പറയുന്നത് . ഏകദേശം 50 വർഷത്തിനു മുകളിലായി താൻ സിനിമയിൽ എത്തിയിട്ട്. ഇതുവരെ യാതൊരു പ്രശ്നങ്ങളും ഒരു സിനിമയുടെ ഷൂട്ടിംഗ് സെറ്റിൽ വെച്ച് അനുഭവപ്പെട്ടിട്ടില്ല. ദൈവം അനുഗ്രഹിച്ച് ഒന്നു താഴെ വീഴുക പോലും ചെയ്തിട്ടില്ല എന്ന് പറഞ്ഞഷീല അനുരാഗം സിനിമയിൽ വെച്ച് നടന്നത് ആദ്യത്തെ അനുഭവമായിരുന്നുവെന്നും കൂട്ടിച്ചേർത്തു. തന്റെ ഭാഗങ്ങളെല്ലാം തീർത്ത് അന്ന് ലാസ്റ്റ് ഷൂട്ടിംഗ് ദിവസം ആയിരുന്നുവെന്നും .താൻ സെറ്റിൽ നിന്നും പോകുന്നതിനാൽ വലിയൊരു കേക്ക് വാങ്ങിച്ച് എല്ലാവരും സന്തോഷത്തോടെ ഇരിക്കുകയായിരുന്നുവെന്നും ഷീല ഓർക്കുന്നു. ആ സമയം ജോണി ആന്റണിയുടെ പുറകേ താൻ ബൈക്കിൽ പോകുന്ന പോലെ ഒരു ഷോട്ട് എടുത്തുവെന്നും ആദ്യം വേറെ ഒരാളെ വെച്ച് റിഹേഴ്സൽ നോക്കി.
ഷോട്ട് സമയത്തായിരുന്നു താൻ കയറി ഇരുന്നത്. ജോണി ആന്റണി വണ്ടി എടുത്ത ഉടനെ ബ്രെയ്ക്ക് കിട്ടിയില്ല, എവിടെയോ പോയി ഇടിച്ചു. ചില സിനിമകളിൽ കാണുന്ന പോലെ ഇടിച്ച ഉടനെ താൻ അവിടുന്ന് പറന്നു പോയി താഴെ വീണുവെന്നും വീണത് ചെളിയിൽ ആയിരുന്നു.”ആ വീഴ്ച റോഡിൽ ആയിരുന്നെങ്കിൽ വലിയ പരിക്കുകൾ ഉണ്ടായേനെഎന്നും ഭാഗ്യം കൊണ്ട് വേറെ പരിക്കുകൾ ഇല്ലാതെ രക്ഷപ്പെട്ടുവെന്നും ഷീല പറയുന്നു. അതേസമയം അഭിനയ രംഗത്ത് വർഷങ്ങളുടെ പാരമ്പര്യമുള്ള അഭിനേത്രിയാണ് ഷീല. മലയാളത്തിലെ പ്രമുഖ താരങ്ങൾക്കൊപ്പം അഭിനയിച്ച ഷീല മലയാള സിനിമയുടെ വളർച്ചയിൽ സ്വയം വളർന്ന താരമാണ്. 60കളുടെ തുടക്കത്തിൽ അഭിനയത്തിലേക്ക് ചുവടു വെക്കുമ്പോൾ ഷീലക്ക് പ്രായം 17. ഇപ്പോൾ 50 വർഷങ്ങൾക്ക് മുകളിൽ സിനിമയിൽ അനുഭവമുള്ള ചുരുക്കം ചില താരങ്ങളിലൊരാളാണ് ഷീല. 1962 മുതൽ 1982 വരെ വലിയൊരു കാലയളവായിരുന്നു ഷീല എന്ന അഭിനേത്രിയെ സംബന്ധിച്ച് കടന്നു പോയത്. ഷീലയും പ്രേം നസീറും ഒരുമിച്ച് ഏകദേശം 130 സിനിമയിൽ അഭിനയിച്ചിട്ടുണ്ട്.
അതിന്റെ പേരിൽ ഒരു ഗിന്നസ് വേൾഡ് റെക്കോർഡും ഉണ്ട്. 1982നു ശേഷം 2003ൽ സത്യൻ അന്തിക്കാടിന്റെ മനസിനക്കരെ എന്ന ചിത്രത്തിലൂടെയാണ് സിനിമയിലേക്ക് വീണ്ടും തിരിച്ചു വരുന്നത്. അതൊരു വലിയ വരവായിരുന്നു. അവസാനം ഇറങ്ങിയ ചിത്രം ഷഹദ് നിലമ്പൂർ സംവിധാനം ചെയ്ത അനുരാഗം എന്ന ചിത്രമാണ്. അനുരാഗം സിനിമയിൽ വളരെ കുറച്ച് സമയം മാത്രമാണ് ഷീല വരുന്നുള്ളു എങ്കിലും നല്ലൊരു കഥാപാത്രം തന്നെയായിരുന്നു ചിത്രത്തിലേത്. ഒരു നീണ്ട ഇടവേളക്ക് ശേഷമാണ് അനുരാഗത്തിലൂടെ സിനിമയിൽ അഭിനയിക്കുന്നത്. 2023ലാണ് അനുരാഗം റിലീസ് ചെയ്തത്. അതിനു ശേഷം ഷീല പുതിയ സിനിമകളിലൊന്നും പ്രത്യക്ഷപ്പെട്ടിട്ടില്ല. രണ്ടാം വരവിൽ വളരെ കുറച്ച് സിനിമകൾ മാത്രമാണ് താരം ചെയ്തത്. ശ്രദ്ധേയമായ വേഷങ്ങളായിരുന്നു ഷീലക്ക് ലഭിച്ചത്. മനസിനക്കരെ, അകലെ, പൊൻമുടിപ്പുഴയോരത്ത്, സ്നേഹ വീട് എന്നീ സിനിമകളിലെ കഥാപാത്രങ്ങളെല്ലാം അമ്മ വേഷങ്ങളായിരുന്നുവെങ്കിലും വ്യത്യസ്തത നിറഞ്ഞവയായിരുന്നു.
