താൻ അടങ്ങുന്ന സംഘം പഹല്ഗാമിൽ മൂന്ന് ദിവസം ഉണ്ടായിരുന്നു, നടുക്കം വിട്ടുമാറാതെ ഗായകൻ ജി വേണുഗോപാൽ. ഞങ്ങൾ നാല് പേരടങ്ങുന്ന സംഘം അവിടെ ഉണ്ടായിരുന്നു അതോർക്കുമ്പോൾ ഇപ്പോൾ ഒരു ഉൾക്കിടിലമെന്നും വേണുഗോപാൽ പറയുന്നു. സമാനതകളില്ലാത്ത ക്രൂരതയാണ് കഴിഞ്ഞദിവസം അവിടെ അരങ്ങേറിയത്.ഗായകൻ ജി വേണുഗോപാലിന്റെ വാക്കുകൾ ഇങ്ങനെ… ദൈവമേ, ABC valleys എന്ന് വിളിപ്പേരുള്ള പെഹൽഗാമിലെ ഈ ഇടങ്ങളിൽ ഞങ്ങൾ, ഞാൻ, രശ്മി, സുധീഷ്, സന്ധ്യ, എന്നിവർ.
വെറും മൂന്ന് ദിവസങ്ങൾ മുൻപ് ട്രെക് ചെയ്തിരുന്നു എന്നോർക്കുമ്പോൾ ഒരു ഉൾക്കിടിലം! ഞങ്ങൾക്ക് Aru Valley യിൽ മനോഹരമായ ഒരു അനുഭവവും ഉണ്ടായി. പെഹൽഗാമിലെ പാവപ്പെട്ട സാധാരണ ജനങ്ങളോടുള്ള ആദരവ് വർദ്ധിപ്പിക്കുന്ന ഒരനുഭവം. അത് പിന്നീട് പറയാം. സമാനതകളില്ലാത്ത ക്രൂരതയാണ് ഇന്നലെ അരങ്ങേറിയിരിക്കുന്നത്. വിനോദ യാത്രികരുടെ പറുദീസ എന്ന പദവി ഇതോടെ കാഷ്മീരിന് നഷ്ടമാകുമോ?
Who or which forces are behind this dastardly act? ചരിത്രം കണ്ണുനീരും, കഷ്ടപ്പാടുകളും മാത്രം കനിഞ്ഞു നൽകിയ പ്രദേശങ്ങളിലൊന്നാണ് കശ്മീർ. മനോഹരമായ ഭൂപ്രദേശവും , വളഭൂയിഷ്ടമായ മണ്ണും കൃഷിയും, അതി സൗന്ദര്യമുളള പ്രദേശ നിവാസികളും . എന്നാലും ദാരിദ്യവും, കഷ്ടപ്പാടും മാത്രമേ ഇവിടെ കാണാൻ കഴിയൂ. ഇടയ്ക്കിടയ്ക്ക് മുഴങ്ങുന്ന വെടിയൊച്ചകളും! ജി വേണു ഗോപാൽ കുറിച്ചു.
