നവാഗതനായ വിഷ്ണു മോഹന് സംവിധാനം ചെയ്ത്, ഉണ്ണി മുകുന്ദന് നായകനായ ചിത്രമാണ് മേപ്പടിയാന്. തുടക്കം മുതല് ഒടുക്കം വരെ കാണികളെ പിടിച്ചിരുത്തിയ ഒരു കുടുംബ ചിത്രം തന്നെയായിരുന്നു മേപ്പടിയാന്. ഉണ്ണി മകുന്ദന്റെ ഇതുവരെയുള്ള കരിയറിലെ ഏറ്റവും മികച്ച സിനിമയായി മേപ്പടിയാന് മാറിക്കഴിഞ്ഞു. ചിത്രം കുടുംബ പ്രേക്ഷകര് ഏറ്റെടുത്തതോടെ സാധാരണക്കാരന്റെ അസാധാരണ വിജയമായി മേപ്പടിയാന് തീയറ്ററുകളില് പ്രദര്ശനം തുടരുന്നു. സിനിമ ഒരു കമേഴ്ഷ്യല് ഹിറ്റായി മാറിയതോടെ തന്റെ പ്രേക്ഷകര്ക്ക് നന്ദി അറിയിച്ച് ഉണ്ണി മുകുന്ദനും എത്തിയിരുന്നു.
ഒരു കുടുംബ ചിത്രം എന്ന രീതിയില് റെക്കോര്ഡ് കളക്ഷനാണ് മേപ്പടിയാന് ലഭിച്ചിരിക്കുന്നത്. കേരളത്തില് 5.1 കോടിയുടെ കളക്ഷനാണ് മേപ്പടിയാന് സ്ൃഷ്ടിക്കാന് കഴിഞ്ഞത്. അതേസമയം, യു.എ.ഇ/ ജി.സി.സി രാജ്യങ്ങളിലെ പ്രദര്ശനത്തില് നിന്ന് 1.65 കോടി കളക്ഷനും ചിത്രത്തിന് കരസ്ഥമാക്കാന് കഴിഞ്ഞു. ഒരു കൊമേഴ്ഷ്യല് വിജയാണ് സിനിമ എന്നാണ് സിനിമയുടേതായി പുറത്തിറങ്ങിയ കണക്കുകള് പറയുന്നത്. കേരളത്തില് നിന്നുള്ള തീയറ്റര് ഷെയര് 2.4 കോടിയാണ്. യു.എ.ഇ/ ജിസിസി രാഷ്ട്രങ്ങളില് അന്പത് ലക്ഷവും. സാറ്റ്ലൈറ്റ് വിഭാഗത്തില് 2.5കോടി. അതേസമയം, ഒ.ടി.ടി ഓഡിയോ എന്നീ വിഭാഗങ്ങളില് യഥാക്രമം 1.5 കോടിയും 12 ലക്ഷവും ആണ് വരുമാനം. ചിത്രത്തിന് നാല് ഭാഷകളിലാണ് ഡബ്ബിനും റീമേക്ക് ഇനത്തിനുമുള്ള അവകാശം നല്കിയിരിക്കുന്നത്.
ഈ വിഭാഗത്തില് 2 കോടിയാണ് രേഖപ്പെടുത്തിയിരിക്കുന്നത്. മൊത്തത്തില് 9.02 കോടിയുടെ വ്യവസായമാണ് ചിത്രത്തില് നടന്നിരിക്കുന്നത്. പ്രമോഷന്റെ ഭാഗമായി അഞ്ച് കോടിയില് അധികവും കണക്കുകളില് റിപ്പോര്ട്ട് ചെയ്യപ്പെട്ടിട്ടുണ്ട്. ഉണ്ണി മുകുന്ദന് ഒരു നിര്മ്മാതാവിന്റെ പരിവേഷം അണിഞ്ഞൊരു ചിത്രം കൂടിയായിരുന്നു മേപ്പടിയാന്. ചിത്രത്തിനെതിരെ വലിയ തരത്തിലുള്ള വിമര്ശനങ്ങളും വിദ്വേഷ പ്രചാരണങ്ങളും വന്നിരുന്നു എങ്കിലും അതിനെല്ലാം മറുപടിയുമായി ഉണ്ണി മുകുന്ദന് രംഗത്ത് എത്തിയിരുന്നു.
‘ഇവിടെ എല്ലാം വളരെ വ്യക്തമാണ്. മേപ്പടിയാന് പൂര്ണ്ണമായും ഒരു കുടുംബ ചിത്രമാണ്. ഒരു സാധാരണ മനുഷ്യന് അയാളുടെ ജീവിതത്തില് അഭിമുഖീകരിക്കുന്ന ദൈനംദിന പോരാട്ടങ്ങളാണ് ചിത്രത്തിലൂടെ കാണിക്കുന്നത്. പക്ഷേ ഇത്തരം ചില തിരുത്തലുകളും വിദ്വേഷ പ്രചാരണങ്ങളും അനാവശ്യമാണ്. അതുകൊണ്ട് സിനിമ എന്താണ് പറയുന്നത് എന്നറിയാന് എല്ലാവരും ‘മേപ്പടിയാന്’ കാണണം’ എന്നായിരുന്നു സിനിമയ്ക്കെതിരെ വലിയ രീതിയില് വ്യാജ പ്രചരണങ്ങള് നടന്നപ്പോള് ഉണ്ണിയ്ക്ക് പ്രേക്ഷകരോട് പറയാനുണ്ടായിരുന്നത്.