‘180 രൂപയും കൊടുത്ത് പടം കാണാന്‍ കേറുന്നത് ഇതുപോലെ ഒരു എക്‌സ്പിരിമെന്റ് കാണാന്‍ അല്ല’

ലിജോ ജോസ് പെല്ലിശ്ശേരിയും മോഹന്‍ലാലും ആദ്യമായി ഒന്നിക്കുന്ന ചിത്രം. മലയാളസിനിമ അടുത്തിടെ കണ്ട, കേട്ട ഏറ്റവും വലിയ ഹൈപ്പുള്ള ചിത്രമായി മാറാന്‍ മലൈക്കോട്ടൈ വാലിബന് ഈയൊരു കാര്യം മാത്രം മതിയായിരുന്നു. പുറത്തുവന്ന ടീസറുകളും പോസ്റ്ററുകളും അഭിമുഖങ്ങളുമെല്ലാം ആ പ്രതീക്ഷയെ ഊട്ടിയുറപ്പിച്ചു. ആരാണ് വാലിബന്‍? എന്താണ് അയാളുടെ പശ്ചാത്തലം? എന്നെല്ലാമാണ് മലൈക്കോട്ടൈ വാലിബന്‍ എന്ന ചിത്രത്തിലൂടെ ലിജോ ജോസ് പെല്ലിശ്ശേരിയും തിരക്കഥാകൃത്ത് പി.എസ്. റഫീഖും പ്രേക്ഷകര്‍ക്ക് മുന്നില്‍ അവതരിപ്പിക്കുന്നത്. നിരവധി പേരാണ് ചിത്രത്തെ കുറിച്ചുള്ള കുറിപ്പുമായി രംഗത്തെത്തിയിരിക്കുന്നത്. ‘180 രൂപയും കൊടുത്ത് പടം കാണാന്‍ കേറുന്നത് ഇതുപോലെ ഒരു എക്‌സ്പിരിമെന്റ് കാണാന്‍ അല്ലയെന്നാണ് ആഷിഖ് മൂവീ പങ്കുവെച്ച കുറിപ്പില്‍ പറയുന്നത്.